Yowanane 1:3 - MUKANDA WA MYIDI MUKULU

³ Mvidi Mukulu uvua mufuke bintu bionsu ne Muaku. Kakuvua tshintu nansha tshimue tshivua Mvidi Mukulu kayi mufuke ne Muaku.

Mukanda wa Nzambi Dihungila Dikulukulu ne Dihungila Dihia-dihia 2003

³ Bintu bionso biakafukibua kudiye; kakuena tshintu tshiakafukibua kudi mukuabo, anu kudiye.

Yowanane 1:3 교차 참조

Genese 1:1

Dituku dia kumpala Mvidi Mukulu kufuka diulu ne buloba.

Genese 1:26

Mvidi Mukulu kuamba ne: “Tufuke muntu mufuanangane netu, bua ikale mfumu wa minyinyi ya mu mayi, nyunyi ya mulu, bimuna, bilandadi ne bintu bionsu bidi pa buloba.”

Misambu 102:25

Ke pandi ngela lubila ne: “Mvidi Mukulu wanyi, wewe ngudi ne muoyi bidimu ne bidimu, kungangatshi pankatshinkatshi pa matuku anyi a panu.”

Misambu 33:6

Maweja-Nangila mmufuke diulu ku muaku wende, mmufuke bia mulu bionsu ku mueyelu wa mukana muende.

Nsumuinu 8:30

Tshikondu atshi, mvua pabuipi nende bua kumuambuluisha ku midimu yende ne ngenyi yanyi. Dituku dionsu pavuaye ummona, uvua ne disanka. Mvua nnaya amu ne disanka, yeye muntangile,

Yeshaya 45:12

Meme ndi muenze buloba, mufuke ne bantu badi basombapu. Meme ndi mubalule diulu. Ndi ntumina mabulunge a kulu ne mitotu diyi.

Yeshaya 45:18

Maweja-Nangila uvua mufuke diulu, ke Mvidi Mukulu uvua muenze buloba, mubusonge, mubushindike. Kadi kena mubutuke munda mutupu, mmubuenze bua bantu basepu. Mpindiewu udi wamba ne: “Maweja-Nangila ke Meme! Kakuena mvidie mukuabu.

Yowanane 1:10

Muaku uvua pa buloba. Mvidi Mukulu uvua mufuke bintu bionsu ne Muaku. Kadi bantu kabavua bitabe Muaku.

Yowanane 1:2

Uvua ne Mvidi Mukulu ku tshibangidilu.

1 Korente 8:6

Kadi buetu tuetu kudi Mvidi Mukulu amu umuepele, Tatu, Mufuki wa bionsu. Tudi ne muoyi panu, bua kuya kudiye. Kudi kabidi Mfumu umuepele, Yezu Kristu. Bionsu bidiku ku bukole buende. Tudi bapete muoyi amu kudiye.

Efeze 3:9

Ndi mua kuambuluisha bantu bonsu, bua bajingulule mudi meji masokome a Mvidi Mukulu mua kukumbana. Kuonsu eku Mvidi Mukulu, Mufuki wa bionsu, uvua musokoke meji ende.

Ebrewu 11:3

Ku ditaba ke kutudi bajadike ne: bintu bionsu mbabifuke ku muaku wa Mvidi Mukulu. Nanku bitudi tumona mbifume ku bitudi katuyi tumona.

1 Yone 5:1

Muntu yonsu udi witaba ne: Yezu udi Kristu, udi muana wa Mvidi Mukulu. Muntu yonsu udi unanga tatu, udi unanga kabidi ne bana bende.

Didimanyisha 3:14

— Fundila mutumibue wa Tshisumbu tshia bena ditaba ba mu Lawodikiya ne: “Amene, mujadiki wa malu malelela ne wa diyi dimue, mfuki wa bionsu bivua Mvidi Mukulu mufuke, udi wamba ne:

Didimanyisha 4:11

“Wewe udi Maweja-Nangila wetu, kabidi ne Mvidi Mukulu wetu. mBimpe bantu bonsu bakutumbishe, bakunemeke, bitabe bumfumu buebe. Bualu udi mufuke bintu bionsu. Bionsu bidiku, bidi kabidi ne muoyi, bualu wewe udi musue nanku.”