Yoshua 21:4 - MUKANDA WA MYIDI MUKULU

⁴ Kutshinkabu bilondeshile muvua meku a bena Levi. Kusungulabu kumpala ndelanganyi ya Kekate. Ku ndelanganyi ya Kekate kutshinkabu ndelanganyi ya mutuangaji Arone, kubapeshabu bimenga dikumi ne bisatu, bivua mu buloba bua Yuda, bua Shimeyone ne bua Binyamine.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Meku a Bena Kohata akangata tshiabo tshituha; bana ba Alona muakuidi, Bena Lewi mene mene, bakangata tshiabo tshituha munkatshi mua tshisamba tshia Yuda ne mu tshisamba tshia Shimeona ne mu tshisamba tshia Benyamina, bimenga dikumi ne bisatu.

Yoshua 21:4 교차 참조

1 Kulondolola 6:39

Tutele miaba ya mu ditunga ivua ndelanganyi ya Arone ya mu diku dia Kekate mipete bua kuasa. Ndelanganyi ya Arone ya mu diku dia Kekate ke ivua midianze kupeta buabu buloba, bilondeshile muvuabu babutshinke.

Ekesode 6:16

Levi uvua mulele bana ba balume basatu: Ngershone, Kehate ne Merari. Levi wakushala ne muoyi bidimu lukama ne makumi asatu ne muanda mutekete.

Ekesode 6:20

Amrame uvua musele tatuende mukaji Yokebede. Mukaji ewu kulela Moshe ne Arone. Amrame wakashala ne muoyi bidimu lukama ne makumi asatu ne muanda mutekete.

Dibadika 3:27

Kekate ke nkambua wa bena Kekate, badi batapulukangana meku anayi: dia bena Amrame, dia bena Ishare, dia bena Ebrone ne dia bena Uziyele.

Yoshua 21:3

Nanku bena Izrayele kusungula mu maloba abu bimenga, ne mpata ya kudishila bimuna, bua kubipesha bena Levi, bu muvua Maweja-Nangila mumane kuamba.

Yoshua 21:5

Ndelanganyi mikuabu ya Kekate kupeta bimenga dikumi, bivua mu buloba bua bena Efrayime, bua bena Dane ne bua tshitupa tshia bena Menashe tshivua luseke ludi diba dibuelela lua musulu wa Yardene.

Yoshua 24:33

Elazare, muana wa Arone, kufua kabidi. Kumujikabu pa mukuna uvuabu bapeshe muanende wa balume Pinase luseke lua mikuna ya Efrayime.