Yowanane 1:14 - MUKANDA WA MYIDI MUKULU

¹⁴ Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Dî diakakudimuka muntu, diakuikala munkatshi muetu tshituha, diakadi diule tente ne ngasa ne bulelela; tuakumona butumbi buandi, buakadi bu bua muana umuehele udi mulela kudi Tatu wandi.

Yowanane 1:14 교차 참조

Misambu 2:7

— Meme mukalenga. Ndi nnumanyisha mukenji mupeta kudi Maweja-Nangila. Mmungambile ne: “Wewe ke muananyi. Biangatshile lelu, meme ndi tatuebe.

Misambu 45:2

Muoyi wanyi udi muwule ne miaku milenga, pandi nsaka musambu ewu bua mukalenga. Ludimi luanyi ludi luwimba bilenga, amu bu mudi mufundi wa dilambu ukeba kufunda bimpe ne kasala kende.

Misambu 85:9

Ndi musue kuteleja tshidi Mvidi Mukulu wamba. Maweja-Nangila udi wamba bua ditalala, dia bantu bende, badi bamulamate, ne badi batekemena kudiye.

Yeshaya 40:5

Diba adi, butumbi bua Maweja-Nangila nebumueneke. Bantu bonsu nebamumone diakamue. Ke mudi Maweja-Nangila muambe nanku.”

Yeshaya 53:2

Bualu Maweja-Nangila uvua musue, bua muena mudimu wende ende ukola bitekete bitekete, bu mutshi wa tshitende, bu mutshi udi wela miji mu buloba buume. Kavua ne buneme, nansha bulenga, buvua mua bantu kumutangidila. Kavua ne tshintu nansha tshimue, tshivua mua kusaka bantu bua bamutangile.

Yeshaya 7:14

Nanku Maweja-Nangila nkayende neakupeshe tshimanyinu: nsongakaji neimite difu. Nealele muana wa balume. Neamuinyike Emanuwele, mmumue ne: “Mvidi Mukulu udi netu.”

Yezekiyele 37:27

Nensombe munkatshi muenu. Nengikale Mvidi Mukulu wenu. Nuenu nenuikale bantu banyi.

Matayi 1:16

Yakobe kulela Yozefe, bayende wa Mariya, mamuende wa Yezu, udibu binyika ne: Kristu.

Luke 2:11

butuku ebu mu tshimenga tshia Davide, mbalelamu Musungidi wenu. Yeye ke Kristu Mfumu.

Luke 2:7

Kulelaye muana wa balume, muanabute wende. Kumujingilaye mikusu, kumuladika mu tshidilu tshia nyama. Bualu kabavua ne muaba mu nzubu wa tshilala benyi.

Luke 9:32

Petro ne binende bavua bapita ku tulu. Kadi bapapuka ku tulu, kumonabu butumbi bua Yezu, ne bantu babidi bavuaye nabu.

Yowanane 1:1

Pavua Mvidi Mukulu mufuke ku tshibangidilu bintu bionsu, Muaku ukavuaku. Muaku uvua ne Mvidi Mukulu. Muaku uvua Mvidi Mukulu.

Yowanane 11:40

Yezu kumuandamuna ne: — Tshivua mukuambile ne: wewe muitabe, neumone butumbi bua Mvidi Mukulu anyi?

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.

Yowanane 14:9

Yezu kumuandamuna ne: — Filipe, kudi matuku mulongulongu andi mushale nenu, kuena muanji kummanya anyi? Muntu mumane kummona, mmumane kumona Tatu. Muudi wamba ne: “Utuleje Tatu” mbishi?

Yowanane 17:22

Mvua mubapeshe butumbi buuvua mumpeshe, bua benze tshintu tshimue mutudi tuenza wewe ne meme tshintu tshimue:

Yowanane 17:24

Tatu, uvua mubampeshe. Ndi musue bua bikale pamue nanyi muaba ungikala, bua bamone butumbi buanyi, butumbi buuvua mumpeshe, bualu uvua munnange, kabayi banji kufuka buloba.

Yowanane 18:37

Ke Pilate kumukonka ne: — Nanku udi mukalenga anyi? Yezu kumuandamuna ne: — Anu muudi muambe amu: Ndi mukalenga. Meme tshidibu bandelele, kabidi tshindi mufikile panu apa, mbua kujadika malu malelela. Muntu yonsu udi munangi wa bulelela udi uteleja bindi ngamba.

Yowanane 2:11

Ke bualu bua dikema bua kumpala buvua Yezu muenze mu Kana mu buloba bua Ngalileya. Nanku kulejaye butumbi buende. Balongi bende kumuitaba.

Yowanane 3:16

Bualu Mvidi Mukulu uvua munange bantu bikole. Ke mutataye mubapeshe Muanende mulela umue, bua muntu yonsu udi umuitaba kafu to, kadi ikale ne muoyi wa tshiendelele.

Yowanane 3:18

Muntu udi witaba Muana kabena bamupisha. Kadi udi ubenga kumuitaba, mbamane kumupisha, bualu kavua muitabe Muana mulela umue wa Mvidi Mukulu.

Yowanane 6:51

Meme ndi diampa dia muoyi difume mu diulu. Wadia diampa edi, neashale ne muoyi tshiendelele. Diampa dindi mfila, mmubidi wanyi meme. Ndi ngufila bua bantu bikale ne muoyi.

Yowanane 8:32

Nanku nenumanye bulelela. Bulelela nebunuenze bantu badikadile.

Bienzedi 13:33

ke bidiye mutukumbajile tuetu, ndelanganyi yabu, mpindiewu. Bualu mmubishe Yezu ku bafue, amu mudibu bafunde mu musambu muibidi ne: “Wewe ke Muananyi, biangatshile lelu, meme ndi Tatuebe.”

Rome 8:3

Mvidi Mukulu mmukumbaje bivua mikenji ya Moshe kayiyi mua kupeta bualu bua butekete bua bantu. Bua kutshimuna bubi buvua ne bumfumu mu bantu, Mvidi Mukulu kutuma Muanende wa menemene, bua angate buntu bufuanangane ne bua benji ba malu mabi, bua amone mua kumushamu bubi.

Rome 9:5

Badi ba ku ndelanganyi ya bankambua. Kristu mu buntu buende udi wa ku tshisamba tshiabu. Yeye Mvidi Mukulu, udi ku mutu kua bionsu, atumbe kashidi. Amene.

1 Korente 15:47

Adame wa kumpala bayua bamuenze ne buloba. Kadi Adame muibidi mmufume mu diulu.

2 Korente 12:9

Kungandamunaye ne: “Tshiudi natshi dikenga, ke amu dinanga dindi nkunanga nadi, bualu bukole buanyi budi budileja patoke paudi muena butekete.” Ke mundi musue kuditemba nangananga bua butekete buanyi, bua bukole bua Kristu buntulukile.

Ngalate 4:4

Kadi pakafika tshikondu tshivua Mvidi Mukulu mujadike, kutumaye Muanende. Bavua bamulele kudi mukaji. Uvua ne bua kukumbaja kabidi mikenji ya bena Yuda.

Efeze 3:8

Meme ndi mushadile ku bantu bonsu badi bitaba Mvidi Mukulu. Kadi Mvidi Mukulu uvua muntutshishe diakalenga edi: bua mmanyishe bantu ba bisamba bikuabu Lumu lua Disanka lua bubanji bupite butudi tupeta kudi Kristu.

Kolose 1:19

Bualu Mvidi Mukulu mua mujadike bua kuikalaye mujima munda mua Muanende.

Kolose 2:3

Yeye ke nsapi idi ikangula, yunzulula bibutshilu bisokome bionsu bia meji ne lungenyi bia kudi Mvidi Mukulu.

Kolose 2:9

Bualu Mvidi Mukulu udi mujima munda mua Kristu mu bumuntu buende.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

Ebrewu 1:3

Muanende ewu ke udi uleja bukole bua butumbi bua Mvidi Mukulu, ke udi uleja menemene mudi Mvidi Mukulu, kabidi udi ushindika bintu bionsu ku bukole bua muaku wende. Mumane kujimijila bantu bubi buabu, mmuye kusomba mu diulu ku tshianza tshia balume tshia Mvidi Mukulu, muena bukole buonsu.

Ebrewu 1:5

Katshia Mvidi Mukulu kena muanji kuambila nansha umue wa ku batumibue bende ne: “Wewe ke Muananyi, biangatshile ku lelu meme ndi Tatuebe.” Kena muanji kuambila kabidi mutumibue nansha umue ne: “Nengikale Tatuende, yeye neikale Muananyi.

Ebrewu 10:5

Nenku pavua Kristu mufike mu bantu, uvua muambile Mvidi Mukulu ne: “Kuena musue milambu nansha malambi, kadi uvua mundongoluele mubidi.

Ebrewu 2:11

Yezu udi ulengeja bantu ku mibi yabu, ne bantu badiye ulengeja badi bonsu ne Tatu anu umue. Ke padi Yezu kayi umvua bundu bua kubabtkila ne: mbana hetu.

Ebrewu 5:5

Mmomumue kabidi, Kristu kena mudipeshe nkayende lumu lua kuikala mutuangaji munene. Kadi Mvidi Mukulu mmumuambile ne: “Wewe udi muananyi, bituadije lelu meme ndi Tatuebe.”

1 Yone 4:14

Tuvua bamone, ke patudi tujadika ne: Tatu uvua mufume Muanende, bua kuikalaye Musungidi wa bantu.

1 Yone 4:9

Mvidi Mukulu uvua mutuleje dinanga diende nenku: wakatuma Muanende umuepele mu bantu, bua tupetele muoyi kudiye.

2 Yone 1:7

Bena dishima bavule mbatangalake munkatshi mua bantu. Kabena bitaba ne: Yezu Kristu mmudienze muntu menemene. Muntu udi wenza malu a nanku mmuena dishima, kabidi mMuluishi wa Kristu.

Didimanyisha 19:13

Uvua muvuale muntumpu mutua mu mashi. Dina diende didi ne: “Muaku wa Mvidi Mukulu.”

Didimanyisha 21:3

Ke meme kumvua diyi dikole difumina ku nkuasa wa butumbi, diamba ne: “Mpindiewu Mvidi Mukulu udi usomba pamue ne bantu! Neashale nabu. Bobu nebikale tshisamba tshiende. Mvidi Mukulu mene neashale nabu; neikale Mvidi Mukulu wabu.