Yobe 8:20 - MUKANDA WA MYIDI MUKULU

²⁰ Mvidi Mukulu kena mua kubenga muntu udi kayi ne bualu to. Kadi kena mua kuambuluisha muntu mubi nansha.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Bulelela, Nzambi kena uhidia muntu udi muakane tshishiki, kena ujadika benji ba malu mabi.

Yobe 8:20 교차 참조

Genese 18:25

Wewe kuena mua kuenza nanku, kuena mua kushipa muntu muakane pamue ne muena tshibawu. Abu bualu buyile kule. Bonsu babidi nebamueneke anu bu bena tshibawu. Wewe mukoshi wa nsambu munene wa buloba bujima, kuena mua kukosa nsambu bibi to.

Yobe 21:30

Padi dikenga difika, kadiena dikuata muena malu mabi. Tshiji tshia Mvidi Mukulu katshiena tshimulenga to.

Yobe 4:7

Ela meji bimpe, ukadi mumone bantu bakane babutuka anyi? Bena muoyi muimpe, badi mua kujimina anyi?

Yobe 9:22

Ke pandi ngamba ne: kabiena ne tshilumbu to. Mvidi Mukulu udi ubutula nansha muntu udi kayi ne bualu, nansha muntu mubi.

Misambu 34:17

Maweja-Nangila udi ukina benji ba bibi, ukupula mena abu pa buloba.

Misambu 37:24

Muntu awu, nansha yeye udishinda, kena ushala panshi, Maweja-Nangila udi umukuata ku tshianza, umujula.

Misambu 37:37

Jooja muntu udi wenza malu makane, tangila muntu wa nsongu. Neumone ne: muntu wa nenku udi ne diakalenga mu bana bende.

Misambu 94:14

Maweja-Nangila kena ubenga bantu bende, kena ulekela bumpianyi buende.

Nsumuinu 10:9

Kusomba biakane nkusomba talalaa. Muntu mubi neatunduke.

Yeshaya 45:1

Maweja-Nangila udi wambila Koreshe, muntu udiye mujidile ne: “Ndi mutue ku tshiebe, bua utekeshe matunga onsu, unyenge bakalenga mamfumu abu, bakunzuluile biibi, ubuele mu bimenga bionsu.