Yoshua 22:21 - MUKANDA WA MYIDI MUKULU

²¹ Bena tshisamba tshia Rubene, tshia Ngade, ne bena Menashe ba luseke ludi diba dipatukila lua Yardene, kuandamuna bamfumu ba meku a bisamba bikuabu bia bena Izrayele ne:

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bena Lubena ne Bena Gada ne tshituha tshia tshisamba tshia Manashe bakambila bakadi ku mutu kua binunu bia Bena Isalele ne,

Yoshua 22:21 교차 참조

Nsumuinu 15:1

Diandamuna dilenga didi dituyisha lonji. Kadi diyi dibi didi dilundula tshiji.

Nsumuinu 16:1

Muntu udi wela meji bua kuenza bualu kampanda munda muende. Kadi Maweja-Nangila ke udi mua kuamba muende mua ndekelu mudiye mumone.

Nsumuinu 18:13

Muntu udi wandamuna lukonku kayi muanji kuteleja bimpe, udi uleja bupote buende; neafue bundu kabidi.

Nsumuinu 24:26

Muntu udi wandamuna patoke udi uleja mudiye mulunda wa bushiwa.

Mika 5:2

Maweja-Nangila nealekele bantu bende mu bianza bia baluishi babu, too ne ku tshikondu tshidi mukaji udi kulu ulela muana wa balume. Diba adi bantu badi bashala ne muoyi mu bupika, nebapingane mu ditunga diabu, bua kudisangisha ne bena Izrayele bakuabu.

Bienzedi 11:4

Ke Petro kubumvuija muvua bualu bujima, wamba ne:

Yakobe 1:19

Bana hetu basuibue, vulukayi bimpe bindi ngamba: muntu yonsu ateleje lukasa, kadi kena mua kuakula pa lukasa nansha. Kabidi kafiki munda lubilu.

Yoshua 22:20

Pavua Akane, wa ku ndelanganyi ya Zera, muenze tshilema tshinene, muangate bintu bikandika, Maweja-Nangila uvua mufikile bena Izrayele bonsu munda, mubakengeshe. Nuenu nudi bamanye bualu ebu! Kabidi, Akane kena mufue nkayende bua bubi buende to.

Yoshua 22:22

— Maweja-Nangila ke Mvidi Mukulu wa bukole buonsu. Eyowa, anu Yeye ke Mvidi Mukulu wa bukole buonsu. Maweja-Nangila mmumanye tshitudi bashile tshilambuilu etshi. Bena Izrayele bonsu kabidi nebamanye bualu ebu. Patuikala batombokele Maweja-Nangila, bamuenzele tshilema bunene nanku, atushipe lukasa!

1 Petro 3:15

Kadi mu mioyi yenu nunemeke Kristu bu Mfumu wenu. Diba dionsu nuikale amu ne muoyi wa kuandamuna bonsu badi banukonka ne: nu-tumvuije ditekemena didi munda muenu.