Yobe 32:21 - MUKANDA WA MYIDI MUKULU

²¹ Bulelela, tshiakutua ku tshia muntu nansha umue. Tshiena musue kulabidila muntu wa kunudi nansha umue.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Ndi nnusengelela ne, Meme tshikadi ne kansungusungu kudi muntu yonso nansha; tshitumbishi muntu ne mei a lubombo.

Yobe 32:21 교차 참조

2 Samuele 14:17

Nanku, mukalenga, meme mvua ngela meji ne: “Diandamuna dia mukalenga neditusambe, bualu mukalenga, wewe udi bu mutumibue wa Mvidi Mukulu, udi mumanye mua kusunguluja bualu buimpe ne bubi.” Nanku Maweja-Nangila Mvidi Mukulu webe ikale nebe!

2 Samuele 14:20

Yowabe mmusue nenku bua kulongolola tshilumbu. Kadi mukalenga wewe udi mumanye bionsu bidi bienzeka pa buloba, bualu udi ne meji matue bu a mutumibue wa Mvidi Mukulu.

Yobe 13:10

Nansha nuenu banshiminyina malu mu musokoku, yeye neanutandishe bulelela.

Yobe 13:8

Nudi basue kuditua ku tshiende, nudi nujinga kumulumbuluila anyi?

Yobe 32:20

Nundekele nganji kuakula panyi bua mpete dikisha, nengandamune muntu yonsu.

Yobe 32:22

Tshiena ne tshibidilu atshi to. Kabidi meme muenze nanku, Mvidi Mukulu udi mua kunnyoka lukasa.

Yobe 33:3

Nenkulongeshe anu malu malelela mudiwu.

Yobe 34:19

Amu Mvidi Mukulu kena ne kansungasunga, kena utshina bamfumu, kena unemeka mubanji kumpala kua mupele. Bualu uvua mubafuke bonsu udi amu yeye mene.

Misambu 82:2

“Nenulumbuluishe bantu ne kansungansunga, bua kubingisha badi bapila too ne ku diba kaayi?

Nsumuinu 24:23

Bena meji badi bamba kabidi ne: Tshibawu mpolonto mpolonto, wasa kudi tshibawu kuashi kudi muanenu.

Nsumuinu 28:23

Muntu udi utandisha mukuabu biakane, ku ndekelu neapete disanka dipite dia mulabididi.

Lewitiki 19:15

“Kanulumbuluishi ne kansungansunga. Kanubingishi mupela nansha muena biuma, padiye mupile. Kadi nukose nsambu ya bana benu anu pa yoyi.

Malaki 2:9

Nanku, meme nensake bena Izrayele bonsu bua banupepeje, banufuishe bundu, bualu kanuena nuenza mundi musue. Nudi nuenzela bantu malu ne kansungansunga.”

Matayi 22:16

Kutumabu balongi babu bakuabu, ne bamue ba bena Erode, bua kuambila Yezu ne: — Mulongeshi, tudi bamanye ne: wewe udi wamba malu malelela. Udi ulongesha amu patoke tshidi Mvidi Mukulu musue bua muntu enze. Kuena utshina bidi bantu bela meji, bualu kuena ukakala muntu. Kuena utshina buneme bua muntu.

Dielulula 1:17

Nukose tshilumbu anu muditshi. Nuteleje muntu yonsu, mubanji ne mupele, kakuyi kansungansunga. Kanutshinyi muntu pa kukosa tshilumbu, bualu nudi nulumbuluisha mu dina dia Mvidi Mukulu. Pikala tshilumbu tshinupita, nufike natshi kundi bua meme kutshiumvua!”

Dielulula 16:19

Kanunyangi tshilumbu tshia muntu. Kanubingishi muena tshibawu. Kanuangatshi tshintu tshia mabuejila. Bualu tshintu tshia nanku, tshidi tshiumbusha mulumbuluishi, nansha yeye muntu wa meji, ku ba muanda, tshimutuma ku ba wetu, bua kunyangaye bilumbu bia bantu.