Yoshua 8:12 - MUKANDA WA MYIDI MUKULU

¹² Yoshuwa kusungula bantu balume bavua ne bukole bua kuluangana mvita bu binunu bitanu. Uvua mubambile bua basokome pankatshi pa tshimenga tshia Betele ne tshia Ayi, luseke ludi diba dibuelela lua tshimenga.

Mukanda wa Nzambi Dihungila Dikulukulu ne Dihungila Dihia-dihia 2003

¹² Wakangata bantu bu binunu bitanu, wakabatuma bu balaminyi hankatshi ha Betele ne Ai ku luseke lua wesete lua musoko.

Yoshua 8:12 교차 참조

Genese 12:8

Abrame umbuka aku, kuyaye ku mikuna ivua ku dia balume dia tshimenga tshia Betele. Kuasaye mitanda yende pankatshi pa Betele ne Ayi. Betele uvua ku luseke ludi diba dibuelela, Ayi ku luseke ludi diba dipatukila. Muaba awu kuenzaye tshilambuilu tshikuabu, utendelela Mvidi Mukulu, utela dina dia Maweja-Nangila.

Genese 28:19

Yakobe kuinyika muaba awu ne: Betele, mmumue ne: Nzubu wa Mvidi Mukulu. (Muaba awu bavua baubikila ku kale ne: Luze.)

Yoshua 8:11

Yoshuwa ne bena mvita bonsu kutungunuka balulamangane ne tshimenga. Kuimanyinabu ku luseke lua ku mutu kua tshimenga. Pankatshi pabu ne tshimenga atshi pavua tshibandabanda.

Yoshua 8:13

Bena mvita bakuabu kuasa mitanda ku mutu kua tshimenga. Kadi bamue bena mvita bavua anu basokome luseke ludi diba dibuelela lua tshimenga. Butuku abu, Yoshuwa uvua mulale mu tshibandabanda.

Balombodi 1:22

Ndelanganyi ya Efrayime ne ya Menashe, bana ba Yozefe, kuya kuluisha bena tshimenga tshia Betele, Maweja-Nangila kubambuluisha.

1 Samuele 15:5

Shawule kuya ne bena mvita abu pabuipi ne tshimenga tshia bena Amaleke. Kualaminaye bena Amaleke mu mikidi ya mayi a mvula, ukeba kubaluisha kabayi banji kudilongolola.