Yoshua 21:44 - MUKANDA WA MYIDI MUKULU

⁴⁴ Maweja-Nangila kubapesha ditalala ku mikalu yabu yonsu, bu muvuaye mumane kulaya bankambua babu. Bobu kutshimuna baluishi babu bonsu ku bukole bua Maweja-Nangila. Kakuvua muntu nansha umue uvua mua kupita bena Izrayele ku bukole to.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁴ Yehowa wakabaha dikisha ku nseke yonso bu muakalayeye bankambua babo; kakuakadi umue wa bena lukuna babo bonso wakamanya mua kubatantamena; Yehowa wakafua bena lukuna babo bonso mu bianza biabo.

Yoshua 21:44 교차 참조

2 Kulondolola 13:16

Bena Izrayele kunyema, Maweja-Nangila kubafila mu bianza bia bena Yuda.

Ekesode 23:31

Nanku, ditunga dienu nedikale dialabale, dituadijile ku Mayi manene makunze too ne ku mayi a bena Peleshete. Nedikale dituadijile kabidi ku tshipela tshia Sinayi too ne ku musulu wa Perate. Meme nennupeshe bukole bua kuipata bena matunga onsu aa.

Ekesode 33:14

Maweja-Nangila kuandamuna Moshe ne: — Meme nkayanyi nenkulombole; neutshimune.

Yeshaya 63:14

Bavua amu bu mudi ngombe ipueka mu tshibandabanda. Mueyelu wa Maweja-Nangila uvua ubafikisha ku muaba uvuabu mua kuikishila.” Nenku, Maweja-Nangila, ke muuvua muludike bantu bebe nanku. Pa bualu ebu bantu nebakutumbishe kashidi.

Dielulula 2:36

Maweja-Nangila Mvidi Mukulu wetu, uvua mutuambuluishe bua kukuata bimenga bionsu bivua pankatshi pa tshimenga tshia Aroyere, tshidi pabuipi ne musulu wa Amone, ne tshimenga tshikuabu tshidi mu tshibandabanda tshine atshi, too ne ku ditunga dia Ngilaade. Tshimenga nansha tshimue tshia mu bimenga ebi, katshivua ne bukole bua kutuluisha.

Dielulula 21:10

Panuikala nuluangana mvita, Maweja-Nangila Mvidi Mukulu wenu munuambuluishe bua kukuata baluishi benu mu lukanu,

Ebrewu 4:9

Nenku, dikisha difuanangane ne divua Mvidi Mukulu muikishe dituku dia muanda mutekete, ditshidi dindila bantu ba Mvidi Mukulu.

Yoshua 1:13

— Nuvuluke miaku ivua Moshe, muntu wa Maweja-Nangila, munumanyishe musangu uvuaye wamba ne: “Maweja-Nangila Mvidi Mukulu wenu mmuanyishe bua nuenu kuasa mu ditunga didiye munupeshe, didi luseke ludi diba dipatukila lua Yardene.”

Yoshua 1:15

too ne padi Maweja-Nangila Mvidi Mukulu wenu muanyishe bua bana benu bakuate ditunga, didiye mubapeshe bu muvuaye munuambuluishe nuenu bua nupete ditunga. Pashishe nenupingane bua kuasa mu ditunga divua Moshe, muntu wa Mvidi Mukulu, munuabanyine luseke ludi diba dipatukila lua musulu wa Yardene.

Yoshua 1:5

Matuku onsu autshidi panu ne muoyi aa, muntu kena mua kukupita bukole to. Meme nengikale nebe, bu mumvua ne Moshe. Kashidi tshiendelele tshiena nkulekela. Nenkuambuluishe misangu yonsu.

Yoshua 11:12

Yoshuwa kutshimuna mu mvita bakalenga bonsu bavua badisangisha abu. Kukuataye kabidi bimenga biabu. Kushipaye bakalenga abu ne bantu bonsu, amu bu muvua Moshe, muntu wa Maweja-Nangila muambe.

Yoshua 11:23

Yoshuwa kukuata ditunga dijima mu mvita, muvua Maweja-Nangila muambile Moshe. Yoshuwa kuabanyina bena Izrayele ditunga adi, bilondeshile bisamba biabu. Ke bena Izrayele kuanji kuikisha bua dipungi dia mvita.

Yoshua 11:8

Maweja-Nangila kufila baluishi aba mu bianza bia bena Izrayele. Bobu kubalondakaja too ne mu thimenga tshinene tshia Sidone tshidi ku mutu, ne ku Misrefote-Mayime, ne mu tshibandabanda tshia Mispa luseke ludi diba dipatukila. Bena Izrayele kubutula baluishi bonsu. Kabawa bashiye muntu nansha umue ne muoyi.

Yoshua 2:24

Kujadikilabu Yoshuwa ne: — Eyowa, Maweja-Nangila mmumane kutupa ditunga edi dijima. Bena ditunga mbamane kuteketa mu maboku. Kabena mua kutufuila nkanana to.

Yoshua 22:4

Mpindiewu, Maweja-Nangila Mvidi Mukulu wenu mmumane kuitaba bua bana benu basombe mu buloba buabu, bu muvuaye mumane kubalaya. Nanku nuenu nudi mua kupingana kuenu. Nuye kusomba muaba uvua Moshe, muntu wa Maweja-Nangila, munuabanyine, luseke ludi diba dipatukila lua Yardene.

Yoshua 22:9

Ke ndelanganyi ya Rubene, ya Ngade, ne ya mu tshitupa tshia tshisamba tshia bena Menashe tshivua luseke ludi diba dipatukila lua Yardene, kupingana kuabu. Kushiyabu bena Izrayele bakuabu mu Silo, mu ditunga dia Kenaane. Kupinganabu mu ditunga dia Ngilaade, divuabu bababanyine, bu muvua Maweja-Nangila mumane kuambila Moshe.

Yoshua 23:1

Matuku a bungi awa apita, pavua Maweja-Nangila mumane kupesha bena Izrayele ditalala, mubasungidile kudi baluishi babu bavua nabu mutumba. Yoshuwa ukavua mumane kukola mukulakaje.