Yobe 39:27 - MUKANDA WA MYIDI MUKULU

²⁷ Ku diyi diebe, ke kudi nyunyi wa tshiminyi ubuka, nansha wibaka disua, pa mukuna mule anyi?

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Nyunyu wa mukanku udi ubanda mulu, udi wibaka disua diandi kulu bua mukenji webe, anyi?

Yobe 39:27 교차 참조

Yobe 39:26

Wewe ke uvua mupeshe nyunyi wa kabemba, meji a kuya kuinshi kua ditunga, diba didiye ne bua kuasulula masala ende anyi?

Yobe 39:28

Udi wasa pa lubuebue, pa lusongu mene, muaba udibu kabayi mua kumupeta.

Misambu 103:5

Udi umpetesha diakalenga divule matuku onsu andi panu, udi umpingaja nsongalume, ndi ne bukole bu bua nyunyi wa tshiminyi udi ubuka.

Ekesode 19:4

“Nudi badimuene mundi muenzele bena Ejipitu. Meme kunuambula mudi nyunyi wa tshiminyi wambula bana bende pa mapuapua, kunufikisha kundi meme.

Nsumuinu 23:5

Bualu biuma bidi bijimina kuyi muanji kubimona bimpe. Bidi bibuka mudi nyunyi wa tshiminyi ubuka mulu, uya kule.

Yeshaya 40:31

Kadi badi batekemena kudi Maweja-Nangila, badi bapeta makanda mapiamapia. Badi babuka bu nyunyi ya biminyi. Badi banyema lubilu, kabayi bapungila. Badi benda, kabayi bateketa.

Yirmeya 49:16

Uvua ukuatshisha bantu bonsu bowa. Uvua udimona bu udi mupile bisamba bionsu. Kadi uvua udidinga. Nansha wewe musombe mu mbuebue, nansha wewe muase pa mikuna mitumbuke, nansha wewe muenzele disua diebe kulu kupita, mudi nyunyi wa tshiminyi wenza, kadi nenkukulule panshi.” Ke mudi Maweja-Nangila wamba nanku.

Osheya 8:1

Maweja-Nangila udi ungambila ne: Ela mpungi ya myita! Ela bibingu! Baluishi badi babuela mu ditunga dia Maweja-Nangila, bu nyunyi ya tshiminyi. Bualu Maweja-Nangila udi wamba ne: “Bena Izrayele mbanyange ndondu umvua mutue nabu. Kabena balonda mikenji yanyi.

Lewitiki 11:13

“Kanuena mua kudia nyunyi eyi to: tshiminyi, mukanku, kabemba ka mvulu,

Obadya 1:4

Nansha nuenu banangapale mulu bu nyunyi ya tshiminyi, nansha nuenu bibakile disua dienu munkatshi mua mitotu, nennukulule. Meme Maweja-Nangila, ndi ngamba nanku.