Yobe 4:17 - MUKANDA WA MYIDI MUKULU

¹⁷ “Muntu wa panu, ku mesu a Mvidi Mukulu, udi mua kudiamba ne: Ndi muntu muakane anyi? Muntu udi mua kubinga kumpala kua Mvidi Mukulu anyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Muntu wa ha buloba udi mua kuikala muakane ku mesu kua Nzambi, anyi? Muntu udi mua kuikala ne mutshima mutoke ku mesu kua Mufuki wandi, anyi?

Yobe 4:17 교차 참조

Genese 18:25

Wewe kuena mua kuenza nanku, kuena mua kushipa muntu muakane pamue ne muena tshibawu. Abu bualu buyile kule. Bonsu babidi nebamueneke anu bu bena tshibawu. Wewe mukoshi wa nsambu munene wa buloba bujima, kuena mua kukosa nsambu bibi to.

Yobe 14:4

Kudi muntu udi mua kupatula tshintu tshidi ne mikiya ku tshintu tshidi katshiyi ne mikiya anyi? Nansha kakese!

Yobe 15:14

Muntu udi udiamba ne tshiena ne mikiya anyi? Udi mua kuamba ne tshiena ne bualu nnganyi?

Yobe 25:4

Muntu udi mua kubinga kumpala kua Mvidi Mukulu anyi? Muntu wa pa buloba udi mua kuikala muakane kumpala kua Mvidi Mukulu anyi?

Yobe 31:15

Bualu Mvidi Mukulu udi mumfuke meme munda mua mamu. Badi bangenzela mudimu, ke yeye udi mubafuke munda mua bamamuabu.

Yobe 32:22

Tshiena ne tshibidilu atshi to. Kabidi meme muenze nanku, Mvidi Mukulu udi mua kunnyoka lukasa.

Yobe 35:10

Kadi muntu nansha umue kena ukonka ne: “Mvidi Mukulu uvua mumfuke udi penyi? Yeye udi utuimbisha misambu nansha butuku.

Yobe 35:2

Yobe, paudi wambila Mvidi Mukulu ne: tshiena ne bualu, udi wenza bimpe anyi?

Yobe 36:3

Bantu badi kule bavua bangambila bindi ndongesha, bua mmone mua kubingisha Mvidi Mukulu Mumfuki wanyi.

Yobe 4:16

Meme kumona tshintu bu muntu, tshimana muaba awu, tshivua mua kutshijingulula bimpe nansha. Meme kumvua diyi ditekete diamba ne:

Yobe 40:8

Udi ubenga mundi nkosa nsambu anyi? Udi musue kumpisha bua wewe kubinga anyi?

Yobe 8:3

Udi muitabe bulelela ne: Mvidi Mukulu, udi mua kubenga malu makane anyi? Wa bukole buonsu udi mua kupanga kulonda meji mimpe anyi?

Yobe 9:2

Bushuwa, ndi mumanye bionsu biudi wamba. Muntu udi mua kupisha Mvidi Mukulu anyi? Kabiena mua kuenzeka to.

Misambu 143:2

Ndi muena mudimu webe, kungashi tshilumbu, bualu kakuena muntu muakane ku mesu ebe.

Misambu 145:17

Buakane bua Maweja-Nangila budi bumueneka, mu malu onsu adiye wenza. Bulenga buende budi budileja mu midimu yende yonsu.

Muambi 7:20

Mulengele kabula kalema, udi ne kende kamulamata.

Yirmeya 12:1

Maweja-Nangila wewe udi amu mubinge, tshiena mua kukuasa tshilumbu. Kadi ndi musue anu kukuela lukonku pa malu audi wenza. Mudi bantu badi kabayi balonda mikenji yebe bapeta dikasa dimpe mmunyi? Badi bakutombokela badi basomba talalaa bua tshinyi?

Yirmeya 17:9

— Udi mua kumanya muoyi wa muntu nnganyi? Muoyi wende udi usama, kabayi mua kuondapa. Udi udinga bantu, kabayi mua kujingulula.

Rome 11:33

Bubanji bua Mvidi Mukulu mbunene be! Meji ende ne dimanya diende mbiondoke! Udi mua kumvuija bidiye wenza nnganyi? Udi mua kujingulula meji adiye nawu, udiku anyi?

Rome 2:5

Kadi udi ne muoyi mupape. Kuena musue kudilengeja. Ke muudi udikebela dinyoka dipite bunene, dituku diamueneka tshiji tshia Mvidi Mukulu, diakosaye nsambu pa yoyi.

Rome 9:20

Kadi wewe muntu udi welangana mpata ne Mvidi Mukulu, udi nganyi? Luesu lua dima ludi mua kukonka udi mulufumbe ne: “Udi mutufumbe nenku bua tshinyi?”

Didimanyisha 4:8

Tshia muoyi tshionsu tshivua ne mapuapua asambombu, kabidi ne mesu nseke yonsu, munda ne panyima. Bionsu binayi bidi amu bimba munya ne butuku, biamba ne: “Maweja-Nangila, Mvidi Mukulu wa bukole buonsu, udi wa tshijila, wa tshijila, wa tshijila. Uvuaku, udiku, kabidi udi ufika.”