Yobe 34:4 - MUKANDA WA MYIDI MUKULU

⁴ Nenku, tujingululayi malu adi mimpe. Tukebe bonsu pamue muaba udi bulelela.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Tudisunguile bualu budi buakane, tumanye munkatshi muetu bualu budi buimpe.

Yobe 34:4 교차 참조

Yobe 34:3

Mudimu wa ditshi, nkujingulula malu, bu mudi tshilakalaka tshijingulula buimpe bua biakudia.

Yobe 34:36

Nutete anu bidiye wamba, nenumone ne udi wakula anu bu bantu babi.

Yobe 34:5

Yobe udi wamba ne: “Tshiena ne bualu bubi bundi muenze nansha. Kadi Mvidi Mukulu kena muanyishe malu makane andi ngenza to.

Yowanane 7:24

Lekelayi kukosa nsambu amu ku malu anudi numona ne mesu. Kadi nulonde tshilumbu tshia muntu kanuyi ne kansungasunga.

Rome 12:2

Kanulondi bidi bena panu benza. Kadi nuanyishe bua Mvidi Mukulu ashintulule meji enu onsu, bua nuikale bantu bapiabapia. Nenku nenujingulule bidi Mvidi Mukulu musue, bidi bimpe, bimulengelela, bidi biakane tshishiki.

1 Tesalonike 5:21

Kadi kenketayi malu onsu, nulame adi mimpe.

Balombodi 19:30

Bonsu bavua bamone bualu ebu, kukemabu, bamba ne: — Katshia bena Izrayele bapatuke mu Ejipitu, katuena banji kumona benza bualu bua mushindu ewu to. Mbimpe tulondeshe bualu ebu, tukonkangane, tukebe tshitudi mua kuenza.

Balombodi 20:7

Nanku mpindiewu, bu mudi bena Izrayele bonsu bamane kutuilangana, nuebejangane bualu ebu, nukebe tshinudi mua kuenza.