Yobe 42:8 - MUKANDA WA MYIDI MUKULU

⁸ Nanku mpindiewu nuangate nyama ya ngombe milume muanda mutekete, ne mbuji ya bimpanga muanda mutekete. Nuye nabi kudi muntu wanyi Yobe. Nulambule nyama eyi bu milambu ya kuosha bua kudikobolola. Muntu wanyi Yobe neantendelele bualu buenu. Nengitabe dilomba diende. Tshiakununyoka bua bibi binuvua benze. Bualu kanuvua balongeshe malu anyi mu bulelela bu muvua muntu wanyi Yobe muenze.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Nunku nudiangatshile balume ba ngombe muanda mutekete ne bimpanga muanda mutekete, nuye nʼabi kudi muntu wanyi Yobo. Nubifile bu milambu ya kuosha bua bualu buenu; ne muntu wanyi Yobo nennulombele Nzambi. Bualu bua ne-ngunvue disengelela diandi bua bualu buenu, bua tshinuenzedi bibi bua buhote buenu. Bua kanuakuamba mei malelela bua bualu buanyi, bu muakuamba muntu wanyi Yobo.

Yobe 42:8 교차 참조

Genese 20:17

Kadi Abrahame kulomba kudi Mvidi Mukulu bua apandishe Abimeleke, apandishe kabidi mukajende ne bakaji bende bapika, bua bamone mua kulela bana tshiakabidi.

Genese 20:7

Pingaja mukaji ewu kudi bayende. Umanye ne: bayende mmuambi. Neakuakuile bua kufu to. Kadi wewe mubenge kupingaja mukaji, neufue, kabidi bantu bonsu baudi nabu nebafue.

1 Kulondolola 15:26

Mvidi Mukulu uvua mulame bimpe bena Levi bavua bambula mushete. Nenku kulambulabu Mvidi Mukulu mulambu, wa ngombe milume muanda mutekete ne bimpanga muanda mutekete.

2 Kulondolola 29:21

Kuangatabu ngombe milume muanda mutekete, mikoku ya bimpanga muanda mutekete, bana ba mikoku muanda mutekete, ne mbuji ya mpumbu muanda mutekete ya kulambula bu mulambu wa kukobolola nawu bantu. Milambu ayi bavua bayilambula: bua kulombela bena diku dia bukalenga ne bena Yuda bonsu luse, ne bua kujidila nzubu wa Mvidi Mukulu. Mukalenga Izkiya kuambila batuangaji ba ndelanganyi ya Arone, bua balambule milambu ayi pa tshilambuilu tshia Maweja-Nangila.

Yobe 1:5

Pavua masanka ajika, Yobe uvua ubikidisha bana bende, ujuka patshiatshia, ulambula Mvidi Mukulu mulambu wa kosha bua kukobolola yonsu wa kudibu. Yobe uvua wela meji ne: “Bumue bana banyi mbenzele Mvidi Mukulu bibi, nansha bapenda Mvidi Mukulu mu meji abu kabayi bamanye.” Ke muvua Yobe wenza misangu yonsu nanku.

Yobe 1:8

Maweja-Nangila kumuebeja ne: — Uvua mumone muntu wanyi Yobe. Pa buloba kapena muntu nansha umue udi mufuanangane nende to. Yeye ke muntu udi unnemeka, ungitaba. Udi muntu muimpe, mubenge malu mabi.

Yobe 22:30

Udi usungidila bantu badi kabayi ne bualu. Udi upandisha badi kabayi ne katoba ku bianza,

Yobe 35:8

Bimpe nansha bibi biudi wenza, bidi biambuluisha nansha bikengesha anu bantu nebe.

Yobe 42:9

Nanku, Elifaze wa mu buloba bua Temane, Bildade wa mu buloba bua Shuka ne Sofare wa mu buloba bua Naama kuenzabu bivua Mvidi Mukulu mubambile. Pashishe Maweja-Nangila kuitaba ditendelela dia Yobe.

Misambu 103:10

Kena utupesha dinyoka didi diakanangane ne mibi yetu to, kena utupesha difutu didi dikumbanangane ne malu mabi etu nansha.

Ekesode 18:12

Pashishe Yetro, tatuende muenu wa Moshe, kuoshila Maweja-Nangila nyama ya milambu. Kumulambulaye kabidi milambu ya ditua ndondu. Arone ne bakulu bonsu ba bena Izrayele, pamue ne Yetro, kudia biakudia bia tshijila abi.

Yeshaya 60:14

Bantu bavua bakukengesha, nebasemene kuudi, nebiname panshi. Bantu bonsu bavua bakulembakaje, nebadiele ku makasa ebe. Nebakuinyike ne: “Ke tshimenga tshia Maweja-Nangila”, “Ke Siyone musoku wa wa tshijila wa bena Izrayele.”

Yirmeya 14:11

Maweja-Nangila kungambila ne: — Kuena mua kuakuila bantu aba nansha kakese.

Yirmeya 15:1

Kadi Maweja-Nangila kungambila ne: — Nansha Moshe ne Samuwele bandombe bua kufuila bantu aba luse, tshiena mua kuanyisha to. Yirmeya, ubipate, ubumushe kundi, baye!

Yezekiyele 14:14

Nansha bantu basatu aba, Nowa, Danele ne Yobe bikale munkatshi mua bantomboji aba, kadi amu basatu abu nkayabu nebasungidile mioyi yabu, bualu badi bangitaba. Meme Maweja-Nangila ndi ngamba nanku.

Yezekiyele 45:23

Kabidi, dituku dionsu dia mu matuku muanda mutekete a tshibilu, neandambule ngombe milume muanda mutekete, ne mikoku ya bimpanga muanda mutekete idi kayiyi ne bulema, bua mulambu wa kuosha. Dituku dionsu nealambule kabidi mbuji ya mpumbu bua kukobolola bena Izrayele.

Dibadika 23:1

Balaame kuambila Balake ne: “Ungashile muaba ewu bilambuilu muanda mutekete, untuadile kabidi ngombe milume muanda mutekete, ne mikoku ya bimpanga muanda mutekete.”

Dibadika 23:14

Balake kuya ne Balaame ku lusongu lua mukuna wa Pisga muaba wa kutentekela. Kuenzaye kabidi bilambuilu muanda mutekete muaba awu. Kulambulaye ngombe mulume umue, ne mukoku wa tshimpanga umue, pa tshilambuilu tshionsu.

Dibadika 23:29

Balaame kuambila Balake ne: “Asa bilambuilu muanda mutekete muaba ewu, untuadile ngombe milume muanda mutekete, ne mikoku ya bimpanga muanda mutekete.”

Matayi 3:17

Ke diyi kumvuika mu diulu, diamba ne: — Ewu ke Muananyi undi munange. Yeye ke udi unsankisha bikole.

Efeze 1:6

Nanku tutumbishayi Mvidi Mukulu bua ditunanga diende dia dikema, divuaye mutulejile bimpe bitambe mu Muanende munanga.

2 Timote 4:14

Aleksandre, nsenda wa biamu, mmungenzele bibi be. Mfumu neamufute bilondeshile tshivuaye muenze.

Ebrewu 10:4

Bualu mashi a ngombe milume ne a mbuji ya mpumbu kaena mua kujimija mibi.

Ebrewu 7:25

Ke padiye mua kusungidila, mpindiewu ne matuku onsu, bonsu badi bapitshila kudiye bua kusemena pabuipi ne Mvidi Mukulu. Bualu yeye udi ne muoyi kashidi bua kubakuila kudi Mvidi Mukulu.

Yakobe 5:14

Padi umue wa kunudi usama, abikile bakulu ba Tshisumbu tshia bena ditaba. Bamulombele kudi Mfumu, bamufite manyi mu dina dia Mfumu.

Yakobe 5:16

Tondelanganayi mibi yenu. Nulombelangane kudi Mfumu, nanku nenupande. Ditendelela dia muntu udi wenza mudi Mvidi Mukulu musue, didi ne bukole bua bungi.

1 Yone 5:16

Padi muntu umona muanabu wenza bualu bubi, budi kabuyi mua kumufikisha ku lufu, mbimpe atendelele Mvidi Mukulu. Nanku Mvidi Mukulu neapeshe muanabu awu muoyi. Ebi bidi amu bua bantu badi benza malu mabi, adi kaayi abafikisha ku lufu. Kadi kudi bubi budi bufikisha ku lufu. Tshiena ngamba bua nutendelele bua bualu bubi bua nanku to.

1 Yone 5:6

Yezu Kristu mmufike kutudi; mmufike ne mayi muvuabu bamutue, kabidi ne mashi a ku lufu luende. Kena mufike amu ne mayi nkayawu, kadi ne mayi, kabidi ne mashi. Ke bualu budi Mueyelu wa Tshijila ujadika. Bualu Mueyelu udi bulelela.

Didimanyisha 3:9

Umvuayi tshingenzela tshisumbu tshia bena diabolu, bena dishima aba, badi badiamba mudibu bena Yuda, kadi kabayi nanku. Nembenzeje ku bukole, bua badiele panshi ku makasa ebe bua kukunemeka. Nebajadike mundi mukunange.

1 Samuele 25:35

Davide kuangata bintu bivua Abiyayile mumutuadile. Pashishe, kuambilaye Abiyayile ne: — Upingane kuebe ne disanka, bualu ngumvu dilomba diebe. Ndi muditabe ne disanka.