Yobe 7:18 - MUKANDA WA MYIDI MUKULU

¹⁸ Udi umukenketa dinda dionsu, udi umuteta amu kumuteta kuyi wikisha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ bua wewe udi ulua kumutangila ku dinda ku dinda, ne udi umuteta meba onso?

Yobe 7:18 교차 참조

Genese 22:1

Izake mumane kukola, Mvidi Mukulu kuteta Abrahame. Kumubikilaye ne: — Abrahame. Yeye kuitaba ne: — Ke meme ewu.

Yobe 14:3

Mvidi Mukulu wanyi, muntu wa nanku ke uudi musue kukenketa! Ke uudi ufunda ku tshilumbu!

Yobe 23:10

Kadi Mvidi Mukulu udi mumanye bimpe njila undi ndonda, kuntetaye. Meme kupatuka mu kapia anu bu tshiamu tshia mpawungi tshitoke zezeze.

Misambu 73:14

Matuku onsu ndi mmona amu makenga, dinda dionsu ndi mpeta amu dikasa dibi.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Ekesode 32:34

Wewe ndaku, ufikishe bantu muaba umvua mukuambile, mutumibue wanyi neakulombole. Kadi diba dingafika, ndi ne bua kubanyoka bikole bua tshilema tshidibu benza etshi.

Yeshaya 26:14

Bamfumu betu ba kale bakadi bamane kufua, kabena bapeta muoyi kabidi to. Badi amu bu mundidimbi, kabena bajuuka kabidi to. Bushuwa, wewe ke uvua ubanyoka, ubabutula. Muntu nansha umue kena mua kubavuluka kabidi to.

Yirmeya 9:7

Ndimi ya bantu aba, idi anu bu mikete ya kushipangana nayi. Badi bamba anu malu a dishima. Badi bambila bantu nabu meyi mimpe. Kadi munda muabu badi bela meji mudibu mua kubakuata mu buteyi.

Danyele 12:10

Nebumbushe bantu ba bungi mikiya. Nebabatokeshe. Makenga neabalengeje. Bantu babi, badi kabayi mua kujingulula malu, nebatungunuke ne dienza dia malu abu mabi. Kadi bantu ba lungenyi nebajingulule malu adi enzeka.

Sefanya 3:5

Kadi Maweja-Nangila udi amu mu tshimenga etshi, bua kukosa nsambu pa yoyi, kumushamu malu mabi. Dinda dionsu udi ulumbuluisha bantu. Kadi nansha nanku, bantu babi badi amu benza malu mabi, kabayi ne bundu!

Zekâya 13:9

Nengumushe mikiya ya badi bashala ne muoyi. Nembatete, mudibu bateta tshiamu tshia mpawungi, ne tshiamu tshitoke tshia mushinga mukole, mu kapia. Nanku nebantendelele; nenkumbaje bidibu balomba. Nembabikile ne: ‘Bantu banyi,’ bobu nebangambe ne: ‘Maweja-Nangila ke Mvidi Mukulu wetu.’ ”

Dielulula 8:16

Amu mu tshipela amu, Maweja-Nangila kunupa mana, biakudia bivua bankambua benu kabayi banji kumanya. Uvua munukengeshe, kadi amu bua kunuteta, kabidi bua kunulongoluela diakalenga matuku adi kumpala.

1 Petro 1:7

Makenga aa adi mua kujadika bukole bua ditaba dienu. Tshiamu tshia mpawungi tshidi tshintu tshia panu tshidi tshijimina. Kadi badi batshiteta mu kapia. Ke mudibu bateta mu makenga ditaba dienu, didi dipita tshiamu tshia mpawungi ku mushinga, bua kujadika bukole buadi. Nanku dituku diafika Yezu Kristu, nebanuele kalumbandi, nebanutumbishe, nebanupe lumu.