Yobe 5:4 - MUKANDA WA MYIDI MUKULU

⁴ “Bana bende, kabapetshi udi mua kubambuluisha. Babafundile tshibawu ku kabadi! Kakuena muntu udi mua kubasungidila.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Bana bandi badi kule ne luhandu, badi babutudibua mu tshilumbuluidi tshia ku tshibi, kabayi ne muntu wa kubahandisha.

Yobe 5:4 교차 참조

Yobe 1:19

Lupepele lukole lua mvunde lufumina mu tshipela, ndushimbule bimana binayi bia nzubu, nzubu mmubupukila, bana bebe kufua. Mu nzubu amu meme ke udi mupande bua kuvua kukuambila.”

Yobe 10:7

Kadi udi amu mumanye ne: tshiena muena tshibawu to. Kabidi ne kakuena muntu udi mua kunnyenga mu bianza biebe.

Yobe 20:10

Uvua mushidishe biuma biende bivuaye mupete mu buivi. Bana bende ba balume, badi ne bua kulomba tshia pa luse kudi bapele!

Yobe 27:14

Padi bana badibu balele bakola, badi babashipa mu mvita. Kabakuikala ne biakudia bikumbane.

Yobe 8:4

Bana bebe bavua bamuenzele bibi. Ke pavuaye mubanyoke, bilondeshile malu avuabu bamuenzele.

Misambu 119:155

Lupandu ludi kule bua bantu badi kabayi bitaba Mvidi Mukulu, kabayi balama mikenji yende, bualu kabena bitaba biudi musue.

Misambu 127:5

Muntu udi ne mikete eyi mu tshibubu tente, udi ne disanka! Yeye ulumbulula ne baluishi bende ku tshibuelelu tshia musoku, kabena mua kumufuisha bundu.

Misambu 7:2

Maweja-Nangila Mvidi Mukulu wanyi, ndi nyemena kuudi. Umpandishe, unsungile kudi bonsu badi bankengesha.

Ekesode 20:5

Kukukuidi mpingu ya nanku. Kuyitendeledi, bualu meme ndi Maweja-Nangila Mvidi Mukulu webe. Ndi musue kuikala Mvidi Mukulu webe, meme nkayanyi. Nennyoke bantu bonsu badi bankina too ne ku ndelanganyi yabu ya musangu muisatu nansha muinayi.

Nsumuinu 24:7

Muntu mupote kena mua kumvua tshidi bena meji bamba. Nanku kena ne bua kuakula padi bena meji balongolola malu a ditunga.

Amosa 5:12

“Meme Maweja-Nangila, ndi mumanye malu mabi onsu anuvua benze. Ndi muvuluke buenzayi buenu bua dikema. Nudi nuluisha udi kayi ne bualu, nuanyisha mabuejila. Ku kabadi, nudi nubenga bua bandumbulula bakose nsambu ya bapele pa yoyi.”

Yoshua 20:4

Padi muntu uvua mushipangane awu mumane kufika mu tshimenga tshia kunyemena, udi wimanyina ku tshibuelelu, muaba udibu balumbuluishila bantu bonsu. Udi umvuija bakulu badi muaba awu, mushindu uvua njiwu mienzeke. Pashishe bakulu badi bamuanyisha bua abuele mu tshimenga, bamuleja muaba udiye mua kusomba.