Yobe 30:1 - MUKANDA WA MYIDI MUKULU

¹ Pashishe bansongalume badi ne bidimu bidi kabiyi bu bianyi, badi bandembakaja mpindiewu. Batatuabu kale kabavua ne mushinga nansha. Tshivua mua kuanyisha bua bambuluishe mbua yanyi ivua ilama bimuna bianyi.

Mukanda wa Nzambi Dihungila Dikulukulu ne Dihungila Dihia-dihia 2003

¹ Kadi katataka bantu bandi mpita bidimu badi banseka, bena batatu babo banakadi ne bundu bua kuteka hamue ne mbua idi ilama mikoko yanyi.

Yobe 30:1 교차 참조

2 Bakalenga 2:23

Elisha kumuka mu Yeriko, kuya mu Betele. Pawaye mu njila, bana ba balume bavua bafume mu tshimenga, kumuseka, bela mbila ne: — Muena dibala, banda! Muena dibala, banda!

Yobe 12:4

Pandi ndomba kudi Mvidi Mukulu bua angandamune, tshidi tshingenzekela ntshinyi? Nkadi bu muntu udibu balembakaja kudi balunda bende, udibu bapetula, nansha meme tshiyi ne tshilumbu, tshiyi muenze bibi.

Yobe 30:2

Batatuabu abu kabavua ne bukole nansha bukese, bavua mua kungambuluisha ku tshinyi?

Misambu 119:51

Nansha bena kapeja banseka, tshiena musesuke ku mikenji yebe.

Misambu 69:12

Mvua muvuale bilamba bia madilu, bobu kunsaka mu misambu.

Yeshaya 3:5

Netshikale tshikondu tshia buntomboji, tshia kufuila mianzu. Bansonge nebakengeshe bakulumpe, bantu babule meji nebapetule bantu ba mushinga.

Marke 14:65

Bamue ba kudibu kubanga kutuila Yezu mate pambidi, bamubuikila tshilamba ku mpala, bamutuuta bisusu bamuamba ne: — Jandula udi ukuenza nanku awu. Basolayi kumuangata, kumutuuta mapi.

Luke 23:14

ubambila ne: — Nudi bamvuile ne muntu ewu, nuamba ne: udi upambula bantu. Kadi ndi mumulumbuluishe kumpala kuenu. Tshiena mumusangane mupila ku bualu bubi nansha bumue, bunudi bamufunde.

Luke 23:18

Kadi bonsu pamue kuelabu mbila ne: — Ushipeshe muntu ewu, utulekele Barabase!

Luke 23:35

Bantu bonsu batua bimane muaba awu, batangile. Bamfumu ba bena Yuda bavua baseka Yezu, bamba ne: — Uvua musungile bantu bakuabu. Pikalaye Kristu uvua Mvidi Mukulu musungule, adisungile, tumone!

Luke 23:39

Muena tshibawu mukuabu, uvua kabidi mulembelele ku mutshi mutshiamakane, uvua upenda Yezu, wamba ne: — Wewe kuena Kristu anyi? Nanku udisungidile, utusungile ne tuetu kabidi!

Bienzedi 17:5

Kadi bena Yuda bavua ne tshiiji tshipite. Kusangishabu bena buenzayi bavua bendakana mu misesu. Kujulabu nabu tshimvundu munkatshi mua bantu mu tshimenga tshijima. Kuyabu bonsu ku nzubu kua Yazone, bakeba Polu ne Silase, bua kuya kubalumbuisha kumpala kua bantu.

Tite 1:12

Muena Kreta menemene, umue wa ku bambi babu, uvua wamba ne: “Bena Kreta badi amu bena dishima, nyama ya lonji, bena lulengu, basombela anu bua kudia.”