Yowanane 10:10 - MUKANDA WA MYIDI MUKULU

¹⁰ Muivi udi ufika amu bua kuiba, kushipa ne kubutula. Meme ndi mulue bua bantu bapete muoyi, baupete wa bungi.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Muibi udi uluila anu bua kuiba ne bua kushiha ne bua kubutula; meme nakuluila bua bantu bahete muoyo, bauhete muvule.

Yowanane 10:10 교차 참조

Yeshaya 56:11

Badi kabidi bu mbua idi ne lumpukusu, idi idia kayiyi yukuta. Badi amu ne dina patupu dia balami ba mikoku! Kadi kabena bajingulula bualu nansha bumue. Badi benza amu mudibu basue. Muntu yonsu wa kudibu udi udikebela amu tshiende tshidiye ujinga.

Osheya 7:1

dituku dindi nkeba kuondapa bena Izrayele, bubi bua bena Efrayime ne tshikisu tshia bena Samariya, bidi bimueneka tshiakabidi. Bualu badi badinga bantu, biba bintu biabu mu nzubu. Badi bakengeshangana mu njila.

Matayi 18:10

— Kanupepeji nansha umue wa ku badi bu bana. Ndi nnujadikila ne; batumibue ba Mvidi Mukulu, badi balama bana aba, badi mu diulu, bamonangana diba dionsu ne Tatu wanyi udi mu diulu. [

Matayi 18:11

Bualu Muana wa muntu mmuvue kusungidila bavua bajimine.]

Matayi 20:28

Nanku Muana wa muntu kena mufike bua bamuenzele mudimu, kadi amu bua kukuatshila bantu bakuabu mudimu, ne bua kufila muoyi wende bua kupikula bantu ba bungi.

Matayi 21:13

Pashishe kubambilaye ne: — Mikanda ya tshijila idi yamba ne: “Nebi-nyike nzubu wanyi ne: ngwa ditendelela.” Kadi nuenu nukadi bamuandamune muaba wa buivi!

Matayi 23:13

— Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nupangisha bantu, bua kababuedi mu Bukalenga bua mu diulu. Nuenu mene kanuena numubuela. Kanuena nansha banyishe bua babuelemu kudi badi bakeba kubuela. [

Marke 11:17

Pashishe kubalongeshaye wamba ne: — Mu Mukanda wa tshijila mbafunde ne: “Nebabikile nzubu wanyi ne: nzubu udi bantu ba bisamba bionsu mua kutendelela.” Kadi nuenu nudi bamuenze muaba udi bivi mua kusokomena!

Luke 19:10

Muana wa muntu mmufike bua kukeba ne kusungidila bantu bavua bajimine.

Yowanane 10:1

— Ndi nnujadikila bulelela ne: muntu udi kayi ubuelela ku tshiibi tshia lupangu lua mikoku, kadi usambukila muaba mukuabu pa tshimana, mmuivi kabidi mmuena mutshima.

Yowanane 10:11

Ndi mulami muimpe wa mikoku. Mulami muimpe wa mikoku udi ufuila mikoku yende.

Yowanane 12:47

Padi muntu umvua miaku yanyi, kayi uyikumbaja, meme tshiena mua kumupisha ku tshilumbu to. Bualu meme ndi mufike bua kusungidila bantu. Tshiena muvue kubapisha to.

Yowanane 12:6

Yudase kavua wamba nanku bualu uvua usumpakena bapele to. Kadi uvua muivi. Uvua mulami wa tshibutshilu, wiba bivuabu batekamu.

Yowanane 3:17

Mvidi Mukulu kavua mutume Muanende pa buloba bua kupisha badi pa buloba, kadi bua badi pa buloba bapetele lupandu kudiye.

Yowanane 5:40

Kadi kanuena basue kufika kundi bua kupeta muoyi mulelela.

Yowanane 6:33

Bualu diampa didi Mvidi Mukulu ufila, ke didi difuma mu diulu, dipetesha bantu muoyi.

Yowanane 6:51

Meme ndi diampa dia muoyi difume mu diulu. Wadia diampa edi, neashale ne muoyi tshiendelele. Diampa dindi mfila, mmubidi wanyi meme. Ndi ngufila bua bantu bikale ne muoyi.

Rome 2:21

Kadi wewe udi ulongesha bakuabu, kuena udilongesha wewe mene bua tshinyi? Udi ulongesha bakuabu ne: kanuena mua kuiba. Kadi wewe mene udi wiba bua tshinyi?

1 Timote 1:15

Bindi ndongesha ebi bidi bilelela. Bantu bonsu bitabe ne: Yezu mmufike pa buloba bua kusungidila bantu babi. Meme ndi mubapite bonsu ku bubi.

Ebrewu 6:17

Mvidi Mukulu uvua musue kuleja patoke bantu bonsu bavua ne bua kupeta bivuaye mulaye ne: kashidi tshiena mua kushintulula dipangadika dianyi. Ke pavuaye usakidila mutshipu ku dilaya divuaye ulaya.

Ebrewu 7:25

Ke padiye mua kusungidila, mpindiewu ne matuku onsu, bonsu badi bapitshila kudiye bua kusemena pabuipi ne Mvidi Mukulu. Bualu yeye udi ne muoyi kashidi bua kubakuila kudi Mvidi Mukulu.

2 Petro 1:11

Ke munudi mua kubuela mu Bukalenga bua kashidi bua Mfumu wetu ne Musungidi Yezu Kristu.