Yobe 8:21 - MUKANDA WA MYIDI MUKULU

²¹ Mvidi Mukulu neakuambuluishe bua uleje tshiakabidi mpala wa mimuemue, ne bua wele tunkunduluila.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Yeye neanji kûsha mukana muebe ne tuseku ne mishiku yebe ne mbila ya disanka.

Yobe 8:21 교차 참조

Genese 21:6

Sara kusanka wamba ne: — Mvidi Mukulu mmunsekeshe. Nanku bonsu bumvue batela Izake nebaseke pamue nanyi.

Nehemya 12:43

Bavua bafila nyama ya milambu ya bungi dituku adi. Bavua basanka, bualu Mvidi Mukulu uvua musankishe bantu bende bikole. Nansha bakaji ne bana ba mu Yerushalayime bavua basanka bikole, bela mbila ya disanka, ivuabu mua kumvua mutantshi mule.

Yobe 35:10

Kadi muntu nansha umue kena ukonka ne: “Mvidi Mukulu uvua mumfuke udi penyi? Yeye udi utuimbisha misambu nansha butuku.

Yobe 5:22

Nansha mu mvita, nansha mu tshikondu tshia nzala, neuseke amu kuseka. Kuena mua kuzakala, nansha wewe mumone nyama ya lonji.

Misambu 100:1

Musambu wa mulambu wa kuela Mvidi Mukulu tuasakidila. Nuenu bantu ba pa buloba bujima, elayi Maweja-Nangila tunkunduluila.

Misambu 126:1

Musambu wa bena ngendu. Pavua Maweja-Nangila mutupingajile disanka mu Siyone, tuvua bu bantu badi balota.

Misambu 126:2

Tuetu kuseka, kuela mbila ya disanka. Mu bisamba bikuabu, bantu bavua bamba ne: “Maweja-Nangila mmubenzele malu a bungi.”

Misambu 126:6

Muntu udi uya kukuna ntete, wenda udila, neapingane, wenda wela mbila ya disanka, muambule bisumbu biende bia ntete.

Misambu 32:11

Maweja-Nangila anusankishe nuenu, bantu bende. Nuenu badi bamuitaba, katshilayi, tuayi tshianga.

Misambu 98:4

Nuenu bantu ba pa buloba bujima, elelayi Maweja-Nangila tunkunduluila, nuele mbila ya disanka, numuimbile misambu.

Luke 6:21

“Nuenu badi ne nzala mpindiewu, nudi bena diakalenga, bualu Mvidi Mukulu neanudishe, nuukute! “Nuenu badi badila mpindiewu, nudi bena diakalenga, bualu nenuseke!