Yobe 42:11 - MUKANDA WA MYIDI MUKULU

¹¹ Nanku, Yobe kuakidila bana babu bonsu ba balume ne ba bakaji, ne bonsu bavua bamumanye kale, kufikabu bua kumusamba. Bavua badila ne Yobe kaba kamue, bamukolesha ku muoyi bua makenga onsu avua Maweja-Nangila mumutumine. Pashishe muntu yonsu uvua umushila lukanu lutoke lua mushinga mukole, ne kakanu ka tshiamu tshia mpawungi.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Hashishe, bana babo ba balume bonso ne bana babo ba bakashi bonso ne bonso bakadi balunda bandi diambedi bakalua kumumona, bakadia nʼandi bia kudia mu nsubu muandi. Bakamulesha luse luabo, bakamusamba bua makenga onso akadi Yehowa mumutumine. Muntu yonso wakamuha tshituha tshimue tshia tshiamu tshia or ne kakanu ka or ka ku munu.

Yobe 42:11 교차 참조

Genese 24:22

Nsongakaji mumane kunuisha tumelu tuonsu mayi, muena mudimu kumupa kakanu ka mpawungi kikale ne bujitu bu bua gramme isambombu. Kumupa kabidi bikanu bibidi bia ku maboku, tshikanu tshionsu tshivua ne bujitu bupite pa gramme lukama.

Genese 24:53

Pashishe kukangulaye bibuta biende, kupatulaye bilengejelu bia tshiamu tshitoke tshia mushinga mukole, bia mpawungi, kabidi ne bilamba. Kubipeshaye Rebeka. Kufilaye bintu bia mushinga mukole kudi Labane, ne kudi mamuende wa Rebeka.

Genese 37:35

Bana bende ba balume ne bakaji kufika bua kumusamba. Yakobe kubenga, wamba ne: “Ndi ndila amu Yozefe too ne mungafua.” Ke muvua Yakobe mutungunuke ne madilu a muanende Yozefe nanku.

Yobe 16:5

Mvua mua kunukolesha ku muoyi, kadi anu ne miaku. Mvua mua kunusamba, kadi anu mukana patupu.

Yobe 2:11

Balunda basatu ba Yobe kumvuabu lumu lua makenga onsu avua makuate Yobe. Kumukabu mu matunga abu, mena abu adi nenku: Elifaze, muena mu tshimenga tshia Temane, Bildade wa mu buloba bua Shuka, Sofare wa mu buloba bua Naama. Bavua bumvuangane bua kuya kukolesha Yobe ku muoyi, ne kumusamba.

Yobe 4:4

Wewe uvua wimanyika kulu bavua bakeba kudishinda. Uvua ujula bavua bapungile ne bujitu.

Nsumuinu 14:20

Muntu mupele badi bamubenga ne kudi muena mutumba nende. Kadi muena biuma udi ne balunda ba bungi.

Nsumuinu 16:7

Padi Maweja-Nangila muanyishe nsombelu wa muntu, udi ubueja diumvuangana pankatshi pende ne baluishi bende.

Yowanane 11:19

Bena Yuda ba bungi bavua balue kusamba Marte ne Mariya bua lufu lua muanabu.

Rome 12:15

Sankayi ne badi basanka, nudile ne badi badila.

1 Korente 12:26

Padi tshidimba tshia mubidi tshimue tshisama, bidimba bionsu bidi bisama pamue natshi. Padibu batumbisha tshidimba tshimue, bidimba bikuabu bionsu bidi bisanka pamue natshi.

Ebrewu 12:12

Nenku bandishayi bianza bienu bidi bipungile, koleshayi mikolu yenu idi mitekete!

Ebrewu 13:3

Nuenzele badi mu nzubu wa lukanu bu munutota mua kujinga bua banuenzele mu lukanu. Nuvuluke badibu bakengesha bualu nudi penu ne mubidi.

Yoshua 24:32

Nanku mifuba ya Yozefe ivua bena Izrayele bumuke nayi mu Ejipitu, kuyijikabu mu Shekeme, mu buloba buvua Yakobe musumbe ku nkanu ya tshiamu tshitoke tshia mushinga mukole lukama. Uvua mubusumbe kudi ndelanganyi ya Amore uvua muase tshimenga tshia Shekeme. Buloba abu kushala mu dina dia ndelanganyi ya Yozefe.

1 Samuele 10:27

Kadi kuvua kabidi bantu bena buenzayi, bavua bamba ne: “Muntu ewu udi mua kutusungidila mushindu kaayi?” Nanku bantu abu bavua bapepeja Shawule. Kabawa balambula milambu. Kadi Shawule kulengulula bionsu abi.