Yoshua 24:19 - MUKANDA WA MYIDI MUKULU

¹⁹ Ke Yoshuwa kuambila bena Izrayele ne: — Kanuena ne mushindu wa kuenzela Maweja-Nangila mudimu to. Bualu udi Mvidi Mukulu wa tshijila. Mmusue bua ikale nkayende Mvidi Mukulu wenu. Kakunufuila luse bua dimutombokela dienu ne buenzayi buenu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Yoshua wakambila bantu ne, Nuenu kanuena mua kukuatshila Yehowa mudimu, bualu bua yeye udi Nzambi wa tshijila, udi Nzambi wa mukau, yeye kena unujimishila mahanga enu anyi mibi yenu.

Yoshua 24:19 교차 참조

2 Kulondolola 36:16

Kadi bena Izrayele kuseka bambi ba Mvidi Mukulu, kubalembakaja, kulengulula meyi a Mvidi Mukulu. Nanku, Maweja-Nangila kubafikila munda, kubanyoka bikole kabayi mua kupanda to.

Misambu 99:3

Bakutumbishe wewe Mvidi Mukulu munene, udi ukuatshisha bantu bonsu bowa! — Eyowa, udi wa tshijila!

Misambu 99:5

Tumbishayi Maweja-Nangila, Mvidi Mukulu wetu, bua bunene buende, numukukuile ku bidiatshilu bia makasa ende. — Eyowa, Maweja-Nangila udi wa tshijila.

Misambu 99:9

Tumbishayi Maweja-Nangila, numukukuile pa mukuna wende wa tshijila, bualu Maweja-Nangila Mvidi Mukulu wetu, Eyowa, udi wa tshijila.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Ekesode 23:21

Kadi, nudimuke! Pafika mutumibue wanyi, nuitabe bionsu bidiye unuambila. Kanumufikishi munda, kanumutombokedi. Bualu kena mua kunufuila luse ku bubi buonsu bunudi nuenza. Bionsu bidiye wenza, udi ubienza mu dina dianyi.

Ekesode 34:14

Nuenu kanuena mua kukukuila mvidie wa tshisamba tshikuabu to. Bualu meme Maweja-Nangila ndi ne mukawu. Bushuwa, ndi Mvidi Mukulu wenu nkayanyi.

Ekesode 34:7

Ndi mfuila bantu luse too ne ku ndelanganyi tshinunu, mbajimijila bubi buabu, buntomboji ne ditupakana diabu. Kadi, tshiena mbingisha muntu udi mupile. Ndi nnyoka bana ba ndelanganyi misatu nansha minayi bua buenzayi bua baledi babu.”

Yeshaya 2:9

Ke padi bantu bonsu ne bua kuinama, kudia lupuishi. Kadi wewe Maweja-Nangila, kubajudi to.

Yeshaya 27:11

Matamba a mitshi adi uma, atshibuka. Bakaji nebaangule bua kutemesha nawu kapia. Bulelela, bantu aba kabena bumvua bualu nansha bumue. Ke padi mubafuki wabu, kayi kabidi ubafuila luse. Uvua mubafumba kena musue kubalama ne muoyi to.

Yeshaya 30:11

Badi bajinga bua bambi balekele kulonda njila wa buakane, bumuke mu njila muimpe. Badi bamba ne: “Katuena basue, bua nutele dina dia Mvidi Mukulu wa tshijila wa bena Izrayele.”

Yeshaya 30:15

Maweja-Nangila Mvidi Mukulu, wa tshijila wa bena Izrayele, udi wamba ne: Nenupande, amu panudi nupingana kundi, kabidi panudi nushala ne lutulu. Nenuikale ne bukole buenu, panudi nulama lutulu luenu, nutekemena kundi. Kadi nuenu kubenga amu kubenga.

Yeshaya 5:16

Maweja-Nangila muena bukole buonsu nealeje bukole buende. Nealongolole bionsu amu bimpe. Mvidi Mukulu wa tshijila nealeje tshijila tshiende, padiye ukosa nsambu pa yoyi.

Lewitiki 10:3

Nanku Moshe kuambila Arone ne: — Ke muvua Maweja-Nangila mumane kukudimuka, pawaye wamba ne: “Bonsu badi bangenzela mudimu, badi ne bua kunnemeka, bualu ndi wa tshijila. Bantumbishe, bantu bonsu batangile.” Arone kushala mupuwa.

Lewitiki 11:44

Meme ndi Maweja-Nangila Mvidi Mukulu wenu. Nuikale bantu ba tshijila, bualu meme ndi wa tshijila. Kanudinyangi nuenu ne bintu ebi bibi, bidi bilandala panshi, bualu nudi mua kupia mikiya.

Lewitiki 11:45

Meme ndi Maweja-Nangila, udi munupatule mu ditunga dia Ejipitu, bua ngikale Mvidi Mukulu wenu. Nuenu nuikale bantu ba tshijila, bu mundi meme wa tshijila.”

Lewitiki 19:2

bua amanyishe bisamba bia bena Izrayele bionsu ne: “Nudi ne bua kuikala bantu ba tshijila, bualu meme Maweja-Nangila Mvidi Mukulu wenu ndi wa tshijila.

Lewitiki 20:26

“Nuikale bantu ba tshijila, badi bajidila mua kungenzela mudimu, bualu meme Maweja-Nangila ndi wa tshijila. Ndi munusungule munkatshi mua bisamba bikuabu, bua nuikale bantu banyi meme.

Lewitiki 20:7

“Nuikale bantu ba tshijila. Bualu meme ndi Maweja-Nangila Mvidi Mukulu wenu.

Nahume 1:2

Maweja-Nangila Mvidi Mukulu wa mukawu, udi unyoka bantu badi bamubenga. Udi ne tshiji tshikole, udisombuela kudi baluishi bende, kayi ubafuila luse.

Abakuke 1:13

Kadi mesu ebe adi mimpe be. Kuena mua kuanyisha bua amone malu mabi. Bantu badi bakengesha bakuabu, kuena mua kubatangila, kuyi wenza bualu. Kadi muudi umona bidi bena tshinyangu abu benza, kuyi wamba bualu, mbishi? Bantu babi aba badi babutula matunga a bantu ba nsongu badi babapita bobu. Kadi udi umona nanku, upuwa bua tshinyi?

Matayi 6:24

— Muntu nansha umue kena mua kuenzela bamfumu babidi mudimu to. Neanange umue, abenge mukuabu; nansha neitabe umue, adiule mukuabu. Kanuena mua kuenzela Mvidi Mukulu mudimu, kuenzela kabidi ne biuma musangu umue.

Yoshua 24:18

Maweja-Nangila ke uvua muipate bisamba bionsu bivua kumpala kuetu, nangananga bena Amore bavua mu ditunga ditudi edi. Nanku tuetu netuenzele amu Maweja-Nangila mudimu. Bualu Yeye ke Mvidi Mukulu wetu.

Yoshua 24:23

Ke Yoshuwa kubambila ne: — Nanku umbushayi mvidie ya bantu benyi idi munkatshi muenu. Nuitabe amu Maweja-Nangila, Mvidi Mukulu wa bena Izrayele, ne muoyi mujima.

Rute 1:15

Nowemi kuambila Rute ne: — Mona mukenebe nyewu wapinganyi kuabu, mu tshisamba tshiabu, ne kudi mvidie wabu. Mbimpe upingane pebe, uye kuenu.

1 Samuele 3:14

Nanku, ndi mumane kuditshipa bua bena nzubu wa Eli ne: nansha bobu bandambula nyama miosha, nansha bintu bia mu madimi, tshiena mua kupua bubi buabu muoyi to.

1 Samuele 6:20

Pashishe bantu abu kuamba ne: — Muntu nansha umue kena mua kuimana kumpala kua Maweja-Nangila Mvidi Mukulu ewu wa tshijila. Kadi mmuaba kaayi utudi mua kuya kushiya mushete wende wa ndondu, mutantshi mule ne ditunga dietu?