Yobe 27:5 - MUKANDA WA MYIDI MUKULU

⁵ Tshiena musue kuitaba nansha kakese ne binudi nuamba bidi bia bulelela. Kashidi too ne ku lufu luanyi, nengambe amu kuamba ne tshiena ne bualu.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu ebu kabuikadi kundi bua meme kunubingisha. Tô ne hanafua bianyi tshiena ngitabusha bua mutshima wanyi mutoke ûmuke kundi.

Yobe 27:5 교차 참조

Yobe 13:15

Nansha Mvidi Mukulu musue kunshipa, anshipe, tshindi mua kutekemena kabidi ntshinyi? Kadi ndi anu musue kudilumbuluila, kumpala kuende.

Yobe 17:9

Badi bamba ne: “Bantu badi bitaba Mvidi Mukulu, bananukile mu njila wabu, badi kabayi ne tshilumbu, bashale amu nanku.”

Yobe 2:3

Maweja-Nangila kumuebeja ne: — Uvua mumone muntu wanyi Yobe anyi? Pa buloba kapena muntu udi mufuanangane nende nansha. Yeye udi unnemeka, ungitaba. Udi muntu muimpe. Mmubenge malu mabi. Uvua munsake amu bua meme kumukengesha kapayi bualu. Kadi nansha nanku, utshidi amu undamata.

Yobe 2:9

Mukajende kumuambila ne: — Utshidi amu ulamata Maweja-Nangila muebe muuvua amu bua tshinyi? Umuele mulawu! Umutshipe. Utue!

Yobe 29:14

Meme kuvuala buakane bu tshilamba. Kanemu ka tshintu tshia bende kavua mu tshinkutu ne mu tshifulu tshianyi.

Yobe 31:6

Mvidi Mukulu ampime ne tshipimu tshidi tshiakane. Nanku neamanye ne tshiena ne bualu.

Yobe 31:7

Pikala makasa anyi masesuka mu njila ivuaye mundeje, pikala muoyi wanyi mualakane bivua mesu anyi majinga, pangikala munyange bianza bianyi ne malu mabi,

Yobe 32:1

Pashishe bantu aba basatu, Elifaze, Bildade ne Sofare kabavua basue kuandamuna kabidi Yobe bualu to, bualu uvua udiunwua ne tshiena ne bualu.

Yobe 32:2

Kadi Elihu, muana wa Barakele wa mu tshisamba tshia Buze, mu diku dia Arame, kufika munda bikole, bualu Yobe uvua udibingisha, upisha Mvidi Mukulu.

Yobe 32:3

Uvua kabidi mufikile bantu basatu aba munda, bualu kabavua mua kuandamuna Yobe, bafuana kupisha nanku Mvidi Mukulu.

Yobe 33:9

“Meme tshiena ne bualu, tshiena mutombokele Mvidi Mukulu. Tshiena muenze tshilema. Ndi amu mundi emu.

Yobe 42:7

Maweja-Nangila mumane kuyukila ne Yobe, kuambilaye Elifaze wa mu tshimenga tshia Temane ne: — Wewe ne balunda bebe babidi, ndi munufikile munda. Bualu kanuena balongesha mu bulelela malu adi antangila, bu muvua muntu wanyi Yobe muenze.

Yobe 6:29

Kanumpishi, tshiena ne bualu to.

Nsumuinu 17:15

Mubingishi wa muena tshibawu, ne mupishi wa muntu muakane, mbantu babidi badi Maweja-Nangila udiwula mushindu wa momumue.

2 Korente 1:12

Tudi mua kuditemba, bualu kondu ken ka munda kadi kanjadikila ne: ndi bende panu, nangananga munkatshi muenu, ne muoyi wa didipuekesha, kanyi ndinga bann, balonde bidi Mvidi Mukulu wenza. Nanku tshivua tshindudika ki mmeji a bann nansha, kadi amu dinanga didi Mvidi Mukulu utunanga nadi.

Ngalate 2:11

Kadi Petro mumane kufika mu Antiyokiya, meme kumubela, bantu bonsu bumvue, bualu uvua muenze bibi.

Dielulula 25:1

Pikala bena Izrayele babidi batandangana, nebaye kudi balumbuluishi bua kujadika udi mupite ne udi mubinge.