Yobe 9:12 - MUKANDA WA MYIDI MUKULU

¹² Udi mua kunyenga Mvidi Mukulu tshidiye wangata nganyi? Muntu kena mua kumukimina, kumuebeja ne: “Tshiudi wenza ntshinyi?”

Mukanda wa Nzambi Dihungila Dikulukulu ne Dihungila Dihia-dihia 2003

¹² Tangila, bîanyengeye tshintu, udi mua kumukanda nganyi? Muntu kai udi mua kumukonka ne, Udi wenza tshinyi?

Yobe 9:12 교차 참조

2 Samuele 16:10

Mukalenga Davide kumukonka ne: — Wewe Abishayi ne muanenu Yowabe, nudi nubuelakana mu bualu ebu bua tshinyi? Pikala muntu ewu umpenda, misangu mikuabu Maweja-Nangila ke udi mumutume bua kumpendaye. Nanku muntu kena mua kumutandisha to.

Yobe 1:21

Wamba ne: Panu bavua bandele butaka, nengumuke kabidi panu amu butaka. Maweja-Nangila kumpesha bionsu, amu yeye kubiangata tshiakabidi. Ndi ntumbisha amu kutumbisha Maweja-Nangila.

Yobe 10:7

Kadi udi amu mumanye ne: tshiena muena tshibawu to. Kabidi ne kakuena muntu udi mua kunnyenga mu bianza biebe.

Yobe 11:10

Nanku, padi Mvidi Mukulu ufika kuebe, ukukuata bu muena tshibawu, uya nebe ku kabadi, udi mua kumutuila nkanana nnganyi?

Yobe 23:13

Mvidi Mukulu udi muena diyi dimue. Udi mua kuandamuna ngenzelu yende udiku anyi? Tshidiye musue, udi amu utshikumbaja.

Yobe 33:13

Tshilumbu tshiudi mumuase ntshilumbu kaayi? Bualu kena musue kuandamuna ku nkonku yebe anyi?

Yobe 34:29

Kadi padi Mvidi Mukulu kayi unyoka muntu, udi mua kumupisha nnganyi? Yeye musue kusokoma, udi mua kumumona nnganyi?

Muambi 8:4

Udi mua kukumbaja bidiye wamba, nansha biobi munyi. Muntu kena mua kumukonka kenzela ka bualu budiye wenza.

Yeshaya 43:13

Nengikale Mvidi Mukulu kashidi. Muntu kakungenzeja malu ku bukole. Muntu kakukudimuna bindi ngenza to.

Yeshaya 45:9

Muntu udi ukimina kuelangana mpata ne udi mumufuke, mmuena diakabi. Udi amu luesu lua patupu, lufuanangane ne mikuabu yonsu. Diima didi mua kukonka, udi udifumba ne: “Tshiudi wenza ntshinyi?” Luesu ludi mua kuambila mufumbi ne: “Kuena mumanye mudimu webe, anyi?”

Yirmeya 18:6

“Nuenu bena Izrayele, meme Maweja-Nangila tshiena ne bukole bua kuenza nenu mudi mufumbi wa ngesu ewu wenza anyi? Nudi mu tshianza tshianyi, bu buloba bua diima mu tshianza tshia mufumbi.

Danyele 4:32

Bantu bonsu ba pa buloba, nansha bobu bungi munyi, kabena ne mushinga ku mesu kuende. Udi wenza mudiye musue ne ba mu diulu, mudiye wenza ne ba pa buloba. Kakuena udi mua kumutuila nkanana, nansha kumutandisha.

Matayi 11:26

Eyowa, Tatu, ke muuvua musue ne: bienzeke nanku.

Matayi 20:15

Tshiena mua kuenza mundi musue ne nkanu yanyi anyi? Udi umvua lubabu, bualu ndi ne muoyi muimpe anyi?”

Rome 11:34

Ke mudi Mukanda wa tshijila wamba ne: “Udi mumanye meji a Maweja-Nangila nnganyi? Udi mua kuikala mufidi wende wa ngenyi, udiku anyi?

Efeze 1:11

Munda mua Kristu, tudi bafike muaba wa lupandu. Mvidi Mukulu mmudianze kutusungula muvuaye musue. Bualu Mvidi Mukulu udi ukumbaja bionsu, amu muvuaye mubijadike, mujinge kabidi ne: bikale nanku.