Yona 3:8 - MUKANDA WA MYIDI MUKULU

⁸ Bantu ne bimuna, nudi ne bua kuvuala bilamba bikayapale. Bonsu nutendelele Mvidi Mukulu ne muoyi mujima. Muntu yonsu umuke mu njila wa malu mabi, alekele buenzayi buvuaye nabu.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Biluate bivualu bikayabala, bantu ne bimuna bidile bikole kudi Nzambi; muntu ne muntu umuke mu nshila wandi mubi, alekele kuenza malu makole adi bianza biandi biamba kuenza.

Yona 3:8 교차 참조

Yobe 16:17

Tshivua muenze bualu bubi nansha bumue, mvua mutendelele amu bimpe, tshiyi ne mpala ibidi to.

Yobe 36:10

Udi ubabela bua bumvue malu, ubambila bua balekele kuenza malu mabi.

Yeshaya 58:6

Nudi bamanye tshijila tshindi musue. Tshidi nunku: kulekela bantu bavuabu bakuate mu lukanu kapayi bualu, kumusha majitu adi manemenene pa makaya abu, kupikula bantu badibu bakengesha, kumusha pambidi pa bantu bionsu bidi bibabueja mu bupika,

Yeshaya 59:6

muntu kena mua kubuvuala, muntu kena mua kudibuikilabu. Buntande budi amu bupetesha bantu dikenga. Ke mudi bianza bienu bienza mudimu, amu bua kukengesha bantu.

Yirmeya 18:11

— Yirmeya, mpindiewu ambila bena Yuda ne badi basombe mu Yerushalayime ne: “Maweja-Nangila udi wamba ne: ndi mupangadike bua kununyoka. Ndi nnulongoluela dikenga. Muntu yonsu alekele kuenza malu mabi. Nukudimune malu enu, enzayi amu malu mimpe.”

Yirmeya 25:5

Maweja-Nangila kunuambila ne: “Muntu yonsu wa kunudi adilengeje, alekele malu mabi adiye wenza! Nanku, nenusombe kashidi ne kashidi mu ditunga edi dimvua munupe nuenu ne bankambua benu.

Yirmeya 26:3

Ndi mutekemene se: nebateleje. Muntu yonsu adilengeje. Ndi musue kubatumina dikenga bua malu mabi adibu benza. Kadi bobu bateleje, tshiakubanyoka to.

Yirmeya 36:3

Misangu mikuabu bena Yuda badi mua kumvua mundi musue kubatumina makenga. Nanku nebadilengeje. Nemmone mua kubafuila luse bua bilema biabu ne mibi yabu.

Yezekiyele 33:11

Nanku, telejayi mudibu banuambila kudi Maweja-Nangila Mvidi Mukulu udi ne muoyi. Tshiena musue bua bantu babi bafue nansha. Ndi njinga amu ne: balengeje nsombelu yabu, bikale ne muoyi. Nanku ndi nnulomba nuenu bena Izrayele ne: kanuenji kabidi bibi to! Nudi basue kufua bua tshinyi?”

Danyele 4:27

Mukalenga kuela lubila ne: — Ewu mBabilone, tshimenga tshinene tshimvua muibake, bua tshikale muaba wa mukalenga kusomba. Tshimenga etshi tshidi tshileja mudi bukole buanyi, ne mudi lumu lua bukalenga buanyi!

Yowele 1:14

Nuele diyi bua bantu bajile biakudia, nubueje tshisangilu tshinene, nusangishe bakulu, ne bantu bakuabu bonsu ba mu ditunga, bafike mu nzubu wa Mvidi Mukulu wetu, bamusengelele bua atuambuluishe.

Yona 1:14

Pashishe, bitshi ba buatu kutendelela Maweja-Nangila, bela mbila ne: — Eyi, Maweja-Nangila kutushipeshi bualu bua muntu ewu to. Kavua mutuenzele bibi. Kadi kuteki lufu luende pambidi petu. Wewe udi Maweja-Nangila. Tshiudi musue ke tshiudi ukumbaja.

Yona 1:6

Nanku, mulombodi wa bitshi ba buatu kusangana Yona mulale tulu, kumukonkaye ne: — Udi wenza tshinyi? Udi amu mulale tulu? Juka, ulombe webe nwidie, bumue udi mua kutuambuluisha, tupanduke ku tshipepele etshi!

Matayi 3:8

Enzayi malu adi aleja ne: tudi basue kukudimuna mioyi yetu.

Bienzedi 26:20

Bangabanga meme kulongesha mu Damase ne mu Yerushalayime, pashishe mu ditunga dijima dia Yudeya, ne mu matunga a bantu ba bisamba bikuabu. Mvua mulombe bantu bonsu, bua bandamune ngenzelu yabu, bapingane kudi Mvidi Mukulu, baleje ku malu mimpe adibu benza, mudibu badilengeja.

Bienzedi 3:19

Nanku nudilengeje, nupingane kudi Mvidi Mukulu, bua anujimijile mibi yenu.

Didimanyisha 11:3

Meme nentume bajadiki banyi babidi, bavuale bilamba bikayapale. Matuku tshinunu nkama ibidi ne makumi asambombu aa, nebamanyishe bantu bidi Mvidi Mukulu mubambile.