Yona 2:2 - MUKANDA WA MYIDI MUKULU

² Pavua Yona munda mua mushipa, uvua utendelela Maweja-Nangila Mvidi Mukulu wende, wamba ne:

Mukanda wa Nzambi Dihungila Dikulukulu ne Dihungila Dihia-dihia 2003

² wakamba biandi ne, Mu dikenga dianyi nakela dî dianyi kudi Yehowa, ne yeye wakitaba kundi; mu Muaba wa Bafue nakadila kûdi, ne wewe wakunvua dî dianyi.

Yona 2:2 교차 참조

2 Kulondolola 33:12

Pavua Menashe mu dikenga dinene, kutendelelaye Maweja-Nangila Mvidi Mukulu wende. Kutondaye bubi buende kumpala kua Mvidi Mukulu wa bankambua bende.

Misambu 116:3

Lufu kunjingila nkanu yalu, bowa bua kandondu ka bafue kunkuata, luzakalu kungenza, muoyi kunshikila.

Misambu 120:1

Musambu wa bena ngendu. Pavua dikenga dinkuata, meme kubila Maweja-Nangila, kungitabaye.

Misambu 16:10

Kuakunshiya mu kandondu ka bafue. Kuakuanyisha bua mbolele mu lukita.

Misambu 22:24

“Tumbishayi Maweja-Nangila, nuenu bantu bende! Munemekayi, nuenu ndelanganyi ya Yakobe! Mutshinayi, nuenu bena Izrayele!

Misambu 34:6

Mutangilayi, nanku nenusanke. Kanuakufua bundu, kanuakunyenga mpala.

Misambu 4:1

Musambu wa mu mukanda wa mulombodi wa misambu. Musambu wa mu mukanda wa misambu ya Davide, wa kuimba ne nzenze.

Misambu 61:2

Mvidi Mukulu wanyi, teleja miadi yanyi, umvua mundi nkusengelela.

Misambu 65:2

Mvidi Mukulu, Wewe udi usomba mu tshimenga tshia Siyone, mbimpe tukuele tuasakidila, tukumbaje bituvua bakulaye.

Misambu 86:13

Buimpe buebe buudi mundeje budi bunene, udi mumpatule mu dijimba dia lufu.

Yeshaya 14:9

Ku bajangi padibu bumvua, muukadi pa kufika, wewe muena tshikisu, badi badilongolola bua kukuakidila. Bualu buebe badi babisha bajangi bavua bamfumu banene panu. Bualu buebe badi bumusha, bakalenga bonsu ba matunga mu nkuasa yabu.

Muadi 3:55

Pamvua panshi mu dijimba, meme kukubikila wewe, Maweja-Nangila.

Yezekiyele 26:20

Nenkutume mu dijimba dia bafue, bua usombemu ne bantu bafuile kale. Neushale muinshi mua buloba mu kandondu kafuanangane ne makolu, bua usombe ne bafue bavua badianza kufika muaba awu. Kuena upatukamu kabidi to. Pa buloba muaba udi bantu ne muoyi, kuakupeta muaba kabidi to.

Yezekiyele 31:14

Mbienzeke nenku bua mutshi mukuabu nansha umue udi upeta mayi a bungi kaulepi too ne mu mavuba, kauditambishi bua bule buawu. Bualu mitshi ne bantu bidi ne bua kufua, kujimina muinshi mua buloba, kupetangana ne bikadi bimane kufua.

Matayi 12:40

Bualu, bu muvua Yona mushale munda mua mushipa munene munya ne butuku matuku asatu, ke muashala Muana wa muntu munda mua buloba munya ne butuku matuku asatu.

Luke 11:10

Bualu muntu yonsu udi ulomba tshintu, udi utshipeta. Udi ukeba, udi umona. Udi ukokola ku tshiibi, badi bamunzuluila.

Luke 22:44

Bowa bukole buvua bukuata Yezu. Ke kutendelelaye bikole bipite. Tshisululu tshiende tshifua tshiandamuka mashi, amata panshi.]

Bienzedi 2:27

kuakundekela mu kandondu ka bafue, kuakuanyisha bua meme, mulunda webe, mbolele mu lukita.

Ebrewu 5:7

Patshivua Yezu pa buloba, uvua ulomba Mvidi Mukulu, umutendakena, wela mbila mikole, ne binsonji ku mesu, kudi uvua mua kumusungila ku lufu. Mvidi Mukulu kumuteleja bualu Yezu uvuaumutumikila.

1 Samuele 1:16

Nanku kummonyi bu mukaji udi kayi ne mushinga. Ndi ndomba Mvidi Mukulu musangu mule, bualu ndi ne kanyinganyinga kakole ne dibungama kabidi.

1 Samuele 30:6

Davide uvua ne kanyinganyinga kakole. Bualu bantu bavuaye nabu bavua basue kumuasa mabue bua kumushipa. Muntu yonsu uvua unyingalala, wela meji kudi bana bende ba balume ne ba bakaji. Kadi ku diambuluisha dia Maweja-Nangila Mvidi Mukulu wende, Davide kupeta bukole.