Yoshua 8:14 - MUKANDA WA MYIDI MUKULU

¹⁴ Butshia dinda, mukalenga wa mu tshimenga tshia Ayi, umona bena Izrayele, kupatukaye mu tshimenga ne bena mvita bende bonsu, bua kuluisha bena Izrayele, anu muaba uvuabu baluishilangana musangu mukuabu, luseke lua ku tshibandabanda tshia ku musulu wa Yardene. Mukalenga kuvua mumanye ne: bena mvita ba bena Izrayele mbamane kutualamina panyima pa tshimenga to.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Hakatangila mukelenge wa Ai bualu ebu, wakabika lubilu ne dinda ne bantu bandi bonso, bakaluhuka mu musoko bua kuluangana ne Bena Isalele mu muaba wakasungulabo ku mpala kua mpata wa Alabâ; kadi yeye kakamanya ne balaminyi bakadi ku nyima kua musoko.

Yoshua 8:14 교차 참조

Muambi 9:12

Bualu muntu kena mumanye diba didi dikenga dimukuata to. Udi umona dikenga dimukuata mu mpukapuka, amu mudi mushipa upia ku bukondu nansha nyunyi uditua mu nsumba.

Yeshaya 19:11

Balombodi ba mu tshimenga tshia Sowane, mbantu bapale. Bafidi ba ngenyi ba mukalenga wa bena Ejipitu, mbafile meji a tshianana. Kadi mmunyi mudi yonsu wa kunudi mua kuambila mukalenga wa Ejipitu ne: “Meme ndi muana wa muena meji, meme ndi lulelu lua mukalenga wa kale?”

Yeshaya 19:13

Balombodi ba tshimenga tshia Sowane, bakuandamuka bidingidingi. Balombodi ba mu tshimenga tshia Memfise, mbantu batshimbakane. Amu bobu balombodi ba buloba, ke badi bapambula bena Ejipitu.

Danyele 4:31

Nebukadnesare kuamba ne: — Bidimu muanda mutekete kupita, meme kutangila mu diulu. Meji anyi a bumuntu kumpingana. Meme kuela Mvidi Mukulu Muena kulu, udi ne muoyi tshiendelele tuasakidila. Meme kumutumbisha, ngimba butumbi buende. Bumfumu buende mbua kashidi. Bukalenga buende kabuena bujika.

Matayi 24:39

Bantu kabavua bajingulule bivua bienzeka. Kupapukilabu amu pasua mvula mukole mupite ubanga kuloka, ubabutula bonsu. Ke muafika Muana wa muntu.

Matayi 24:50

Kadi mfumuende neafike dituku didi muena mudimu asvu kayi mumutekemene, ne diba didiye kayi mumanye.

Dielulula 1:1

Mukanda ewu udi utuambila malu avua Moshe muyukile ne bena Izrayele bonsu, patshivuabu luseke ludi diba dipatukila lua musulu wa Yardene, mu tshipela tshidi pabuipi ne Sufe. Ku luseke lumue lua tshipela etshi kuvua tshimenga tshia Parane, ku luseke lukuabu kuvua bimenga ebi: Tofele, Labane, Asherote ne Di-Zahabe.

Yoshua 8:13

Bena mvita bakuabu kuasa mitanda ku mutu kua tshimenga. Kadi bamue bena mvita bavua anu basokome luseke ludi diba dibuelela lua tshimenga. Butuku abu, Yoshuwa uvua mulale mu tshibandabanda.

Yoshua 8:15

Yoshuwa ne bena Izrayele kushima bu badi kabayi ne bukole, kunyema mu mpata batangile mu tshipela.

Yoshua 8:16

Balombodi ba tshimenga tshia Ayi kuela mukenji bua bena mvita bonsu balondakaje bena Izrayele. Bobu kubalondakaja, kumuka kushiya tshimenga mutantshi mule.

Yoshua 8:5

Meme ndi ngenda nsemena mu tshimenga tshia Ayi ne bena mvita bandi nabu. Padi bena mvita bapatuka bua kutuluisha, nelubanyeme bu mutuvua benze musangu wa kumpala.

2 Petro 2:3

Bu mudibu ne lukuka lua biuma, balongeshi ba dishima aba nebanuelele nsumuinu ifuma ku meji a bantu, bua bapete bintu bienu. Kadi Mukoshi wabu wa nsambu ukadi mumane kujadika tshibawu tshiabu. Neababutule lukasa, kayi ujingakana.

Balombodi 20:37

Bena mvita ba bena Izrayele bavua basokome abu, kusemena lukasa mu Ngibeya, kubuelamu ne mvita, kushipa bena tshimenga atshi.