Yoshua 7:21 - MUKANDA WA MYIDI MUKULU

²¹ mu bintu bituvua bapeta mu mvita, mvua mumone tshinkutu tshimpe tshia bena Mezopotamiya, nkanu nkama ibidi ya biamu bitoke bia mushinga mukole, ne tshiamu tshia mpawungi tshikale ne bujitu bua nkanu makumi atanu. Lukuka lukole kungenza. Mvua mubiangate. Meme kubijikila mu ntenta wanyi, munudi mua kubipeta. Mvua muteke tshiamu tshitoke tshia mushinga mukole muinshi.

Mukanda wa Nzambi Dihungila Dikulukulu ne Dihungila Dihia-dihia 2003

²¹ hanakatangila tshilulu tshimpe tshia Bena Babulona ne nshekele nkama ibidi ya argent ne tshiamu tshia or tshia mushinga wa nshekele makumi atanu munkatshi mua bintu, lukuka luakangata, nakabiangata; mona, bidi bisokoka mu buloba munkatshi mua ntenta wanyi, ne tshiamu tshia argent tshidi muinshi muabi.

Yoshua 7:21 교차 참조

Genese 10:10

Bimenga binene bia kumpala bivua ku bumfumu buende bivua: Bahele, Ereke, Akade ne Kalne mu ditunga dia Babilone.

Genese 3:6

Mukaji umona ne: mutshi uvua muimpe kumona, bimuma biawu bimpe bua kudia, bifuana kupa muntu lungenyi, kupolaye tshimuma, kudia. Tshikuabu kupeshaye bayende, awu pende kudia.

Genese 34:27

Bana bakuabu ba Yakobe, kupawulabu bintu bionsu bivua pa bitalu nansha mu tshimenga! Bualu nsongalume wa mu tshimenga atshi uvua mubafuishe bundu, mubuelele muanabu wa bakaji mu nzubu ku bukole.

Genese 6:2

Kadi, badi basombele mulu, kumonabu bana ba bakaji ba bantu babalengelela. Kusungulabu munkatshi muabu bakaji bavuabu basue kusela.

2 Samuele 11:2

Dituku dikuabu dilolu, Davide mumane kuikisha, kujukaye bua kuololoka, wendakana ku musaka wa nzubu wende wa bukalenga. Kumonaye mukaji wowa mayi. Mukaji awu uvua muimpe mutambe.

2 Bakalenga 7:8

Ke bena nsudi banayi abu kufika ku tshibuelelu tshia mitanda ya bena Siriya, kubuela mu ntenta, kudia, kunua bintu bionsu bivuabu basangana. Pashishe, kuangatabu tshiamu tshitoke tshia mushinga mukole, tshiamu tshia mpawungi ne bilamba, kuyabu kubisokoka muaba mukuabu. Pashishe kubuelabu mu ntenta mukuabu, kuangata kabidi bintu bishilangane bivuamu, kuya kubisokoka.

Yobe 31:1

Meme ne: tshiena mua kutangila nsongakaji, nansha kumualakana.

Misambu 119:37

Lama mesu anyi kaatangidi bintu bia tshianana. Undombole panu bu muudi musue.

Ekesode 20:17

“Kualakanyi tshintu nansha tshimue tshia mukuenu: nansha nzubu wende, mukajende, mupika wende, ngombe wende, mpunde wende.”

Nsumuinu 1:19

Ke mudi bantu bivi badienzela bibi bobu nkayabu: muivi nebamunyenge muoyi wende.

Nsumuinu 23:31

Kunangidi mudi mvinyo mukunze wengelela mu dikopu. Neapueke bitekete bitekete pa muminu webe.

Nsumuinu 28:22

Muena lukuka udi ukeba kunema lukasa, kadi kena mumanye ne: udi udikebela bupete.

Nsumuinu 4:23

Kenketa nangananga meji audi wela munda muebe, bualu wowu nealudike nsombelu webe wa panu.

Yeshaya 28:15

“Nukadi nuamba ne: tudi batue ndondu ne lufu, tudi bumvuangane ne bajangi. Tshipupu katshiena mua kutukuata, paditshi tshipita. Bualu tudi bamone dishima bu muaba wa kunyemena, ne kudinga bantu, bu muaba wa kusokomena.”

Yeshaya 29:15

Bantu badi benza malu mu musokoku, basokoka Maweja-Nangila meji adibu bela, benza malu abu mu miidima, mbena diakabi! Badi bela meji ne: “Watumona nnganyi? Wamanya tshitudi tuenza nnganyi?”

Abakuke 2:9

Nudi bena diakabi! Nudi banemeshe bena meku enu ne bintu bipeta ku buivi. Nansha nuenu base nzubu yenu kulu ku katongobela, dikenga nedinukuate.

Luke 12:15

Pashishe Yezu kuambila bantu bonsu ne: — Nudimuke. Kanuteki muoyi ku biuma. Bualu muntu kena ne muoyi bualu bua biuma, nansha yeye nabi bivule!

Luke 12:2

Bualu buonsu budi busokome, nebumueneke patoke. Bualu budi bantu kabayi bamanye, nebabumanye!

Efeze 5:3

Nuenu nudi bena tshisamba tshia Mvidi Mukulu. Nanku munkatshi muenu kabatedi, nansha amu kutela mene, buendenda, buenzavi, nansha lukuka lua biuma.

Efeze 5:5

Numanye bimpe ne: bena buendenda, bena buenzavi, nansha bena bukonkotu, kabena mua kubuela mu Bukalenga bua Kristu, ne bua Mvidi Mukulu. (Nansha muena bukonkotu udi amu muntu udi utendelela mvidie).

Dielulula 7:25

Nuoshe mpingu ya mvidie yabu yonsu. Kanualakanyi biamu bia mpawungi ne biamu bitoke bia mushinga mukole bidibu balamike ku mpingu aku to. Kamuangatshi to. Bualu Maweja-Nangila udi ukina bintu ebi. Bidi mua kunukebela diakabi.

Kolose 3:5

Nanku bengayi malu mabi onsu a pa buloba adi munda muenu: ke buendenda, malu a bundu, lukuka lua mubidi, majinga mabi, ne bukonkotu (bualu bukonkotu budi amu bu kutendelela mvidie).

Ebrewu 13:5

Mu nsombelu wenu, kanuikadi ne lukuka lua biuma. Nusanke ne binudi nabi, bualu Mvidi Mukulu mmuambe ne: “Tshiena nkulekela, tshiena nkushiya nkayebe nansha kakese.”

Yakobe 1:15

Pashishe majinga mabi adi akidila bubi munda, alela bubi. Padi bubi bumane kukola, budi bulela lufu.

Yoshua 7:20

Akane kumuambila ne: — Ndi ngitaba ne: uvua muenzele Maweja-Nangila Mvidi Mukulu bibi mmeme. Bubi bumvua muenze budi mushindu ewu:

Yoshua 7:22

Ke Yoshuwa kutuma bantu mu ntenta wa Akane. Bobu kuya lukasa, kusangana bintu abi bijikila mu ntenta. Tshiamu tshitoke tshia mushinga mukole tshivua muinshi.

2 Petro 2:15

Badi bantu bapambuke. mBumuke mu njila mululame bua kulonda njila mubi, uvuabu balonda kudi Balaame, muana wa Bozore, uvua munange makuta avuabu ne bua kumufuta bua malu ende mabi.