Yobe 5:12 - MUKANDA WA MYIDI MUKULU

¹² Udi upumbisha bena budimu meji adibu bela. Midimu idibu bakuata kayena ilubuluka.

Mukanda wa Nzambi Dihungila Dikulukulu ne Dihungila Dihia-dihia 2003

¹² udi uhumbisha malu adi bena budimu bahangidisha, nunku bianza biabo kabiena bimanye mua kubalubuluila bualu buakuhangabo;

Yobe 5:12 교차 참조

Genese 31:22

Matuku asatu mamane kupita, muntu kampande kumanyisha Labane ne: “Yakobe mmunyeme.”

2 Samuele 11:9

Kadi, Uriya kena muye ku nzubu kuende nansha. Kuyaye kulala pabuipi ne ku tshibuelelu tshia ku nzubu wa mukalenga, muaba uvua bena mvita bavua balame mukalenga Davide balala.

2 Samuele 17:14

Absalome ne bena Izrayele kuamba ne: — Lungenyi lua Ushayi nduimpe lupite lua Akitofele! Maweja-Nangila ke uvua muenze bua babenge lungenyi lua Akitofele luvua luimpe. Bualu Maweja-Nangila uvua musue kukengesha Absalome.

2 Bakalenga 6:9

Kadi muambi Elisha kutuma bantu kudi mukalenga wa bena Izrayele bua kumuambila ne: — Nudimuke! Kanuena mua kupitshila muaba kampande awu to, bualu bena mvita ba bena Siriya badiku.

Nehemya 4:15

Nanku, tuvua tuenza mudimu dinda too ne dilolu. Bantu bakuabu ba munkatshi muetu bavua anu bakuata mafuma ku bianza.

Nehemya 4:9

Baluishi betu kumvua mutuvua bamane kumanya tshifufu tshiyuabu batuelele. Nanku Mvidi Mukulu ke uvua mubapangishe bua batuenzele bionsu bivuabu bela meji. Tuetu bonsu kupingana ku mudimu wa dibakulula tshimana.

Yobe 15:5

Bubi buebe budi bumueneka ku biudi wamba, nansha wewe ukeba kudileja bu muena meji.

Misambu 21:11

Neushidishe ndelanganyi yabu pa buloba, ubutule lulelu luabu lujima.

Misambu 37:17

Bualu bumfumu bua muena bubi nebunyanguke, kadi bantu bende Maweja-Nangila udi ubashindika.

Nsumuinu 21:30

Meji, lungenyi nansha dimanya bidi tshianana, paudi uluisha Maweja-Nangila.

Nsumuinu 22:12

Maweja-Nangila udi musue bua bantu bamanye malu malelela. Ke mudiye ujandula miaku ya bantu bena dishima.

Yeshaya 19:3

Bena Ejipitu nebapange tshia kuenza. Nennyangakaje bidibu balongolole. Nenku nebakonke mvidie yabu ya dishima, nebaye kudi babukishi ba mbuku, ne kudi bena lubuku lua muzangu.”

Yeshaya 37:36

Nanku, mutumibue wa Maweja-Nangila kuya mu mitanda ya bena Ashure. Kushipaye bantu binunu lukama ne makumi muanda mukulu ne bitanu. Butshia dinda, bantu bavua bashala ne muoyi babika, kumonabu bitalu bionsu abi.

Yeshaya 44:25

Kadi mpindiewu malu onsu, adi bena mbuku bamba, ndi ngakudimuna a patupu. Bonsu badi bamanyisha malu atshidi kumpala, ndi mbapangisha malu abu. Ndi mbenga meji a bena meji, ndi ndeja mudi meji abu a bantu batshimbakane.

Yeshaya 8:10

Elayi meji a kuenza bualu kampanda, kadi kanuakubukumbaja munudi basue. Umvuanganayi, kadi kanuena ne tshinuenza. Bualu Emanuwele udiku, mmumue ne: Mvidi Mukulu udi netu.

Yirmeya 49:7

Maweja-Nangila wa bukole buonsu udi umanyisha malu adi atangila bena Edome, wamba ne: Bena meji kabena kabidi mu Temane anyi? Bena lungenyi lutue kabena mua kufila kabidi ngenyi anyi? Lungenyi luabu ndunyanguke anyi?

Yirmeya 8:8

Nudi nudiamba ne: “Tudi bena meji, bualu tuetu ke badi ne mikenji ya Maweja-Nangila.” Kadi nudi nudisua nanku bua tshinyi? Kanuena bamanye ne: bantu badi batentula mikenji mbena dishima, badi bandamuna miaku idi momu anyi?

Obadya 1:8

Nanku meme Maweja-Nangila ndi ngamba ne: Dituku dingafika munda, nembutule bena meji badi mu Edome. Tshiena nshiya muena lungenyi nansha umue, pa mikuna ya Esawu.

Bienzedi 12:11

Petro kushisha kumanya bivua bimuenzekela, wamba ne: — Mpindiewu ndi mmona bidi bienzeka ebi ne: mbia bushuwa. Maweja-Nangila mmufume mutumibue wende. mMumpatule mu bianza bia Erode, ne mu bualu buonsu bubi buvua bena Yuda bakeba kungenzela.

1 Samuele 23:13

Ke Davide ne bantu bavuaye nabu bu nkama isambombu, kumuka mu tshimenga tshia Keyila, kuya benda balalakana mu njila. Shawule kumvua lumu ne: Davide katshiena mu tshimenga tshia Keyila to, mmumane kunyema. Nanku kulekelaye mvita.