Yoshua 22:34 - MUKANDA WA MYIDI MUKULU

³⁴ Pashishe bena Rubene ne bena Ngade kuamba ne: — Tshilambuilu etshi tshidi tshitujadikila tuetu bonsu ne: Maweja-Nangila ke Mvidi Mukulu! Nanku kutshinyikabu dina ne: “Mujadiki.”

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Bena Lubena ne Bena Gada bakidika tshioshelu ne Ede, bualu bua hankatshi betu nʼabo tshidi bu mumanyi wa bualu ne, Yehowa udi Nzambi.

Yoshua 22:34 교차 참조

Genese 31:47

Labane kuinyika muaba awu ne: Yegare Sahaduta. Kadi Yakobe kuwinyika ne: Ngalede.

Genese 31:48

Labane kuamba ne: — Biangatshile ku lelu, mushiki wa mabue ewu udi ujadika ndondu udi pankatshi petu nebe. Ke padibu babikila muaba awu ne: Ngalede. Mmumue ne: mushiki wa mujadiki.

1 Bakalenga 18:39

Bena Izrayele bamone nanku, kutuabu mpala panshi bonsu. Pashishe, kutuadijabu kuela mbila ne: “Anu Maweja-Nangila ke Mvidi Mukulu mulelela. Anu Maweja-Nangila ke Mvidi Mukulu mulelela!”

Yeshaya 19:19

Dituku adi, munkatshi mua ditunga dia Ejipitu, nemuikale tshilambuilu tshijidila mu dina dia Maweja-Nangila. Ku mikalu ya ditunga nebimanyike dibue bua kunemeka Maweja-Nangila.

Yeshaya 43:10

Maweja-Nangila udi wamba ne: Bajadiki ba malu anyi, ke nuenu bantu banyi. Nudi bena mudimu banyi, bandi musungule. Dijinga dianyi didi ne: numanye, nuitabe, nujingulule ne: Meme ndi nganyi. Kumpala kuanyi, kakuvua mvidie, panyima panyi, kakuakuikala mvidie mukuabu.

Matayi 4:10

Kadi Yezu kumuandamuna ne: — Diabolu, umbuka! Bualu Mukanda wa tshijila udi wamba ne: “Kukuila Maweja-Nangila Mvidi Mukulu webe. Umuenzele amu Yeye nkayende mudimu.”

Yoshua 22:27

Tudi tujinga bua tshilambuilu etshi tshikale tshimanyinu tshietu nenu ne ndelanganyi yalonda, tshijadike ne: tuetu tudi mua kutendelela Maweja-Nangila, tudi mua kulambula milambu ya kuosha, ya bobumue, nansha ya mushindu mukuabu. Nanku ndelanganyi yenu kayena mua kujadikila yetu ne: kanuena ne tshinudi mua kuamba kumpala kua Maweja-Nangila.

Yoshua 24:27

Pashishe kuambilaye bena Izrayele ne: — Monayi dibue edi: neditujadikile bualu ebu, bualu nditeleje malu onsu adi Maweja-Nangila mutuambile. Eyowa, dibue edi nedikale tshimanyinu tshidi tshinutuisha, tshinukandika bua kanulekedi Mvidi Mukulu wenu.