Yobe 9:15 - MUKANDA WA MYIDI MUKULU

¹⁵ Nansha meme mubinge, tshiena mua kumuandamuna to. Ndi ndomba amu bua mukoshi wanyi wa nsambu amfuile luse!

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Bu meme muikale muakane, tshiakadi kumanya mua kumufuisha; nakadi kutendekena mulumbuluishi wanyi.

Yobe 9:15 교차 참조

2 Kulondolola 33:13

Uvua umulomba bua amufuile luse. Mvidi Mukulu kuitaba dilomba diende, kumupingaja mu Yerushalayime. Maweja-Nangila kumupingaja kabidi ne mu bukalenga buende. Biangatshile tshikondu atshi, Menashe kumanya ne: anu Maweja-Nangila ke udi Mvidi Mukulu mulelela.

Yobe 10:15

Nenku meme muenze bibi, ndi muena diakabi! Kadi meme muenze bimpe, kabena bangangata ne mushinga to. Ndi amu ne bua kufua bundu, kubuela mu dikenga.

Yobe 10:2

Nenkandike Mvidi Mukulu ne: kumfundidi tshibawu to. Kadi ummanyishe tshilumbu tshindi natshi!

Yobe 22:27

Paudi umutendelela, umuteleje, nanku neukumbaje malaya auvua mumulaye.

Yobe 23:7

Mvua mua kuyukidilangana nende bualu ndi muntu muakane. Yeye mukoshi wa nsambu uvua mua kumbingisha kashidi.

Yobe 40:5

Mvua muakule, kadi tshiakuakula kabidi nansha. Mvua mukoleshe malu. Kadi tshiakutungunuka kabidi nanku to.

Yobe 5:8

Bu meme ne dikenga bu diebe, mvua kuya kudi Mvidi Mukulu, kumuambila muanyi mundi muonsu.

Yobe 8:5

Kadi wewe paudi ukeba Mvidi Mukulu, utendelela wa bukole buonsu,

Yobe 9:16

Nansha meme mumubikile, yeye mungitabe, tshiena mua kushindika ne: uvua munteleje to.

Yobe 9:20

Nansha meme mubinge, neampishe, nansha meme mulumbulule bishi ne bishi, neamfundile tshibawu, tshiyi ne bualu.

Yobe 9:21

Bushuwa, tshiena muenze bualu bubi to. Kadi nansha meme mufue, bidi amu bimpe. Ya panu ikadi mintonde, bionsu bidi amu mushindu umue.

Yirmeya 31:9

Badi bapingana badila muadi, kadi meme ndi ngenda nabu, mbasamba. Nembafile ku misulu idi ne mayi mavule. Ndi mbafile mu njila muimpe, udi kayi ne biniina, bua kabayi kudishinda. Bualu meme ndi tatu wa bena Izrayele. Efrayime ke muananyi muanabute.

Danyele 9:18

Mvidi Mukulu wanyi, teleja, tangila ne ntema. Umone mudi tshimenga tshietu tshibutuke, tshimenga tshidi tshikujidila. Katuena tukusengelela bualu tudi bantu bimpe to, kadi bualu wewe udi ne dinanga dia kashidi.

Danyele 9:3

Meme kujila biakudia, kuvuala bilamba bikayapale, kudilaba butu. Meme kutangila kudi Maweja-Nangila Mvidi Mukulu, bua kumutendelela ne kumusengelela.

1 Korente 4:4

Bulelela kondu kanyi ka munda kakena kampisha nansha kakese. Kadi ebi kabiena bijadika ne: ndi mubinge to. Mfumu ke mukoshi wanyi wa nsambu.

1 Petro 2:23

Pa wabu bamupende, kavua mupingaje bipendu. Pavuaye ukenga, kavua ukanyina bantu. Kadi uvua utekemena amu kudi Mvidi Mukulu, udi ukosa nsambu pa yoyi.