Yoshua 15:1 - MUKANDA WA MYIDI MUKULU

¹ Buloba buvuabu batshinka bua kupesha bena Yuda, bilondeshile meku abu, buvua butuadija kuinshi mu ditunga, luseke ludi diba dipatukila, ku mukalu ne bena Edome. Tshipela tshia Tsine tshivua tshitupa tshia kuinshi menemene tshia buloba abu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Luseke lua tshisamba tshia Bena Yuda ku meku abo luakafika ku mukalu wa Edome tô ne ku tshihela tshia Sina ku luseke lua ku sude, kunfudilu kua buloba bua ku sude.

Yoshua 15:1 교차 참조

Genese 35:23

Leya uvua ne bana ba balume basambombu: Rubene, ke muanabute, bamulonda kudi Shimeyone, Levi, Yuda, Isakare ne Zebulone.

1 Bakalenga 8:65

Anu tshikondu atshi, Shelomu ne bena Izrayele bonsu, bavua muaba awu bapite bungi, kuenzabu tshibilu tshia tuzubu tua Bisasa. Bena Izrayele abu, bavua bafumine mu ditunga dijima dia bena Izrayele, biangatshile ku Lebo-Amate ku mutu mu ditunga, too ne ku musulu wa Ejipitu udi kuinshi mu ditunga. Nanku, munkatshi mua matuku muanda mutekete, bena Izrayele kuenza tshibilu atshi muaba uvua Maweja-Nangila Mvidi Mukulu.

Yezekiyele 47:19

Kuinshi mu ditunga, mukalu udi utuadija ku Tamare, too ne ku mpokolu wa Meriba-Kadeshe. Udi ulonda musulu wa Ejipitu too ne ku Mayi manene a pankatshi pa matunga. Ke mukalu wa kuinshi mu ditunga.

Yezekiyele 48:7

Bua bena Yuda nebutuangane ne bua bena Rubene.

Dibadika 20:16

Pashishe tuetu kutendelela Maweja-Nangila. Kututelejaye, kututuminaye mutumibue wende bua kutupatula mu Ejipitu. Mpindiewu tudi mu Kadeshe, tshimenga tshidi ku mikalu ya ditunga diebe.

Marke 3:8

mu Yerushalayime, mu buloba bua bena Idumeya, mu buloba budi dishiya dia musulu wa Yardene ne mu ditunga didi dituangane ne tshimenga tshia Tire ne tshia Sidone. Bantu bonsu aba bavua balonda Yezu, bualu bavua bumvue bionsu bivuaye wenza.

Dielulula 32:51

Wewe ne Arone, nuvua bangenzele bibi bitambe, bena Izrayele bonsu bamone, mu Kadeshe mu tshipela tshia Tsine, bua tshilumbu tshia mayi a ku Meriba. Nuvua ne mpata, kanuvua banyishe bua meme kuleja ne: ndi wa tshijila.

Yoshua 14:2

Bu muvua Maweja-Nangila muambile Moshe, bavua batshinka bua kumanya maloba avuabu mua kupesha bisamba bia bena Izrayele tshitema, ne tshia bibidi tshia tshisamba tshia Menashe, bivua kabiyi bianji kupeta maloba.

Yoshua 15:2

Mukalu wabu wa kuinshi uvua utuadija kuinshi kua Mayi manene a luepu.

Yoshua 18:5

Bantu abu nebabanye buloba mu bitupa muanda mutekete. Ndelanganyi ya Yuda neyishale mu tshiayi tshitupa tshia buloba tshidi kuinshi mu ditunga. Ndelanganyi ya Yozefe kabidi neyishale mu tshiayi tshitupa tshidi ku mutu mu ditunga.