Yoshua 23:15 - MUKANDA WA MYIDI MUKULU

¹⁵ Nenku mushindu udi Maweja-Nangila Mvidi Mukulu wenu mukumbaje bionsu bivuaye munulaye, ke muakumbajaye kabidi bionsu bidiye muambe bua kununyoka. Udi mua kunubutula mu ditunga dimpe divuaye munupe.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bu munuakaheta bintu bimpe bionso biakanuambila Yehowa, Nzambi wenu, nunku Yehowa neanutumine malu mabi onso tô ne hanubutuleye mu buloba ebu buimpe buakanuha Yehowa, Nzambi wenu.

Yoshua 23:15 교차 참조

1 Bakalenga 14:15

Pashishe Maweja-Nangila neanyoke bena Izrayele. Nebazakale bu bisosa bidi ku muelelu wa mayi. Maweja-Nangila neumushe bena Izrayele mu buloba ebu buimpe buvuaye mumane kupesha bankambua babu. Neabatangalaje dishiya dia musulu wa Perate wa bena Babilone. Bena Izrayele nebakenge nenku, bualu bavua benza makunji a kutendelela mvidie bua kufikisha Maweja-Nangila munda.

1 Bakalenga 8:56

— Ndi ngela Maweja-Nangila tuasakidila. Yeye ke udi mufile ditalala kudi bantu bende bena Izrayele, bu muvuaye mubalaye. Maweja-Nangila ke udi muenze bionsu ebi bua kujikija bivuaye mulaye mukana mua muntu wende Moshe.

Yeshaya 24:6

Ke padi buloba bujima bupeta diakabi, bualu Mvidi Mukulu mmubuele mulawu. Bantu badi babuela mu dikenga, bualu bavua bapia tshibawu. Badi bajimina bonsu, bashale amu bungi bukese.

Yirmeya 32:24

Bena Babilone badi basemena pabuipi ne tshimenga bua kutshiluisha. Nebatshikuate. Tudi mua kuamba ne: tshikadi mu bianza biabu. Badi bakeba kutshikuata ku mvita, ku tshiyole tshia nzala, ne ku disama dia tshiambu. Bionsu biuvua muambe mbimane kuenzeka, wewe mene udi mua kubijadika.

Yirmeya 32:42

Maweja-Nangila udi wamba kabidi ne: Meme ke uvua mutume dikenga dinene edi divua dikuate bena Yuda. Meme kabidi ke wabatumina disanka dionsu dimvua mubalaye.

Yirmeya 35:17

Yirmeya kuamba kabidi ne: — Ke padi Maweja-Nangila wa bukole buonsu, Mvidi Mukulu wa Izrayele wamba ne: “Nuenu bena Yuda ne bena Yerushalayime, nennutumine makenga onsu amvua mudianze kunumanyisha. Bualu mvua munubele, kadi kanuvua banteleje. Mvua munubikile, kadi kanuvua bitabe to.”

Lewitiki 26:3

“Panudi nuitaba meyi anyi, nutumikila mikenji yanyi, nuyilonda,

1 Tesalonike 2:16

Bualu badi benza muabu muonsu, bua katumanyishi bantu ba bisamba bikuabu mudibu mua kupanda. Ke mudibu buwuje bungi bua malu mabi, avuabu benze mu bikondu bionsu. Kadi mpindiewu tshiji tshia Mvidi Mukulu tshikadi pambidi pabu.

Balombodi 13:1

Bena Izrayele kuenza kabidi malu mabi avua Maweja-Nangila ubenga. Nanku Maweja-Nangila kubafila mu bianza bia bena Peleshete bidimu makumi anayi.

Balombodi 3:12

Bena Izrayele kuenza kabidi malu mabi avua Maweja-Nangila mubenga. Nanku Maweja-Nangila kubatumina Eglone, mukalenga wa bena Mowabe, bua abaluishe.

Balombodi 3:8

Maweja-Nangila kufikila bena Izrayele munda. Kubafilaye mu bianza bia Kushane-Rishatayime, mukalenga wa Mezopotamiya. Bena Izrayele kushala ku bumfumu buende bidimu muanda mukulu.

Balombodi 6:1

Bena Izrayele kuenza kabidi malu mabi avua Maweja-Nangila mubenge. Nanku Maweja-Nangila kubafila mu bianza bia bena Madiyane bidimu muanda mutekete.