Yowanane 1:45 - MUKANDA WA MYIDI MUKULU

⁴⁵ Pashishe Filipe kusambakena ne Natanayele. Kumuambilaye ne: — Tuvua bamone muntu uvua Moshe mutele mu mukanda wa Mikenji, kabidi uvua bambi bambe. Ke Yezu, muana wa Yozefe, muena mu tshimenga tshia Nazarete.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁵ Filipo wakasangana Natanaele, wakamuambila ne, Tuakumona wakafunda Mose mu mikenshi, ne baprofete, Yesu wa ku Nazaleta, muana wa Yosefe.

Yowanane 1:45 교차 참조

Genese 22:18

Bisamba bionsu bia pa buloba nebipetele diakalenga ku ndelanganyi yebe, bualu witabi mikenji yanyi.

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

Yeshaya 4:2

Dituku dikuabu, Maweja-Nangila neafukishe tshiakabidi buloba. Tshionsu tshidi tshitoloka netshikole. Bantu badi bashala ne muoyi mu Izrayele, nebasanguluke padibu bamona bionsu ebi. Nenku nebapetulule lumu ne butumbi biabu.

Yeshaya 53:2

Bualu Maweja-Nangila uvua musue, bua muena mudimu wende ende ukola bitekete bitekete, bu mutshi wa tshitende, bu mutshi udi wela miji mu buloba buume. Kavua ne buneme, nansha bulenga, buvua mua bantu kumutangidila. Kavua ne tshintu nansha tshimue, tshivua mua kusaka bantu bua bamutangile.

Yeshaya 7:14

Nanku Maweja-Nangila nkayende neakupeshe tshimanyinu: nsongakaji neimite difu. Nealele muana wa balume. Neamuinyike Emanuwele, mmumue ne: “Mvidi Mukulu udi netu.”

Yeshaya 9:6

Bukalenga buende nebutangalake, bena ditunga bende nebasombe mu bupole kashidi. Neashindame mu nkuasa wa lumu lua Davide, mpindiewu ne tshiendelele. Bumfumu buende nebutungunuke kashidi, bualu udi ulongolola malu bimpe, amu mudi Mvidi Mukulu ujinga. Ke bidi Maweja-Nangila muena bukole buonsu ukumbaja, bualu udi utunanga, kayi upungila.

Mika 5:2

Maweja-Nangila nealekele bantu bende mu bianza bia baluishi babu, too ne ku tshikondu tshidi mukaji udi kulu ulela muana wa balume. Diba adi bantu badi bashala ne muoyi mu bupika, nebapingane mu ditunga diabu, bua kudisangisha ne bena Izrayele bakuabu.

Zekâya 6:12

Umuambile ne: Maweja-Nangila wa bukole buonsu udi wamba ne: “Kudi muntu munemu dina diende Lutonga. Nsombelu wa bantu neashintuluke bualu buende. Neibakulule nzubu wanyi wa tshijila.

Zekâya 9:9

Yerushalayime, sanka bikole! Wewe tshimenga tshia Siyone, ela tunkunduluila! Tangila mudi mukalenga webe ukuvuila. Udi uvua kukusungidila, kukosa nsambu pa yoyi. Kadi kena uditambisha to! Udi mubande pa nyama wa mpunde, pa muana wa mpunde mukaji.

Matayi 10:3

Filipe ne Bartolmayi; Tomase ne Matayi, mulambuishi wa bitadi; Yakobe muana wa Alfayi, ne Tadeyi;

Matayi 13:55

Yeye ewu ki mmuana wa muena mabaya anyi? Mamuende ki Mariya anyi? Yakobe, Yozefe, Simone ne Yuda ki mbana babu anyi?

Matayi 2:23

Kusombaye mu tshimenga tshiyuabu binyika ne: Nazarete. Bionsu ebi bivua bienzeka bua kukumbaja diyi divua bambi bamba ne: “Nebamuinyike ne: mmuena Nazarete.”

Matayi 21:11

Bantu bakuabu bavua bandamuna ne: — Yezu, muambi, muena Nazarete wa mu Ngalileya.

Marke 14:67

Kumonaye Petro ota kapia, kumujojaye, umuamba ne: — Wewe kabidi uvua ne Yezu wa mu Nazarete.

Marke 6:3

Yeye ewu ki mmuntu udi utenga nzubu anyi? Kena muana wa Mariya anyi? Kena muanabu ne Yakobe anyi? Kena muanabu ne Yoze anyi? Kena muanabu ne Yuda ne Simone anyi? Bana babu ba bakaji kabena munkatshi muetu emu anyi? Ke tshiyuabu babengela kumuitabila.

Luke 18:37

Kumuambilabu ne: — Ke Yezu wa mu Nazarete udi upita mu njila emu.

Luke 2:4

Yozefe kumuka mu Ngalileya mu tshimenga tshia Nazarete, kuya mu buloba bua Yudeya mu tshimenga tshidibu binyika Betleyeme, muvuabu balelele mukalenga Davide. Bualu Yozefe uvua wa ku ndelanganyi ya Davide.

Luke 2:48

Baledi bende bamumona, kukemabu bikole. Mamuende kumukonka ne: — Muananyi, udi mutuenzele nenku bua tshinyi? Tatuebe ne meme tuvua batate bikole, tuenda tukukeba ne dipampakana.

Luke 24:27

Diba adi Yezu kubumvuija bionsu bivuabu bafunde bualu buende mu Mikanda ya tshijila, kutuadija ku mikanda ya Moshe, too ne ku ya bambi bonsu.

Luke 24:44

Pashishe kubambilaye ne: — Miaku imvua munuambile, pantshivua nenu, ivua ne: bionsu bivuabu bafunde mu mikenji ya Moshe, ne mu mikanda ya bambi, ne ya misambu, bidi ne bua kukumbana.

Luke 3:23

Pakatuadija Yezu mudimu wende, ukavua ne bidimu bu makumi asatu. Bantu bavua bela meji ne: Yezu udi muana wa Yozefe. Yozefe uvua muana wa Eli.

Luke 4:22

Bantu bonsu bavua bamukema, bakatshila bua miaku ya pa dinanga ivuaye muambe. Bavua bakonkangana ne: — Yeye ki mmuana wa Yozefe anyi?

Yowanane 1:44

(Filipe uvua muena Betsayida; Andre ne Petro bavua basombe kabidi mu musoku awu.)

Yowanane 12:21

Kuyabu kudi Filipe (uvua wa mu Betsayida mu Ngalileya), bamuambila ne: — Mukalenga, tudi basue kumona Yezu.

Yowanane 14:8

Filipe kumuamba ne: — Mfumu, utuleje Tatu. Ke tshionsu tshitudi tujinga.

Yowanane 18:5

Bobu kumuandamuna ne: — Yezu wa mu Nazarete. Yezu kubambila ne: — Ke meme ewu. Yudase mumutungidi wa tshitungu uvua muimane pamue nabu.

Yowanane 18:7

Ke Yezu kubakonka tshiakabidi ne: — Unudi nukeba nnganyi? Kuambabu ne: — Yezu wa mu Nazarete.

Yowanane 19:19

Pilate kufundisha kabidi miaku pa kabaya, bua bakapopele ku mutu kua mutshi mutshiamakane. Bavua bafunde pa kabaya aku ne: “Yezu wa mu Nazarete, mukalenga wa bena Yuda.”

Yowanane 21:2

Simone Petro, Tomase (udibu binyika ne: wa Dipasa), Natanayele (uvua wa mu Kana mu Ngalileya), bana ba Zebede ne balongi bakuabu babidi ba Yezu bavua pamue.

Yowanane 6:42

Bavua bakonkangana ne: — Muntu ewu ki nYezu muana wa Yozefe anyi? Tudi bamanye tatuende ne mamuende. Kadi mudiye wamba mpindiewu ne: “Ndi mufume mu diulu mbishi?”

Yowanane 6:5

Yezu ukenzakana, kumona tshisumbu tshia bantu tshinene tshienda tshimuvuila. Nanku kukonkaye Filipe ne: — Nkuepi kutudi mua kusumba biakudia bia kubadisha buonsu bungi buabu?

Yowanane 6:7

Filipe kumuandamuna ne: — Nansha tuetu batula nkanu nkama ibidi ya tshiamu tshitoke tshia mushinga mukole, katuena mua kusumba mampa makumbane bua muntu yonsu wa kudibu kupetaye kapese.

Bienzedi 10:38

Nudi bamanye Yezu wa muNazarete, uvua Mvidi Mukulu musungule. Uvua mumuwuje ne Mueyelu wende wa Tshijila, kabidi ne bukole buende. Nanku Yezu kuendakana mu ditunga dijima, wenza bilenga, ujikija masama a bantu bonsu, bavuabu bakuate kudi mukishi mubi. Bualu Mvidi Mukulu uvua nende.

Bienzedi 2:22

Nuenu bena Izrayele, telejayi tshindi nnuambila: Yezu wa mu Nazarete uvua mufike kunudi mu dina dia Mvidi Mukulu. Mvidi Mukulu kujadika bumfumu buende munkatshi muenu ne bishima bivule, kabidi ne malu a kukema, bivuaye munuenzele kudiye. Bionsu abi, nuenu kabidi nudi babimanye.

Bienzedi 22:8

Meme kuebeja ne: “Mukalenga, wewe udi nganyi?” Diyi kungandamuna ne: “Ndi Yezu wa mu Nazarete uudi ukengesha.”

Bienzedi 26:9

Meme kabidi mvua muele meji ne: ndi ne bua kuenza muanyi muonsu bua kuluisha Yezu wa mu Nazarete.

Bienzedi 3:6

Ke Petro kumuamba ne: — Tshiena ne lukanu lua tshiamu tshitoke tshia mushinga mukole, nansha lua tshiamu tshia mpawungi. Kadi tshindi natshi, ndi nkupeshatshi: mu dina dia Yezu Kristu wa mu Nazarete, ndi nkuamba ne: juka, enda!