Yobe 39:5 - MUKANDA WA MYIDI MUKULU

⁵ Uvua muanyishe bua mpunde wa muitu ende kudiye musue nnganyi? Uvua musulule nkanu yende nnganyi?

Mukanda wa Nzambi Dihungila Dikulukulu ne Dihungila Dihia-dihia 2003

⁵ Wakutuma nyama wa mpunda wa mu mpata bua kuyeye mu budishikaminyi buandi nganyi? Anyi wakusulula nkanu ya mpunda udi unyema lubilu nganyi?

Yobe 39:5 교차 참조

Genese 16:12

Muanebe awu neikale bu nyama wa mpunde wa muitu! Nealuishe muntu yonsu. Muntu yonsu kabidi neamuluishe. Kakusomba pamue ne bana babu to. Neasombe amu pa nkayende.

Genese 49:14

Isakare udi bu nyama wa bukole bua bungi, mulale tshisaka ku luseke, tshisaka ku lukuabu.

Yobe 11:12

Kadi muntu wa tshidingidingi neapete lungenyi, anu dituku didi nyama wa mpunde wa muitu, uvua mpunde wa pambelu.

Yobe 24:5

Nanku bu mudi mpunde muitu mu bipela, ke mudi bapela baya kukuata mudimu, bakeba biakudia mu tshipela, bua bamone mua kudisha bana.

Yobe 39:10

Udi mua kumusuika bua kukudiminaye budimi buebe anyi? Udi mua kukoka lukasu luebe ludi lushipa mabuwa mu tshibanda anyi?

Yobe 39:4

Pashishe bana badi bakola, badiunda mu tshipela. Dinga dituku bana abu badi bashiya bamamuabu, kabayi mua kupingana kabidi to.

Yobe 6:5

Padi bisosa lutenda, nyama ya mpunde mu mpata idi mua kudila anyi? Nyama ya ngombe idi mua kuasa muadi padiyi ne bisosa bivule anyi?

Misambu 104:11

Nyama yonsu idi ilua kunua mayi, ne mpunde wa mu tshisuku udi ujikijilaku nyota yende.

Yeshaya 32:14

Nzubu wa mukalenga mmushale mutupu, tshimenga, tshivua bantu tente, tshikadi tshipela. Mukuna wa Ofele, ne kaleya ka batentekedi, mbishale dikolu kashidi. Nyama ya mpunde ya ditu ikadi inayilamu, bimuna bikadi bikebelamu biakudia biabi.

Yirmeya 14:6

Nyama ya mpunde idi imana pa mikuna idi kayiyi ne bisosa. Idi yeyakana bikole mudi nyama ya mibuabua yenza. Idi ikeba bisosa ipanga. Bualu kakuena kabidi kantu to.

Yirmeya 2:24

Udi bu nyama wa mpunde mukaji, udi muibidile mu tshisuku, mumanye njila yonsu ya mu tshipela. Nyama awu udi ununkila lupepele ne lukuka lukole. Kakuena tshidi mua kumukandika bua kuyaye kudi nyama mikuabu. Nyama ya mpunde milume idi ikeba mukaji awu, imupeta lukasa misangu yonsu idiye mumvue muoyi wa kuya kudi mulume.

Danyele 5:21

Bakamuipata munkatshi mua bantu, bamupuekesha milongu ya nyama. Kusombaye ne nyama ya mpunde ya mu tshisuku. Kudiaye bisosa bu ngombe. Mubidi wende kubola ne lumuma, too ne pakamanyaye ne: Mvidi Mukulu, Muena kulu, ke udi mfumu wa makalenga a bantu, ke udi upesha muntu udiye musue bukalenga.

Osheya 8:9

Bakuya ku bena Ashure. Nyama wa mpunde wa mu tshisuku, udi udienzela malu nkayende. Kadi bena Efrayime badi badikebela balunda, badi mua kubafikisha ku buenzayi.