Yoshua 24:15 - MUKANDA WA MYIDI MUKULU

¹⁵ Panuikala nubenga bua kuenzela Maweja-Nangila mudimu, lelu nusungule mvidie inudi basue kutendelela. Tshilejilu: mvidie ivua bankambua benu batendelela, patshivuabu dishiya dia musulu wa Perate, nansha mvidie ya bena Amore, idi mu ditunga dinudi basombe edi. Kadi meme ne bena diku dianyi, netuenzele Maweja-Nangila mudimu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Binuamona ne kukuatshila Yehowa mudimu kudi kubi, lelu nusungule unudi basue kukuatshila mudimu, ne nzambi yakadi bankambua benu bakuatshile mudimu dishiya dia musulu wa Pelata anyi nzambi ya Bena Amole, bena buloba bunudi bashikame; kadi meme ne ba mu nsubu muanyi netukuatshile Yehowa mudimu.

Yoshua 24:15 교차 참조

Genese 18:19

Ndi mumusungule bua alongeshe bana bende ne ndelanganyi yende mikenji yanyi, bua babikumbaje bikale bantu bakane. Bobu bakumbaje bionsu ebi, meme Maweja-Nangila nengenzele Abrahame bionsu bindi mumulaye.

Genese 35:2

Yakobe kuambila bena diku diende ne bantu bende ne: — Dilongololayi. Umushayi mvidie ya bisamba bikuabu idi munkatshi muenu. Dikobololayi, nuvuale bilamba bikuabu.

1 Bakalenga 18:21

Eliya kusemena kumpala kua bena Izrayele bonsu, ubakonka ne: — Nenulekele kutendelela bakalenga babidi, dikasa mu mayi, dikuabu ku mukuna, diba kaayi? Padi Maweja-Nangila muikale Mvidi Mukulu bulelela, nutendelele Maweja-Nangila! Kadi, padi Baale muikale Mvidi Mukulu bulelela, nutendelele Baale! Muntu nansha umue kena muandamune to.

1 Kulondolola 1:14

Kenaane uvua nkambua wa bena Yebusa, bena Amore, bena Ngirgashi,

Misambu 101:2

Ndi nnanukila bua kulonga, njila wa nsombelu muakane. Wewe neufike kundi difuku kaayi? Nengende ne muoyi muakane, munkatshi mua bantu badi bannyunguluka.

Misambu 119:106

Nenwuluke dilaya dimvua mukulaye, dia kukumbaja mapangadika ebe makane.

Ekesode 23:2

Kanulondi bibidilu bia bena buenzayi, nansha bobu ba bungi. Kanuitabi meyi a bantu badi bajadika bualu bua dishima, nansha bobu ba bungi.

Ekesode 23:24

Nanku, kanuena mua kunemeka mvidie idibu batendelela. Kanuena mua kuyikukuila nansha kulonda bibidilu bia bisamba abi. Kadi, nuzaze mpingu ya mvidie ayi. Nushimbule makunji abu a mabue.

Ekesode 34:15

Kanuena mua kutua ndondu ne bena ditunga dinudi nusomba to. Bualu palambabu biakudia biabu bia kuelela mvidie yabu, nebanubikile bua kudia nabu.

Yezekiyele 20:39

Meme Maweja-Nangila Mvidi Mukulu, ndi nnuambila ne: Nuenu bena Izrayele, muntu yonsu wa kunudi, nansha yeye mukukuile mvidie yende mibi indi mubenge, kadi dikuabu dituku nenuikale anu ne tshilumbu tshia kungitaba. Nenulekele kupepeja dina dianyi dia tshijila, nulekele kulambula mvidie milambu.

Danyele 3:18

Nansha yeye kayi musue kutusungidila, Mukalenga, umanye ne: katuena mua kukuatshila mvidie yebe mudimu, nansha kutendelela lupingu lua tshiamu tshia mpawungi luudi muenzeje to.

Lewitiki 14:42

Nenku, nebapingaje mabue makuabu, basunguile tshiakabidi miaba ivua mabue ayi.

Mika 4:5

Muntu yonsu mu tshisamba tshiende, udi ukeba kusankisha mvidie yende. Kadi tuetu tudi tukeba kusankisha Maweja-Nangila Mvidi Mukulu wetu tshiendelele.

Bienzedi 11:23

Ufika, kumonaye muvua Mvidi Mukulu mukumbaje mudimu ne dinanga munkatshi mua bena ditaba. Nanku kusankaye, ubabela bonsu bua bananukile ne muoyi mukole, bitabe Mfumu.

Dielulula 13:7

Dituku dikuabu pikala muntu wa kunudi, bamubikila mu musokoku kudi muanabu wa balume, kudi muanabu wa bakaji, kudi mukajende mene, nansha kudi mulunda wende udiye mupite kunanga, bua kutendelela mvidie mikuabu, inuvua kanuyi bamanye, nansha nuenu nansha bankambua benu, kanuena mua kumuitaba to.

Dielulula 29:18

Muntu yonsu wa kunudi udi ubenga bindi nnuambila ebi, wela meji ne: “Nansha meme muenze malu mabi, kakuena tshidi mua kungenze-kela,” wambila kabidi bantu bakuabu bua kutendelela mvidie,

Yoshua 24:16

Bena Izrayele kuandamuna ne: — Katuena mua kubenga Maweja-Nangila bua kuenzela mvidie mikuabu mudimu!

Balombodi 6:10

Meme kunuvuluija ne: meme ndi Maweja-Nangila Mvidi Mukulu wenu. Kanuena mua kutendelela mvidie ya bena Amore, bena ditunga dinudi basombe. Kadi kanuena bitabe diyi dianyi to!”