Yoshua 8:17 - MUKANDA WA MYIDI MUKULU

¹⁷ Mu Ayi kushala kamuyi muntu mulume nansha umue. Bantu bonsu bavua balondakaja anu bena Izrayele, bashiye mu tshimenga kamuyi baluanganyi ba mvita.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Kakuakadi mulume umue mushale mu Ai anyi Betele, buonso buabo bakalonda Bena Isalele: bakashiya musoko, bakalonda Bena Isalele.

Yoshua 8:17 교차 참조

Yobe 5:13

Udi ukuata bena meji mu budimu buabu. Ngenyi yabu kayena ibapetesha kantu.

Dielulula 2:30

Kadi mukalenga Sihone ewu kubenga bua tuetu kupitshila mu ditunga diende. Maweja-Nangila kumupesha muoyi wa tshitunu, bua numone mua kumunyenga ditunga dinudi mpindiewu.

Yoshua 11:20

Bualu Maweja-Nangila uvua usonsola bena ditunga adi bua bapete muoyi wa mvita, baluisha bena Izrayele. Ke muvua bena Izrayele ne bua kushipa bena ditunga adi, kabayi babafuila luse to, kubabutula bonsu butubutu, bu muvua Maweja-Nangila nkayende muambile Moshe.

Yoshua 8:16

Balombodi ba tshimenga tshia Ayi kuela mukenji bua bena mvita bonsu balondakaje bena Izrayele. Bobu kubalondakaja, kumuka kushiya tshimenga mutantshi mule.

Yoshua 8:18

Nanku Maweja-Nangila kuambila Yoshuwa ne: — Sempela ne difuma diebe mutangile luseke lua tshimenga tshia Ayi, bualu ndi nkupesha tshimenga etshi, bua utshikuate. Yoshuwa kuenza muvua Maweja-Nangila mumuambile.

Yoshua 8:3

Yoshuwa kudilongolola bua kuya kuluishi bena Ayi pamue ne bena mvita bende bonsu. Kusungulaye bantu binunu makumi asatu, batshivua ne bukole bua kuluangana mvita. Kubatumaye butuku,

Balombodi 20:31

Bena Binyamine kupatuka bua kuluisha bena Izrayele. Kadi bena Izrayele kuenza bu badi banyema bena Ngibeya. Nanku bena Ngibeya kutuadija kushipa bena mvita ba bena Izrayele, bu muvuabu babashipa misangu mikuabu. Bena Ngibeya kushipa bena Izrayele makumi asatu. Bivua babashipela mu mpata, mu njila wa ku Betele, ne wa ku Ngibeya.