Yobe 3:21 - MUKANDA WA MYIDI MUKULU

²¹ Badi bindila lufu, kadi kabena balumona. Badi balujinga mudibu bajinga biuma.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Badi bajinga lufu, ne kaluena tulua kudibo, badi bumbula mu buloba bua kulukeba ne dikeba dihite dia biuma bisokoka bukole.

Yobe 3:21 교차 참조

1 Bakalenga 19:4

Pashishe, kuendaye mu tshipela dituku dijima. Kuyaye kusomba muinshi mua mutshi wa ngenete, ujinga mua kufua, wamba ne: — Maweja-Nangila, mpindiewu biantondi! Unshipe, bualu meme tshiena mupite bankambua banyi to.

Yobe 11:20

Kadi, bena malu mabi badi bakeba bantu badi mua kubambuluisha, kabena mua kubapeta to. Bobu badi mua kutekemena amu lufu.

Yobe 3:22

Bavua mua kuikala basanka bikole bu bobu mua kuya ku bafue!

Yobe 6:8

Mvidi Mukulu kena umpesha, tshindi ndomba bua tshinyi? Ankumbajile tshindi njinga.

Yobe 6:9

Mbimpe Mvidi Mukulu anzaze, alekele kundama, ambutule.

Yobe 7:15

Eyowa, bu wewe mua kungela kankosa ku nshingu, mbimpe bitambe! Ndi musue kufua, pa mutu pa meme kunyana, kushala anu mifuba nkayayi nunku.

Nsumuinu 2:4

Ulukebe muudi ukeba tshiamu tshitoke tshia mushinga mukole, muudi ukeba biuma bivuabu basokoke.

Muambi 4:2

Meme ndi ngamba ne: badi bamane kufua, badi ne diakalenga dipite dia batshidi ne muoyi.

Yirmeya 8:3

Maweja-Nangila wabukole buonsu udi wamba ne: Bena mu ditunga edi bikale bashale ne muoyi, miaba yonsu indi mbatangalaja, nebajinge kufua pa mutu pa kushala ne muoyi.

Yona 4:3

Maweja-Nangila, mpindiewu ndi nkusengelela ne: ungumushe panu. Bualu mbimpe meme kufua pamutu pa kushala ne muoyi.

Yona 4:8

Diba dimane kubanda, Mvidi Mukulu kutuma lupepele lua luya, lufumine ku luseke ludi diba dipatukila. Kupulalu mutshi awu. Munya mukole kuosha Yona mu mutu. Kusuaye kufua tshipuka. Nanku Yona kujinga lufu, wamba ne: “Mbimpe meme kufua pa mutu pa kushala ne muoyi.”

Dibadika 11:15

Paudi musue kunkengesha nanku, mbimpe unshipe. Ke muudi mua kumfuila luse, tshiyi mmona kabidi dikenga dindi nadi edi to!

Didimanyisha 9:6

Ngondu itanu eyi, bantu nebakebe lufu, bua lubakuate. Kadi kaluakubakuata to. Nebajinge kufua. Kadi lufu nelubanyeme mutantshi mule.