Yowanane 1:44 - MUKANDA WA MYIDI MUKULU

⁴⁴ (Filipe uvua muena Betsayida; Andre ne Petro bavua basombe kabidi mu musoku awu.)

Mukanda wa Nzambi Dihungila Dikulukulu ne Dihungila Dihia-dihia 2003

⁴⁴ Filipo wakadi Muena Bete-saiîa, musoko wa Andele ne Petelo.

Yowanane 1:44 교차 참조

Matayi 10:3

Filipe ne Bartolmayi; Tomase ne Matayi, mulambuishi wa bitadi; Yakobe muana wa Alfayi, ne Tadeyi;

Matayi 11:21

— Wewe, Korazine, udi muena diakabi! Wewe, Betsayida, udi muena diakabi! Bualu bishima bidibu benzele muenu, bu biobi bienzekela mu Tire, ne mu Sidone, bena bimenga ebi kuonsu eku bakavua bavuale bilamba bikayapale, badilabe butu, bua kuleja ne: tudi basue kudilengeja.

Marke 3:18

Andre, Filipe, Bartolmayi, Matayi, Tomase, Yakobe muana wa Alfayi, Tadeyi, Simone uvua mu tshisumbu tshia baluidi ba ditunga diabu,

Marke 6:45

Diakamue Yezu kubueja balongi bende mu buatu bua badianjile mu tshimenga tshia Betsayida, dia muamua dia dijiba, patshi-vuaye ntangalaja bantu.

Marke 8:22

Bobu kufika mu Betsayida. Bantu kumutuadila mpofu, basengelela Yezu bua kumulengaye.

Luke 10:13

Wewe Korazine, udi muena diakabi! Wewe Betsayida, udi muena diakabi! Bualu malu a dikema adibu banuenzela nuenu, bu bobu bawenzele bena Tire ne bena Sidone, bena bimenga ebi bavua mua kusomba panshi musangu umue, kuvuala bilamba bikayapale, kudilaba butu mu mutu, bua kuleja ne: tudi basue kudilengeja.

Luke 6:14

Ke Simone (uvuaye muinyike kabidi dina dia Petro), ne muanabu Andre, Yakobe ne Yowanane, Filipe ne Bartolmayi,

Luke 9:10

Bapostolu ba Yezu kupingana kudiye, bamuambila bionsu bivuabu benze. Yezu kubangata, kuya nabu pa nkayabu pabuipi ne tshimenga tshia Betsayida.

Yowanane 1:43

Butshia, Yezu uvua musue kuya mu buloba bua Ngalileya. Kusambakenaye ne Filipe. Kumuambilaye ne: — Undonde!

Yowanane 1:45

Pashishe Filipe kusambakena ne Natanayele. Kumuambilaye ne: — Tuvua bamone muntu uvua Moshe mutele mu mukanda wa Mikenji, kabidi uvua bambi bambe. Ke Yezu, muana wa Yozefe, muena mu tshimenga tshia Nazarete.

Yowanane 1:46

Natanayele kuambila Filipe ne: — Mu Nazarete mudi mua kupatuka bualu bua nsongu anyi? Filipe kumuandamuna ne: — Luaku, neumone.

Yowanane 1:48

Natanayele kumukonka ne: — Udi mummanye munyi? Yezu kumuandamuna ne: — Mvua mukumone, Filipe kayi muanji kukubikila, pauvua muinshi mua mutshi wa mfiku.

Yowanane 12:21

Kuyabu kudi Filipe (uvua wa mu Betsayida mu Ngalileya), bamuambila ne: — Mukalenga, tudi basue kumona Yezu.

Yowanane 12:22

Filipe kuya kuambila Andre, pashishe bonsu babidi kuya kuambila Yezu.

Yowanane 6:5

Yezu ukenzakana, kumona tshisumbu tshia bantu tshinene tshienda tshimuvuila. Nanku kukonkaye Filipe ne: — Nkuepi kutudi mua kusumba biakudia bia kubadisha buonsu bungi buabu?

Yowanane 6:7

Filipe kumuandamuna ne: — Nansha tuetu batula nkanu nkama ibidi ya tshiamu tshitoke tshia mushinga mukole, katuena mua kusumba mampa makumbane bua muntu yonsu wa kudibu kupetaye kapese.

Bienzedi 1:13

Bamane kufika ku Yerushalayime, kubandabu mu tshibambalu tshia nzubu tshia kulu, muaba muabu basomba misangu mivule. Bobu abu ke Petro, Yowanane, Yakobe ne Andre, Filipe ne Tomase, Bartolmayi ne Matayi, Yakobe muana wa Alfayi, Simone muluidi wa ditunga, ne Yuda muana wa Yakobe.