Yona 4:5 - MUKANDA WA MYIDI MUKULU

⁵ Yona kusunuka mu tshimenga, kuya kusomba luseke ludi diba dipatukila luatshi. Kuasaye kazubu kakese ka kuikishila, bua kubandila bionsu bivua mua kuenzeka mu tshimenga.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Hashishe, Yona wakahatuka mu musoko, wakashikama mu muaba wakadi mutangilangane ne musoko ku luseke lua esete ne wakadibakilaku tshitandatanda, wakadi mushikame muinshi mua dileshi diatshi bua kumoneye ne malu kai akuata musoko.

Yona 4:5 교차 참조

1 Bakalenga 19:13

Anu muambi Eliya umvua tshiona atshi, kudibuikilaye tshinkutu tshiende. Kupatukaye mu lubuebue, kuimana mu mbelu. Kumvuaye kabidi diyi dimukonka ne: — Eliya, muaba ewu udi wenza tshinyi?

1 Bakalenga 19:9

Eliya mumane kufika ku mukuna wa Sinayi, kubuelaye mu lubuebue, kulalamu. Ke Maweja-Nangila kumukonka ne: — Eliya, muaba ewu udi wenza tshinyi?

Yeshaya 57:17

Ntupakanyi ya bena Izrayele, ivua mianji kumfikisha munda. Mvua mubanyoke ne tshiji. Tshivua musue kubatangila kabidi to. Kadi bobu bavua batungunuka amu ne dienza bibi, muvua muoyi wabu ubalongesha.

Yirmeya 20:9

Pandi ngamba ne: “Tshiena musue kuvuluka kabidi Mvidi Mukulu to. Tshiena musue kuakula kabidi mu dina diende”, diba adi munda muanyi, muaku webe udi bu kapia kadi katema. Ndi ngenza muanyi muonsu bua kukajima munda muanyi, kadi tshiena ne mushindu to.

Yona 1:5

Nanku, bitshi ba buatu kukuatshika bowa bukole. Muntu yonsu uvua ulomba wende nwidie, wela mbila, bua tshipepele tshibutame. Pashishe kuimanshabu bintu bionsu bivua mu buatu mu mayi manene, bua buatu bupepele. Kadi Yona uvua anu mulale tulu tukole mu bibeya bia muinshi mua buatu.

Yona 4:4

Maweja-Nangila kukonka Yona ne: — Udi ufika munda pa bualu anyi?

Yona 4:6

Mvidi Mukulu Maweja-Nangila kumenesha mutshi uvua ubanda bikole, bua Yona amone mua kusomba mu dileji diawu, kupua muoyi ku kanyinganyinga kavuaye naku. Yona kusanka bikole bua mutshi awu.