Yobe 6:26 - MUKANDA WA MYIDI MUKULU

²⁶ Nudi nungasa tshilumbu bua miaku imvua muambe, kanuena numona ne nya muntu udi kayi mua kutekemena kabidi tshintu anyi?

Mukanda wa Nzambi Dihungila Dikulukulu ne Dihungila Dihia-dihia 2003

²⁶ Nudi nuelangana meji bua kungela bua mei anakuamba, anyi? Kadi mei a muntu udi ne bualu budi kumuhita bukole adi bu luhehele.

Yobe 6:26 교차 참조

Yobe 10:1

Bia panu bidi bindukisha, tshiena ndekela kutua mikemu, tshiena mua kupuwa to, bualu ndi nyingalala bikole.

Yobe 15:2

Mudi muena meji bu wewe wakula amu kuakula, wamba bualu kabuyi bumvuika mbishi? Mudiye mua kuandamuna bibi nanku mmunyi?

Yobe 16:3

“Newambe miaku ya bupale too ne ku diba kaayi? Ndikenga kayi diudi nadi bua wewe kuandamuna amu kuandamuna?”

Yobe 2:10

Yobe kuandamuna mukajende ne: — Udi wakula bu mukaji udi kayi ne lungenyi to. Patudi tupeta masanka mavule kudi Mvidi Mukulu, tudi tumuanyisha, mutudi mua kumubenga bua makenga adiye ututumina mbishi? Yobe kavua mujane Mvidi Mukulu nansha mu makenga makuabu aa avua mamukuate!

Yobe 38:2

Wewe udi nganyi? Muudi wela mpata pa malu andi ndongesha mbishi? Muudi wakula pa malu audi kuyi mujingulule mmunyi?

Yobe 40:5

Mvua muakule, kadi tshiakuakula kabidi nansha. Mvua mukoleshe malu. Kadi tshiakutungunuka kabidi nanku to.

Yobe 40:8

Udi ubenga mundi nkosa nsambu anyi? Udi musue kumpisha bua wewe kubinga anyi?

Yobe 42:3

Wewe kungebeja ne: muudi wela mpata pa malu andi mulongolole, muudi wakula pa malu audi kuyi mujingulule mbishi? Eyowa, ndi ntonda ne: mvua muakule pa malu adi mampite, pa malu a dikema amvua tshiyi mua kumvua.

Yobe 42:7

Maweja-Nangila mumane kuyukila ne Yobe, kuambilaye Elifaze wa mu tshimenga tshia Temane ne: — Wewe ne balunda bebe babidi, ndi munufikile munda. Bualu kanuena balongesha mu bulelela malu adi antangila, bu muvua muntu wanyi Yobe muenze.

Yobe 6:25

Panudi nubela muntu pa bualu, neateleje bimpe, kadi biakulakula bienu bidi mua kuenzela muntu tshinyi?

Yobe 6:4

Eyowa, Mvidi Mukulu wa bukole buonsu, mmungase miketa. Lulengu luayi ndumbuele mu lungenyi. Bionsu bidi Mvidi Mukulu mulongolole bua kukuatshisha nabi bantu bowa, bidi binyunguluke biela mualu wa mvita.

Yobe 6:9

Mbimpe Mvidi Mukulu anzaze, alekele kundama, ambutule.

Yobe 8:2

Neutuambile malu a nanku too ne ku diba kaayi? Biudi wamba bidi bia tshianana. Udi utantamana amu patupu.

Osheya 12:1

Maweja-Nangila udi wamba ne: Bena Efrayime badi bandinga, banshima nseke yonsu. Bena Yuda kabidi batshidi amu bantombokela, meme Mvidi Mukulu wabu wa tshijila.

Matayi 12:37

Bualu nebakupishe, nansha nebakubingishe, amu bilondeshile miaku yebe.

Efeze 4:14

Diba adi katuakuikala kabidi bana, badibu batekakaja kudi malongesha mashilangane, mushindu udi mavuala ne mpepele bitekakaja majuwa. Muntu utshidi muana mu ditaba, bena dishima badi bamupambula, banubueja mu ntupakanyi, ne malongesha abu a kudinga nawu bantu.