Yoshua 23:13 - MUKANDA WA MYIDI MUKULU

¹³ mimanye ne: Maweja-Nangila neanulekele. Kakutungunuka ne dipata baluishi badi kumpala kuenu to. Baluishi abu, nebikale kunudi bu buteyi ne dijimba. Nebanukengeshe bu mudi mfimbu mutuute panyima, nansha bu mudi meba matue mu mesu. Ku nshikidilu nenubutuke bonsu mu ditunga edi dimpe, didi Maweja-Nangila Mvidi Mukulu wenu mumane kunupa.

Mukanda wa Nzambi Dihungila Dikulukulu ne Dihungila Dihia-dihia 2003

¹³ numanye bienu ne, Yehowa, Nzambi wenu, nealekele kunuihatshila bisamba ebi ku mpala kuenu; nebikale bu buteyi ne dijimba kunudi, ne bu nfimbu ha nyima henu, ne bu meba mu mesu enu tô ne hanubutulabo mu buloba ebu buimpe buakanuha Yehowa, Nzambi wenu.

Yoshua 23:13 교차 참조

1 Bakalenga 11:4

Shelomu mumane kukola mukulakaje, bakaji aba kumuibidija mua kutendelelaye mvidie mikuabu. Shelomu katshivua munange Maweja-Nangila Mvidi Mukulu wende ne muoyi mujima, bu muvua tatuende Davide mumunange to.

2 Bakalenga 17:18

Ke Maweja-Nangila kufikila bena Izrayele munda. Kavua musue kubamona kumpala kuende to. Anu tshisamba tshimue tshia bena Yuda ke tshivua tshishala tshilamate Maweja-Nangila.

2 Bakalenga 17:20

Nanku, Maweja-Nangila kubenga bena Izrayele bonsu, kubafila mu bianza bia bakengeshanganyi bua kubafuisha bundu. Pashishe kubipataye, kubatuma kule.

2 Bakalenga 25:21

Mukalenga wa bena Babilone kubashipela mu tshimenga atshi, mu ditunga dia Amate. Ke muvuabu bumuke ne bena Yuda mu buloba buabu, nanku baye nabu mu bupika.

2 Bakalenga 25:26

Pashishe, bantu bonsu ne balombodi ba bena m vita, kuyabu ku Ejipitu, bualu bavua batshina bena Babilone.

Misambu 69:22

Baluishi banyi bavua bakisa biakudia bianyi, bampesha maluvu a buanji, pamvua ne nyota.

Ekesode 10:7

Balombodi ba mu bukalenga kukonka mukalenga wa bena Ejipitu ne: — Muntu ewu neanyange ditunga dietu too ne ku diba kayi? Lekela bena Izrayele, baye kutendelela Maweja-Nangila Mvidi Mukulu wabu, bualu ditunga dia Ejipitu didi mua kubutuka!

Ekesode 23:33

Kanusombi nabu ditunga dimue, bualu badi mua kunulongesha bua nuenu kuntombokela, kutendelela mvidie yabu.”

Ekesode 34:12

Kadi, kuena mua kutua ndondu ne bantu ba ditunga dinuasomba to. Bualu nudi mua kulonda buenzayi buabu, nuenu kupeta diakabi.

Ekesode 34:16

Bana benu ba balume kabena mua kusela nsongakaji ya mu ditunga adi to. Bualu badi mua kulonda bibidilu bibi bia nsongakaji idi inemeka mvidie ya ditunga diabu.

Yezekiyele 28:24

“Maweja-Nangila udi ujadika ne: Tshisamba nansha tshimue tshidi mutumba ne Izrayele, katshiena mua kupotela kabidi bena Izrayele to. Kabakubatatshisha kabidi bu mudi meba atua, enza mibundabunda. Nanku bantu nebajadike ne: meme ndi Maweja-Nangila.

Dibadika 33:55

Panudi kanuyi bipate bena ditunga bonsu, badi bashale nebanukengeshe bikole, bu mudi misona itua mu disu, nansha bu mudi dieba ditua mu nyima. Pashishe nebanukengeshe mu ditunga dinudi nuya kusomba.

Luke 21:24

Nebabashipe ku muele wa nwita. Nebaye nabu mu matunga makuabu onsu, basuika nkanu. Bantu ba bisamba bikuabu nebanyange Yerushalayime, too ne pakumbana tshikondu tshiabu.

Dielulula 29:28

Maweja-Nangila Mvidi Mukulu wetu nkayende mmumanye malu masokome. Kadi tuetu ne ndelanganyi yetu, tudi bamanye anu malu adi Maweja-Nangila mutumanyishe bua kashidi, mmomumue ne: tudi bamanye mikenji yende itudi ne bua kukumbaja tshiendelele.

Dielulula 30:18

nenubutuke bonsu. Ndi ndianza kunuambila lelu ne: nuenu benze nanku, panuafika dishiya dia musulu wa Yardene, kanuakushala ne muoyi matuku a bungi mu ditunga dinuakuata adi to.

Dielulula 4:26

Ndi nnujadikila lelu, diulu ne buloba biumvue, ne: Nuenu basonge mpingu, nebanuipate lukasa mu ditunga dia Kenaane dinuakuata, didi dishiya dia musulu wa Yardene. Nenubutukemu.

Dielulula 7:16

Nanku nenubutule bantu bonsu bikala Maweja-Nangila Mvidi Mukulu wenu munupeshe. Kanubafuidi luse to. Kanutendeledi mvidie yabu, bualu mbuteyi budi mua kunufikisha ku lulu.

2 Timote 2:26

Nanku nebapete tshiakabidi meji malenga. Nebumuke ku mateyi a diabolu uvua mubakuate, mubenzeje muvuaye musue.

Balombodi 2:21

Meme tshitshiena mua kubipatshila muntu nansha umue wa mu bisamba bivua Yoshuwa mushiye pakafuaye.