Yoshua 15:13 - MUKANDA WA MYIDI MUKULU

¹³ Kalebe, muana wa Yefune, uvua mupete tshitupa tshia buloba bua bena Yuda, anu bu muvua Maweja-Nangila mumane kuambila Yoshuwa. Bavua bamupesha tshimenga tshi Kiriyate-Arba, tshidibu binyika Arba, nkambua wa bena Anake. Kadi lelu badi binyika tshimenga tshia Arba dina dikuabu dia Ebrone.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Yeye wakaha Kaleba, muana wa Yefune, tshituha tshiandi munkatshi mua Bena Yuda bu mu dî dia Yehowa kudi Yoshua, musoko wa Kîyata-âba, tatu wa Anaka (eu udi musoko wa Hebelone mene).

Yoshua 15:13 교차 참조

Genese 13:18

Abrame kuasa mitanda yende muinshi mua mitshi ya tshijila ya Mambre pabuipi ne tshimenga tshia Ebrone. Muaba awu kuashilaye Maweja-Nangila tshilambuilu.

Genese 23:2

kufuaye mu Kiriyate-Arba, momumue ne Ebrone, mu ditunga dia Kenaane. Abrahame kuenza madilu a mukajende, kumudila.

2 Samuele 2:1

Bionsu ebi bimane kupita, Davide kukonka Maweja-Nangila ne: — Ndi mua kuya kusomba mu tshimenga tshikuabu tshia ku bimenga bia Yuda anyi? Maweja-Nangila ne: — Eyowa. Davide kumukonka kabidi ne: — Ndi mua kuya mu tshimenga kaayi? Maweja-Nangila kuandamuna ne: — Udi mua kuya mu Ebrone.

1 Kulondolola 6:56

Meku a bena Ngershone avua mapete bimenga ebi: buloba bua bena Menashe bavua basomba luseke ludi diba dipatukila lua Yardene, kupetabu tshimenga tshia Ngolane mu Bashane, ne tshia Ashetarote. Mu buloba bua bena Isakare, kupetabu tshimenga tshia Kedeshe, tshia Dabrate, tshia Ramote ne tshia Aneme. Mu buloba bua bena Ashere, kupetabu tshimenga tshia Mashale, tshia Abdone, tshia Ukoke ne tshia Rekobe. Mu buloba bua bena Naftali, kupetabu tshimenga tshia Kedeshe mu Ngalileya, tshia Amone ne Kiriyatayime. Bimenga bionsu ebi, bavua babifile pamue ne mpata ya kudishila bimuna biabu.

2 Kulondolola 11:10

Sora, Ayalone ne Ebrone. Bimenga bikolesha ne bimana ebi, bivua mu buloba bua bena Yuda ne bua bena Binyamine.

Dibadika 13:30

Batentekedi bakuabu kudiwula Moshe. Kadi Kalebe kubapuwisha, wamba ne: — Tuyayi mu ditunga adi! Netutshimune bantu bonsu abu. Netubanyenge ditunga.

Dibadika 13:6

Kalebe, muana wa Yefune, wa mu tshisamba tshia Yuda.

Yoshua 11:21

Mu tshikondu atshi, Yoshuwa kuluisha bena Anake, bavua ku mikuna mu Ebrone, mu Debire, mu Anabe, ne ku mikuna yonsu ya ditunga dia Yuda ne dia Izrayele. Yoshuwa kubabutula, kunyangakaja bimenga biabu.

Yoshua 20:7

Bena Izrayele kusungula bimenga bia kunyemena: ke Kedeshe udi mu Ngalileya luseke lua mikuna ya Naftali; Shekeme luseke lua mikuna ya Efrayime; ne Kiriyate-Arba uvuabu binyika kabidi Ebrone, luseke lua mikuna ya Yuda.

Yoshua 21:11

Bavua babapeshe tshimenga tshia Kiriyate-Arba, tshidibu binyika kabidi Arba, dina dia nkambua wa bena Anake. Badi binyika tshimenga atshi mpindiewu Ebrone. Bavua batshiasa luseke lua mikuna mu buloba bua Yuda. Kupeshabu ndelanganyi ya Arone tshimenga etshi, ne mpata ya kudishila bimuna ivua pabuipi.

Balombodi 1:10

Kubangabu mvita ne bena Kenaane bavua base mu tshimenga tshia Ebrone, tshiyuabu binyika tshikondu atshi Kiriyate-Arba. Mu tshimenga atshi ke muvuabu batshimuine bena diku dia Sheshayi, dia Akimane, ne dia Talmayi.

Balombodi 1:20

Kupeshabu Kalebe tshimenga tshia Ebrone, bu muvua Moshe mumane kuamba. Nanku Kalebe kukuata tshimenga atshi, kuipata meku asatu a bena Anake avuamu.

1 Samuele 25:3

Dina dia muntu awu Nabate. Mukajende uvua Abiyayile. Mukaji ewu uvua ne mpala muimpe, kabidi muikale ne lungenyi. Kadi, bayende Nabale uvua ne malu makole, muikale ne lonji. Nabale uvua wa mu diku dia Kalebe.

1 Samuele 30:14

Bangabanga tuvua baluishe bantu badi basombe kuinshi mu ditunga, mu buloba bua bena Kereti, bua bena Yuda ne bua bena Kalebe. Pashishe tuetu kuosha tshimenga tshia Siklaje.

1 Samuele 30:31

ku Ebrone, ne bavua mu misoku yonsu ivua Davide mupitshile ne bantu ba-vuaye nabu.