Yoshua 1:11 - MUKANDA WA MYIDI MUKULU

¹¹ bua bendakane mu mitanda, bambile bantu bua bakumbaje mikenji itudi tutela eyi: “Nuenu bena Izrayele, nulongolole biakudia. Bualu papita matuku asatu, nenusabuke Yardene bua kuya kukuata ditunga didi Maweja-Nangila Mvidi Mukulu wenu munupeshe bua kusomba.”

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hitshilai munkatshi mua tshitudilu, nuambile bantu ne, Dilongoluelai bia kudia, bualu bua hahita matuku asatu, nenusabuke Yadene eu, bua kuya kuangata buloba, budi Yehowa, Nzambi wenu, munuhe bua nuenu kubuangata.

Yoshua 1:11 교차 참조

2 Bakalenga 20:5

bua apingane kudi Izkiya, mukalenga wa bantu ba Maweja-Nangila, amuambile ne: “Maweja-Nangila Mvidi Mukulu wa nkambua webe Davide udi wamba ne: Ndi mumvue ditendelela diebe, kabidi ndi mumone binsonji biebe. Nanku ndi musue kujikija disama diebe. Papita matuku asatu, mutuadije kuya kabidi mu nzubu wa Mvidi Mukulu.

Ekesode 19:11

Bangindile, bualu dituku disatu meme nempueke ku mukuna wa Sinayi, bena Izrayele bonsu batangile.

Osheya 6:2

Papita matuku abidi nansha asatu, neatufululule. Netuende ne muoyi kumpala kuende.

Dielulula 11:31

Nuenu bena Izrayele, nukadi pa kusabuka musulu wa Yardene, bua kubuela mu ditunga edi, didi Maweja-Nangila Mvidi Mukulu wenu unupa. Nenudikuate bua kusombamu.

Dielulula 3:18

Diba adi, mvua muambile bisamba bionsu ne: “Maweja-Nangila Mvidi Mukulu wenu mmumane kunupesha ditunga edi. Nanku bonsu banudi nabu, bambule bia mvita, bapite kumpala kua bana benu bena Izrayele bakuabu, bua kusabuka musulu wa Yardene.

Dielulula 9:1

Nuenu bena Izrayele, telejayi. Lelu nenusabuke musulu wa Yardene. Nenuipate bisamba bionsu bidi binupita ku bukole ne ku bungi. Nenukuate bimenga biabu bidi ne bimana bitumbuke mulu.

Yoshua 1:10

Yoshuwa kutumina balombodi ba bena Izrayele diyi,

Yoshua 1:2

— Moshe, muntu wanyi, mmumane kufua. Mpindiewu, wewe udi ne bua kusabuka musulu wa Yardene, pamue ne bena Izrayele bonsu, bua ubafikishe mu ditunga dindi mubapeshe.

Yoshua 3:2

Kupita matuku asatu, balombodi ba bena Izrayele kuendakana mu mitanda,