Yoshua 7:25 - MUKANDA WA MYIDI MUKULU

²⁵ Yoshuwa kuambila Akane ne: “Udi mutukebele diakabi. Nanku mpindiewu Maweja-Nangila neakupeteshe pebe diakabi.” Bena Izrayele kumuasa mabue, kumushipa. Kuasabu kabidi ne bena mu diku dia Akane bonsu mabue, kubashipa. Kuoshabu bintu biabu bionsu.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Yoshua wakamba ne, Wewe wakatukengesha bualu kai? Yehowa neakukengeshe lelu. Bena Isalele bonso bakamukuma ne mabue yeye ne bintu biandi bionso kabidi, bakabiosha ne kahia.

Yoshua 7:25 교차 참조

Genese 34:30

Ke Yakobe kuambila bana bende Shimeyone ne Levi ne: — Nuangenzedi bibi, nuamfuishi bundu kudi bena Kenaane ne kudi bena Perizi. Tuetu tudi bakese, bobu badi ba bungi. Badi mua kudisanga, kumbutala ne bianyi bionsu bindi nabi.

Genese 38:24

Kupita anu ngondu isatu muntu kampande kuambila Yuda ne: — Tamare, mukaji wa muanebe, ukadi mudisombele. Kabidi udi mumane kuimita ne difu. Yuda kutuma diyi ne: — Bamupatule pa mbelu, bamoshe mu kapia, abutuke.

1 Kulondolola 2:7

Karmi uvua ne muana wa balume umue: Akare. Muana ewu wakakebela bena Izrayele dikenga, bualu uvua mukalame ne bintu bivuabu bapawula mu mvita, bintu bivuabu ne bua kulambula Mvidi Mukulu.

Nsumuinu 1:19

Ke mudi bantu bivi badienzela bibi bobu nkayabu: muivi nebamunyenge muoyi wende.

Nsumuinu 15:27

Muntu udi ne lukuka lua biuma udi ukebela nzubu wende kabutu. Udi kayi wangata mabuejila nealale matuku mavule.

Lewitiki 20:14

“Padi mulume ubanjija mukaji pamue ne mamuende wa mukaji, mmuena tshibawu. Mulume awu ne bakaji bonsu babidi nebaboshe ne muoyi mu kapia. Nanku malu mabi a mushindu ewu kaakutungunuka munkatshi muenu to.

Lewitiki 20:2

umanyishe bena Izrayele mikenji idi ilonda eyi ne: “Padi muena Izrayele, nansha muenyi udi munkatshi mua bena Izrayele, ulambula mvidie wa Moleke muanende, bena ditunga bamuase mabue, bamushipe.

Lewitiki 21:9

“Padi muana wa bakaji wa mutuangaji mushale ndumba, udi ufuisha tatuende bundu. Nenku badi ne bua kuosha muana awu ne muoyi mu kapia.

Lewitiki 24:14

— Ipatayi muntu awu mu mitanda. Bantu bonsu bavua bumvua nuwuaye ungela nsenda, nebatenteke bianza biabu pa mutu pende. Pashishe bena Izrayele bonsu bamuase mabue, bamushipe.

Ngalate 5:12

Ndi njinga se: badi bakeba kunupambula bayile kule: badipakule!

Dielulula 13:10

Muntu yonsu udi unuambila bua kutendelela mvidie, bamushipe. Muntu uvuaye wambila bua kutendelela mvidie, ke udi udianjila kumuasa dibue. Bantu bakuabu, kushisha kumuambuluisha bua kumushipa.

Dielulula 13:11

Muena tshibawu awu, bamushipe anu ne mabue. Bualu uvua musue kumusha muntu mukuabu kudi Maweja-Nangila Mvidi Mukulu wenu, uvua munupatula ku bupika mu Ejipitu.

Dielulula 17:5

muena tshibawu awu, nansha yeye mulume nansha yeye mukaji, nuye nende ku tshibuelelu tshia tshimenga. Numuase mabue, numushipe.

Dielulula 21:21

Diba adi, bantu bonsu ba mu tshimenga atshi, nebamuase mabue, bamushipa. Pumvua bena Izrayele binudi bamuenzela, nebatshine. Kabakuenza kabidi buenzayi ebu to. Ke munudi mua kujikija buenzayi munkatshi mua bena Izrayele nanku.

2 Tesalonike 1:6

Bualu Mvidi Mukulu neenze amu bidi bimpe. Neakengeshe badi banukengesha.

Ebrewu 12:15

Dimukayi bua muntu kabengi dinanga didi Mvidi Mukulu ununanga nadi. Muntu nansha umue kadienji bu mutshi wa bululu udi utoloka, ulewula bantu ba bungi ne lulengu luawu.

Yoshua 6:18

Kadi nudimuke! Kanuangatshi tshintu nansha tshimue tshia mu tshimenga etshi. Bualu nudi mua kudikebela diakabi. Bena Izrayele bonsu badi mu mitanda badi mua kubutuka.

Yoshua 7:15

Nenku nendeje munkatshi mua bantu abu muntu udi muangate bintu bimvua mukandike bua kuangata. Neboshe muntu awu mu kapia, ne bionsu bidiye nabi. Bualu kuvua mukumbaje bimvua munuambile. Mmuenze bualu bubi munkatshi mua bena Izrayele budibu kabayi mua kuenza to.”

1 Samuele 14:29

Yonatane kuamba ne: — Tatu mmukengeshishe ditunga edi! Mona katshia ngadia buitshi bukese, ndi mupete bukole.