Yoshua 1:15 - MUKANDA WA MYIDI MUKULU

¹⁵ too ne padi Maweja-Nangila Mvidi Mukulu wenu muanyishe bua bana benu bakuate ditunga, didiye mubapeshe bu muvuaye munuambuluishe nuenu bua nupete ditunga. Pashishe nenupingane bua kuasa mu ditunga divua Moshe, muntu wa Mvidi Mukulu, munuabanyine luseke ludi diba dipatukila lua musulu wa Yardene.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ tô ne haha Yehowa bana benu dikisha, bu muakunuheye, ne hangatabo kabidi buloba budi Yehowa, Nzambi wenu, mubahe; ku nyima nenuhingane ku buloba buenu buakanuha Mose, muntu wa Yehowa, dishiya dia Yadene kudi kuhatuka diba, bua nuenu kubuangata.

Yoshua 1:15 교차 참조

1 Korente 12:26

Padi tshidimba tshia mubidi tshimue tshisama, bidimba bionsu bidi bisama pamue natshi. Padibu batumbisha tshidimba tshimue, bidimba bikuabu bionsu bidi bisanka pamue natshi.

1 Korente 13:5

Kena upanga kanemu, kena ukeba kudisankisha, kena ufika munda, kena ne njiya.

Ngalate 5:13

Bana hetu, Mvidi Mukulu mmunubikile, bua nudisunguile tshinudi basue kuenza. Tshiena musue kuamba ne: nudisunguile amu majinga mabi adi anusankisha mu buntu buenu. Kadi nunangangane, nuambuluishangane.

Ngalate 6:2

Ambuluishanganayi bua kuambuishangana majitu. Ke munudi nutumikila mikenji ya Kristu nanku.

Dielulula 3:18

Diba adi, mvua muambile bisamba bionsu ne: “Maweja-Nangila Mvidi Mukulu wenu mmumane kunupesha ditunga edi. Nanku bonsu banudi nabu, bambule bia mvita, bapite kumpala kua bana benu bena Izrayele bakuabu, bua kusabuka musulu wa Yardene.

Dielulula 3:20

Nanku nuambuluishe bena Izrayele bakuabu, too ne pikala Maweja-Nangila mubafikishe mu ditunga didiye ubapesha didi dishiya, luseke ludi diba dibuelela lua musulu wa Yardene, bua kupetabu dikisha bu munudi bapete nuenu. Pashishe muntu yonsu wa kunudi neapingane kuende mu ditunga dindi mumupeshe.”

Dielulula 9:1

Nuenu bena Izrayele, telejayi. Lelu nenusabuke musulu wa Yardene. Nenuipate bisamba bionsu bidi binupita ku bukole ne ku bungi. Nenukuate bimenga biabu bidi ne bimana bitumbuke mulu.

Filipe 2:4

Muntu kakebi tshidi tshimusankisha amu yeye. Kadi elayi bonsu meji ku bidi bisankisha bakuabu.

Yoshua 1:1

Moshe, muntu wa Maweja-Nangila, mumane kufua, Maweja-Nangila kuambila Yoshuwa, muana wa Nune, uvua wambuluisha Moshe ne:

Yoshua 1:14

Nanku bakaji benu, bana benu, bimuna bienu, nebishale dishiya dia musulu wa Yardene, muaba udi Moshe munufikishe. Kadi nuenu, bantu balume badi ne makanda a kuluangana mvita, nuambule bia mvita, nupite kumpala kua bana benu, bua kusabuka Yardene. Nubambuluishe,

Yoshua 1:16

Bena bisamba ebi kuandamuna Yoshuwa ne: — Netukumbaje bionsu biudi mutuambile. Netuye muaba onsu uudi ututuma.

Yoshua 22:1

Pashishe Yoshuwa kubikila bantu balume ba mu tshisamba tshia Rubene, tshia Ngade, ne ba mu tshitupa tshia tshisamba tshia bena Menashe bavua luseke ludi diba dipatukila lua Yardene.