Yowanane 1:17 - MUKANDA WA MYIDI MUKULU

¹⁷ Mvidi Mukulu uvua mutuelele mikenji idi Moshe mutumanyishe. Kadi dinanga ne bulelela mbifika kudi Yezu Kristu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Mose wakatuha mikenshi, kadi ngasa ne bulelela biakafuma kudi Yesu Kilisto.

Yowanane 1:17 교차 참조

Genese 22:18

Bisamba bionsu bia pa buloba nebipetele diakalenga ku ndelanganyi yebe, bualu witabi mikenji yanyi.

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

Misambu 85:10

Bulelela, diambuluisha diende didi pa buipi ne badi bamutshina, butumbi buende nebushale mu ditunga dietu.

Misambu 98:3

Uvua muvuluke malu ende makane, ne bulelela buende kudi bena Izrayele. Bantu bonsu too ne ku ndekelu kua buloba, badi bamona Mvidi Mukulu wetu uvua mutusungidile.

Mika 7:20

Neuleje ndelanganyi ya Abrahame ne ya Yakobe, dinanga diebe didi kadiyi dijika, bu muuvua mulaye bankambua betu ku kale.

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.

Yowanane 18:37

Ke Pilate kumukonka ne: — Nanku udi mukalenga anyi? Yezu kumuandamuna ne: — Anu muudi muambe amu: Ndi mukalenga. Meme tshidibu bandelele, kabidi tshindi mufikile panu apa, mbua kujadika malu malelela. Muntu yonsu udi munangi wa bulelela udi uteleja bindi ngamba.

Yowanane 5:45

Kadi kanuedi meji ne: nennufunde kudi Tatu wanyi. Moshe unudi batekemene awu, ke wanufunda.

Yowanane 7:19

Moshe uvua munuelele mikenji. Ki mmomu anyi? Kadi kakuena muntu wa kunudi nansha umue udi utumikila mikenji eyi. Kadi nudi nukeba kunshipa bua tshinyi?

Yowanane 8:32

Nanku nenumanye bulelela. Bulelela nebunuenze bantu badikadile.

Yowanane 9:29

Tudi bamanye ne: Mvidi Mukulu uvua muakule ne Moshe. Kadi muntu ewu, katuena nansha bamanye kudiye mufume!

Bienzedi 28:23

Dituku divuabu bumvuangana ne Polu, bantu bapite bungi kufika muaba uvuaye ulala. Polu kubalongesha ku dinda too ne ku dilolu, kubumvuija bimpe malu a Bukalenga bua Mvidi Mukulu. Uvua utela miaku ya mu Mikenji ya Moshe, ne ya mu mikanda ya Bambi, ukeba amu bua bitabe Yezu.

Bienzedi 7:38

Moshe ke uvua pamue ne bena Izrayele mu tshipela: uvua pankatshi pa bankambua betu ne mutumibue wa Mvidi Mukulu, uvua wakula nende pa mukuna wa Sinayi. Mvidi Mukulu kumumanyisha miaku idi mua kumpetesha muoyi. Moshe kuyifikisha kutudi.

Rome 6:14

Bualu malu mabi kaena mua kuikala ne bumfumu pambidi penu nansha. Kanuena ku bumfumu bua mikenji, kadi nudi ku bumfumu bua dinanga divua Mvidi Mukulu mutuleje.

2 Korente 1:20

Kudi Kristu ke kudi Mvidi Mukulu wamba “eyowa” ku bionsu bivuaye mulaye. Nanku kudi Yezu tuetu kabidi tudi tuamba Amene wetu, bua kutumbisha Mvidi Mukulu.

Ngalate 3:17

Ndi musue kuamba ne: Mvidi Mukulu mmufue ndondu ne Abrahame, mumulaye ne: nendame ndondu wanyi ewu. Kupita bidimu nkama inayi ne makumi asatu, mikenji kushisha kufika ku bantu. Nanku mikenji eyi kayena mua kushipa ndondu ewu, nansha kunyanga dilaya dia Mvidi Mukulu.

Dielulula 33:4

Mikenji idi Moshe mutupe, ke tshiuma tshia ndelanganyi ya Yakobe.

Dielulula 4:44

Moshe kuambila bena Izrayele mikenji ya Mvidi Mukulu.

Dielulula 5:1

Moshe kubikila bena Izrayele bonsu, kubambila ne: — Bena Izrayele, telejayi meyi ne mikenji, bindi nnuambila lelu. Nubilonge, nubikumbaje.

Ebrewu 9:22

Bu mudi mikenji yamba, badi bumusha mikiya ku bintu bu bionsu amu ne mashi. Badi bajimija mibi amu padi mashi amata panshi.