Yobe 9:21 - MUKANDA WA MYIDI MUKULU

²¹ Bushuwa, tshiena muenze bualu bubi to. Kadi nansha meme mufue, bidi amu bimpe. Ya panu ikadi mintonde, bionsu bidi amu mushindu umue.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Meme muakane! Tshiena mua kudimanya nkayanyi; muoyo wanyi udi untondesha.

Yobe 9:21 교차 참조

Yobe 1:1

Ku kale, mu ditunga dia Usa, muvua muntu dina diende, Yobe. Muntu ewu uvua unemeka Mvidi Mukulu, umuitaba, uvua muntu muimpe, mubenge malu mabi.

Yobe 10:7

Kadi udi amu mumanye ne: tshiena muena tshibawu to. Kabidi ne kakuena muntu udi mua kunnyenga mu bianza biebe.

Yobe 12:4

Pandi ndomba kudi Mvidi Mukulu bua angandamune, tshidi tshingenzekela ntshinyi? Nkadi bu muntu udibu balembakaja kudi balunda bende, udibu bapetula, nansha meme tshiyi ne tshilumbu, tshiyi muenze bibi.

Yobe 13:18

Eyowa, ndi udilongolola bua kulumbulula. Kadi ndi mumanye ne: tshiena mua kupila to.

Yobe 33:9

“Meme tshiena ne bualu, tshiena mutombokele Mvidi Mukulu. Tshiena muenze tshilema. Ndi amu mundi emu.

Yobe 6:9

Mbimpe Mvidi Mukulu anzaze, alekele kundama, ambutule.

Yobe 7:21

Kuena mua kulengulula tshilema tshianyi, kungumvuila luse bua tshinyi? Nkadi mikolu ku tshiina, mulale mu lupuishi, neunkebe, tshiakuikalapu to.

Yobe 9:15

Nansha meme mubinge, tshiena mua kumuandamuna to. Ndi ndomba amu bua mukoshi wanyi wa nsambu amfuile luse!

Nsumuinu 28:26

Muntu udi uditekemena amu yeye nkayende, mmubule lungenyi. Kadi udi wenda ukeba meji neasombe ne ditalala.

1 Korente 4:4

Bulelela kondu kanyi ka munda kakena kampisha nansha kakese. Kadi ebi kabiena bijadika ne: ndi mubinge to. Mfumu ke mukoshi wanyi wa nsambu.

1 Yone 3:20

Nansha kondu ketu ka munda katupisha ne: tudi benze bibi, kadi tudi bamanye ne: Mvidi Mukulu mmupite kondu ketu ka munda, mmumanye kabidi bionsu.