Yobe 41:10 - MUKANDA WA MYIDI MUKULU

¹⁰ Diba didiye wela nyashi, udi wela nkenke, mesu ende adi akunza bu kabundubundu ka diba.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Kakuena muntu udi ne tshimbambila bua yeye amusonsole; nunku nganyi udi mua kuimana ku mpala kuanyi?

Yobe 41:10 교차 참조

Genese 49:9

Yuda, muananyi, udi bu muana wa ntambue. Udi ushipa nyama, upingana muaba uvuaye mulale. Ntambue udi utua tshiadi panshi, ulala. Kakuena udi mua kumujula ku bukole.

Yobe 3:8

Bena majimbu bonsu, badi bamanya mua kutshipa matuku, ne badi ne bukole bua kutabuluja nyoka wa tshidika, batshipe butuku abu.

Yobe 3:9

Kabumonyi mutotu wa nkesha! Padibu mua kutshia, kabuyi butshia. Kabidi kabumonyi nsese ya diba mudidi dibanda.

Yobe 40:9

Udi ne bukole bundi meme nabu anyi? Diyi diebe ndikole bu dianyi anyi?

Yobe 41:9

Dibamba dionsu ndilamakane ne dikuabu. Kabena mua kutulakaja nansha dimue.

Yobe 9:4

Mvidi Mukulu udi mutupite ku bukole ne ku lungenyi. Udi mua kumutonuena mesu kabayi bamunyoka, nnganyi?

Yirmeya 12:5

Maweja-Nangila kungambila ne: paudi kuyi mua kuipatangana ne badi banyema ku makasa, nenku udi mua kupimangana ku lubilu ne nyama ya tubalu munyi? Paudi musombe mumvue bimpe anu muaba udi bantu basombe, kadi mu ditu dikutakane dia ku muelelu wa Yardene newenze tshinyi?

Yirmeya 49:19

Maweja-Nangila udi wamba ne: “Nengikale bu nyama wa ntambue, udi upatuka mu metu adi ku muelelu wa Yardene, uya muaba muimpe wa kuikishila mu tshipela, muaba utshidi ne biakudia. Nennyemeshe bantu bonsu badi muaba awu musangu umue. Mu ditunga dia Edome nenteke mukalenga undi musungule. Bualu, udi mutufuane meme nnganyi? Udi mua kungasa tshilumbu nnganyi? Mulombodi udi mua kuntuila nkanana udiku anyi?”

Yirmeya 50:44

Maweja-Nangila udi wamba ne: “Nengikale bu nyama wa ntambue, udi upatuka mu metu a ku muelelu wa Yardene, ubuela mu madimi a biakudia. Nennyemeshe bantu bonsu musangu umue. Mu ditunga dia Edome, nenteke mukalenga undi musungule. Bualu udi m umfuane meme, nnganyi? Udi mua kungasa tshilumbu, nnganyi? Mulombodi udi mua kuntuila nkanana, udiku anyi?”

Dibadika 24:9

Bena Izrayele kuzonzama, kulala panshi bu nyama ya ntambue. Udi mua kubajula ku bukole nnganyi? Izrayele, udi ukuela lupemba, bamuele pende! Udi ukutshipa, bamutshipe biende!

1 Korente 10:22

Tudi basue kujula Mfumu mukawu anyi? Nudi nuela meji ne: tudi bamupite bukole anyi?