Yobe 9:26 - MUKANDA WA MYIDI MUKULU

²⁶ Adi apita lubilu bu buatu budi kabuyi ne bujitu, bu mudi nyunyi wa tshiminyi upueka panshi bua kukuata tshintu.

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Adi ahita bu mudi matu a ntuhu enda, bu nyunyu wa mukanku udi wauka ha tshintu tshia kubakuleye.

Yobe 9:26 교차 참조

2 Samuele 1:23

Matuku abu onsu Shawule ne Yonatane bavua banangangana bikole. Dia lufu luabu, kabena bashiyangana. Bavua banyema lubilu, bapite biminyi. Bukitu buabu buvua bupite bua ntambue.

Nsumuinu 23:5

Bualu biuma bidi bijimina kuyi muanji kubimona bimpe. Bidi bibuka mudi nyunyi wa tshiminyi ubuka mulu, uya kule.

Yeshaya 18:2

Ditunga edi, didi dituma mienampala, idi yenda pa musulu wa Nile, mu matu maluka ne ntupu. — Nuenu badi benda lukasa, nuenu badibu batuma, pinganayi kuenu kudi bantu bale ba kafyondu, ba mubidi wengelela. Kuenu kudi tshisamba, tshidibu bakakala miaba yonsu, kuetu kunu too ne ku nshikidilu kua buloba. Nuenu nudi tshisamba tshidi ne bukole bupite, tshidi tshibutula baluishi batshi. Nanku pinganayi kuenu ne mukenji wenu, mu ditunga dienu didi ne misulu ya bungi.

Yirmeya 4:13

Monayi mubishi udi ubanda, bu mavuba a mvula wa tshipupu. Matempu ende a mvita adi anyema lubilu bu mvunde. Nyama yende ya tubalu idi inyema mipite nyunyi wa tshiminyi ku lubilu. Tuajiminyi, tuabutuku!

Muadi 4:19

Batukengeshi betu badi ne lubilu lupite lua nyunyi wa tshiminyi udi ubuka mulu. Badi batuipata pa mikuna, batualamina miaba idi kayiyi bantu.

Abakuke 1:8

Nyama yabu ya tubalu mmipite ya nkashama ku lubilu. Idi ne lonji lupite lua nyama ya bimungu idi yenda ne nzala. Babandi babu ba pa tubalu, badi bafumina kule, benda batupika. Badi ne lubilu bu lua nyunyu ya mikanku, idi imona nyama wa kudia, yikila ne lukuka pambidi pende.

Dielulula 28:49

Maweja-Nangila neanutumine baluishi, bafume kule ku ndekelu wa buloba, banudi kanuyi bamanye muakulu wabu. Maweja-Nangila neele bantu abu munkatshi muenu, bu mudi nyunyi wa tshiminyi wikila pa biakudia biende.