Yoshua 16:3 - MUKANDA WA MYIDI MUKULU

³ Pashishe udi upueka ku bena Yafleti luseke ludi diba dibuelela. Mukalu mumane kupitshila ku Bete-Orone wa kuinshi ne ku Ngezere, udi ushikidila ku Mayi manene a pankatshi pa matunga.

Mukanda wa Nzambi Dihungila Dikulukulu ne Dihungila Dihia-dihia 2003

³ wakahueka ku wesete ku mukalu wa Bena Yafelete, ku butshika bua Bete-holona udi kumanda tô ne ku Gezê; kunshikidilu kua mukalu kuakadi kukala kua mai manene.

Yoshua 16:3 교차 참조

1 Kulondolola 20:4

Pashishe bena Izrayele kuluisha bena Peleshete mu Ngezere. Mu mvita ayi, Sibkayi, wa mu tshimenga tshia Usha, kushipa Sipayi wa ku ndelanganyi ya bena Refayime. Bena Peleshete kufua bundu.

1 Kulondolola 7:24

Efrayime uvua kabidi ne muana wa bakaji, dina diende Shera. Yeye awu ke uvua muase tshimenga tshia Bete-Orone tshia kuinshi, ne tshia Bete-Orone tshia kulu, kabidi ne tshia Uzere-Shera.

1 Kulondolola 7:28

Mu buloba buvua bena Efrayime bapete bua kuasa, muvua kabidi tshimenga tshia Betele, ne misoku idi natshi mutumba. Ku luseke ludi diba dipatukila, kuvua Narane, kudi diba dibuelela, kuvua Ngezere ne misoku ivua ku mutumba. Kuvua kabidi buloba buvua pankatshi pa Shekeme ne Aya, pamue ne misoku ya ku mutumba.

2 Kulondolola 8:5

Shelomu uvua muibakulule kabidi bimenga bia Bete-Orone wa ku mutu ne Bete-Orone wa kuinshi. Bimenga ebi bavua babibaka ne bimana bikole, kabidi ne biibi bikole bikanga ne milonda.

Dibadika 34:6

“Ku luseke ludi diba dibuelela, mukalu wenu newikale Mayi manene a pankatshi pa matunga.

Yoshua 10:33

Orame, mukalenga wa mu Ngezere, kufika bua kuambuluisha bena Lakishe. Kadi Yoshuwa kumutshimuna yeye ne bena mvita bende bonsu. Kubashipabu, kakuyi muntu wa kushala ne muoyi.

Yoshua 18:13

Umuka muaba awu, mukalu uvua mutangile ku Luze, upitshila luseke lua kuinshi kua tshimenga tshia Luze, tshidibu binyika kabidi Betele. Pashishe uvua upitshila ku mukuna uvua kuinshi kua Bete-Orone wa kuinshi, upuekela ku Atrote-Adare.

1 Samuele 13:18

Tshisumbu tshibidi kulonda njila wa ku Bete-Orone. Tshisumbu tshisatu kulonda njila udi ku mukalu udi ulonda tshibandabanda tshia Seboyime, luseke lua ku tshipela.