Yobe 4:19 - MUKANDA WA MYIDI MUKULU

¹⁹ Nanku, mmunyi mudiye kayi mua kudiwula bantu badi basomba pa nzubu ya pa buloba, bana bavuabu bafimba ne diima, badibu mua kudiata bu tunkenene.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Nunku neatambe kumona mahanga kudi badi ne mibidi ya ha buloba, badi ne bishimikidi biabo mu dinfuenkenya, hadi baboteshibua bu tshibayibayi!

Yobe 4:19 교차 참조

Genese 18:27

Abrahame kuamba kabidi ne: — Ndi nkolesha muoyi bua kuakula ne Maweja-Nangila wanyi, nansha bu mundi muikale muntu tshianana, tshintu tshia lupitapita.

Genese 2:7

Maweja-Nangila Mvidi Mukulu kuangata dima, kufuka nadi mulume, kumuela mueyelu wa muoyi mu mimpempe ya diulu, mulume kushala tshifukibua tshidi tshienda ne muoyi.

Genese 3:19

Neupete tshiakudia tshiebe anu ku tshisululu tshia mu mpala muebe, too ne pawapingana mu buloba bundi mukufuke nabu. Udi lupuishi, newandamuke kabidi lupuishi.

Yobe 10:9

Uvuluke muuvua mumfumbe ne buloba bua diima. Ukadi ukeba kumpingaja mu lupuishi anyi?

Yobe 13:12

Miaku yenu idi bu butu, katuena mua kukuata nayi mudimu kabidi to. Meji anudi nufila adi bitotshi.

Yobe 13:28

Kadi ndi amu bu mutshi mumane kuuma, nansha bu tshilamba tshimana kudia kudi musuasua.

Yobe 14:2

Muntu udi bu tshilongu tshidi tshibaluluka, tshifubidila musangu umue. Udi upita, ujimina diakamue bu mundidimbi.

Yobe 22:16

Bobu bakafua matuku abu kaayi manji kukumbana, amu bu tshimana tshidi mayi upula.

Yobe 25:6

kadi muntu udi amu kishi, udi anu musanda! Nanku udi mua kuikala ne mushinga ku mesu a Mvidi Mukulu anyi?

Yobe 33:6

Wewe ne meme kumpala kua Mvidi Mukulu tudi mumue. Uvua mutufuke bonsu babidi ne diima.

Misambu 146:4

Padibu bafua, badi babajika, malu avuabu bapangadika mua kuenza adi ajimina bu bobu.

Misambu 39:11

Ukadi muntuute, mbikumbane. Mituutu yebe idi mipite.

Muambi 12:7

Diba adi, mubidi wa muntu neupingane mu buloba muvuawu mufume. Mueyelu wa muoyi neupingane kudi Mvidi Mukulu uvua mumupeshawu.

2 Korente 4:7

Kadi tuetu bavua bapete dipa dinene adi kudi Mueyelu, tudi amu bu ngesu ya dima, bua bantu bamone bimpe mudi bukole ebu bua dikema buikale bua Mvidi Mukulu, kabuyi buetu tuetu.

2 Korente 5:1

Tudi bamanye ne: nzubu utudi tusomba, mmomumue ne: mubidi wetu wa panu, udi upuka. Kadi Mvidi Mukulu mmutulongoluele nzubu mukuabu mu diulu, nzubu udi ushala kashidi, udibu kabayi basa kudi bantu.

1 Petro 1:24

Ke mudibu bafunde mu Mukanda wa tshijila ne: “Bantu bonsu badi bu bisosa. Lumu luabu luonsu ludi amu bu bilongu bia mu mpata. Bisosa bidi biuma, bilongu bipopoka.