Yona 1:9 - MUKANDA WA MYIDI MUKULU

⁹ Yona kubandamuna ne: — Ndi muena Ebrewu, ndi nnemeka Maweja-Nangila, Mvidi Mukulu wa mu diulu, uvua mufuke mayi manene, ne buloba.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Yeye wakabakudimuna ne, Ndi Muena Ebelu; ndi ntshina Yehowa, Nzambi wa mu diulu, wakafuka mai manene ne buloba bûme.

Yona 1:9 교차 참조

Genese 1:10

Mvidi Mukulu kuinyika muaba mume ne: “Mbuloba,” mayi avua madisange ne: “Mmayi manene.” Mvidi Mukulu kumona ne bionsu bidi bimpe.

Genese 14:13

Muntu uvua munyeme mu mvita ayi, kuya kumanyisha Abrame, muena Ebrewu lumu alu. Abrame uvua muase pabuipi ne mitshi ya tshijila ya Mambre, muena Amore. Mambre ne bana babu Eshekole ne Anere bavua batue ndondu ne Abrame.

Genese 24:7

Bualu pavua Maweja-Nangila, Mvidi Mukulu wa diulu, mumpatule mu ditunga dietu ne mu diku dia baledi banyi, uvua mundaye bua kupesha ndelanganyi yanyi ditunga edi. Nanku, anu yeye neatume mutumibue wende kumpala kuebe, bua akuleje nsongakaji uudi mua kuselela muananyi Izake.

Genese 39:14

kubikilaye bena mudimu bende bonsu, wela mbila, ubambila ne: — Luayi, numone muena Ebrewu, udi bayanyi muteke mu nzubu emu bua kuenza mudimu, udi musue kumpotela. Mmufike mu nzubu emu, munkuate bua ngikale mukajende. Kadi ngamueledi mbila.

2 Bakalenga 17:25

Pavua bantu aba batuadija kuasa mu misoku ayi, kabavua batendelela Maweja-Nangila to. Nanku, Maweja-Nangila kubatumina nyama ya ntambue. Nyama ayi kushipa bantu ba bungi ba munkatshi muabu.

2 Bakalenga 17:28

Ke muvua mutuangaji, uvuabu bakuate, bumuke nende, mupingane mu ditunga dia Samariya, musombe ku Betele, ulongesha bantu mua kutendelela Maweja-Nangila.

Ezela 1:2

“Koreshe, mukalenga munene wa bena Persa, udi wamba ne: Maweja-Nangila Mvidi Mukulu wa mu diulu, mmumpeshe makalenga onsu a pa buloba. Mmungambile bua kuibakulula nzubu wa Mvidi Mukulu mu Yerushalayime, mu ditunga dia bena Yuda.

Ezela 5:11

Bavua batuandamuna ne: ‘Tudi bena mudimu ba Mvidi Mukulu wa diulu ne buloba. Tudi tuibakulula nzubu wa Mvidi Mukulu, uvua mukalenga munene wa bena Izrayele muibake mujikije, kukadi mpindiewu bidimu bia bungi.

Nehemya 1:4

Meme mumane kumvua bionsu abi, ke meme kusomba bua kudila muadi. Meme kushala ne kanyinganyinga matuku a bungi, tshiyi ndia tshintu to. Meme kutendelela Mvidi Mukulu wa mu diulu,

Nehemya 2:4

Mukalenga kunkonka kabidi ne: — Udi musue nkuenzele tshinyi? Diakamue meme kutendelela Maweja-Nangila wa mu diulu.

Nehemya 9:6

Wewe nkayebe ke udi Maweja-Nangila! Udi mufuke diulu dialabale, ne mitotu yonsu! Udi mufuki wa buloba ne bionsu bidipu, wa mayi manene ne bionsu bidi binyungamu. Udi upesha tshifukibua tshionsu muoyi. Makole onsu a mu diulu adi akukukuila.

Yobe 1:9

Ke mufundianganyi kuandamuna ne: — Padi Yobe mukulamate mbua patupu anyi?

Misambu 136:26

Tuelayi Mvidi Mukulu wa mu diulu tuasakidila, bualu dinanga diende ndia kashidi!

Ekesode 1:15

Mukalenga wa bena Ejipitu kuambila Shifra ne Puwa, baleleshi ba bena Ebrewu ne:

Ekesode 2:13

Butshia dinda, Moshe kumona kabidi bena Ebrewu baluangana. Kukonkaye uvua muenze bibi ne: — Udi utuuta mukuebe nanku bua tshinyi?

Danyele 2:44

“Mu matuku adi bakalenga aba mu bumfumu, Mvidi Mukulu wa mu diulu neajule bukalenga bukuabu budibu kabayi mua kubutula nansha musangu umue. Tshisamba tshikuabu katshiena mua kuangata bukalenga abu nansha. Bukalenga abu nebubutule makalenga onsu adi mabudianjidile. Nebuashidishe, kadi bobu nebujalame kashidi.

Osheya 3:5

Pashishe, bena Izrayele nebapingane kudi Maweja-Nangila. Nebapingane kudi Mvidi Mukulu wabu, ne kudi mukalenga wabu wa ku ndelanganyi ya Davide. Matuku atshidi kumpala, bena Izrayele nebakebe Maweja-Nangila, nebamunemeke, nebatekemene bintu amu kudiye.

Bienzedi 14:15

— Bana betu, tshinudi nuenza nunku ntshinyi? Tudi amu bantu bu nuenu. Tudi tunumanyisha Lumu lua Disanka, bua nulekele nwidie yonsu ya tshianana eyi, nupingane kudi Mvidi Mukulu wa muoyi, udi mufuke diulu, buloba, mayi manene, ne bionsu bidimu.

Bienzedi 27:23

Butuku ebu, mutumibue wa Mvidi Mukulu undi ngitaba, nkuatshila mudimu, mmummuenekele.

Filipe 3:5

Bualu bavua banteke panshi, pamvua mukumbaje lumingu lujima. Ndi muena Izrayele mufukila. Ndi wa mu tshisamba tshia bena Binyamine. Ndi muena Ebrewu menemene. Bua bidi bitangila dikumbaja dia mikenji, mvua Muparushe.

Didimanyisha 11:13

Diba adi, tshikumina tshikole kuenzeka. Tshia dikumi tshia tshimenga kupuka. Bantu binunu muanda mutekete kufua ku tshikumina atshi. Bavua bashale ne muoyi kutshina bikole. Kutumbishabu Mvidi Mukulu wa mu diulu.

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”

Didimanyisha 16:11

Bavua basendeka Mvidi Mukulu wa mu diulu bua makenga abu, ne bua mputa yabu. Kadi kabavua balekela malu abu mabi.